حب❤بعد⬅️الزواج💍الجزء 2

😱 الحلقة 13 😱

مانهدروش على حالة ادم مور ماسمع واش قالت جداتو قعد يخزر فيه دقايق باش استوعب واش هدرت
ادم: كيفاش جدة نتزوج؟
مريم : ايه يا وليدي و راني موجدتلك وحدة بنت فاميلية الزين و العقالة و واش تحب نتا ثان😉 راهو الله يبارك ( تقصد لاطاي).
حك راسو متوتر : امم و شكون هاذي؟!
مريم : جهان بنت خالك
ادم : ااا😶!!!
مريم : اييه بنت خالك و انت اولى بيها من البراني يعني لوكان جا عندك المخ و تخمم كي الناس لوكان نتا من نهار جات لهنا راك هدرت معا خالك عليها و تقولو انا الللي نديها ياخي راهي قريب شهر هنا راهي عايشة معاك و شفتها متريبة و شاطرة مافيها حتى حاجة ماشي مليحة.

ادم جداه تهدر و هو راهو غايس و يخمم في هدرتها كيشغل جداه حست بيه بصح لوكان يقبل و يتزوج بيها يولي مربوط هو موالف يسهر و كل ليلة مع طفلة (حبس في رمضان زعما🙄) حتا ولاولو السهرات ادمان في رمضان راهو شاد روحو بالسيف sûr tout كي خوالو و ولدهم راهم هنا تسما يشوفوه...طلع و هبط الفكرة و خمم مليح و تفكر واش راهو صاري فيه هاو دار accident قال بلاك تحذير و الحمد لله خرج منها و سلك بصح بلاك مرة وحدوخرة يتشل و لا كشما يصرالو و قال بلاك هاد الطفلة نسgم روحي معاها و ترجعني لطريق ربي ولا قال لمانو
ادم : ايه كيما تحبي و الطفلة مافيها حتى عيب كيما قلتي بصح قل ماتهدري مع والديها شوفبها هي ايدا تقبل يعودو يسيفو عليها

مريم : هيه هادي باينة حتا في لينا و ادهم درت هكا ماشي حتا توريلي

ادم : ايه خلاص كيما تحبي😦

مريم : امم (حطتلو تيليفونها في يدو ) فورميلي ديجا numéro تاعها نهدر معاها....ولا نقولك هات هات تعود تدي numéro تاعها نعرف نتوما les jeunes خدمتكم تاع شواطن😈.

ادم : 😶😶

نحاتلو الtlphn من يدو عيطتلها و الباقي تعرفوه
زاد ادم مور لينا 10minباش ماتبهدلوش مانو تقولو راك رايح ليها و خرج لشمبرتو بدل و رقد ديراكت بسك كان عيان و مارقدش كامل فالنهار.

ناوضوهم النسا سحرو و عاودو رقدو

🌄🌅🌄🌅 اصبحنا و اصبح الملك لله 🌄🌅🌄🌅

ناضت جهان صباح بكري و خرجت باش ماتتلاقاش بأدم خلات للبنات msg معا يماها باش تخرج هي بكري من الخدمة باش يروحو اومبعد يشرو حوايج العيد كيف كيف ( فراس و ريهام راحو مع الضياف لبارح)

خدمت حتى لل13:30 و خرجت عيطتلهم فالtlphn تفاهمو يتلاقاو في رويبة 😂(ماشي كي مرفهين معنتها رح نديهم لcentre comercial) المهم دارو دارو حتى لقاو واش يشرو شراو كامل جبب تاع دار شابين مع حوايج تاع خرجة غير جهان قالتلهم لقيت وحدة فinsta كومونديتها يجيبوهالي للدار و النسا لكبارات تان شراو جبب حطة و كلاس مع حجابات و مريومة داولها معاهم بسك ماخرجتش ماخبوش يعيوها كي ولاو للدار طلعو كامل غسلو بدلو صلاو صلاتهم و راحو يريحو ليوم النسا لكبار هوما اللي طيبو بسك روان و مروان راهم هاد ليامات غير يراجعو علا جال الباك و جهان معاهم تقري فيهم خطرة هيا خطرة جهاد (ماتهدروليش علا قرايتهم بسك انا و معلاباليش واش صرالها ديرو في بالكم راهم vacances حتى لمور لعيد يروحو لدارهم🙂)