دارت جهان قدامها باش تهدر معا رانيا لقاتها مصروعة
ولات حكمت قرعة ما ترش عليها و تديرلها فالريحة تشمها حتى فطنت و كي استوعبت و تفكرت واش راهو صاري عاودت ولات تعيط.هنا جهان ماولاتش تضوي الضغط كامل راهو عليها و زادو عليها الناس اللي مواراها يصونيو عليها كانت راح تسب ولات استغفرت و ديمارات رايحة للسبيطار اللي ادم فيه و فنفس الوقت تهدر مع رانيا
جهان : رانيا ختيتي تعيشي حبسي لبكاء ماراح يفيد في والو شدي في ريي و ادعيلهم مايكون غير الخير انشاء الله.
رانيا : مقدرتش..اهىء راني خاااايفة اهىء اهىء😭
جهان شافت باللي النقاش معاها عقيم ندمت اللي خلاتها تجي معاها بصح ماعندهة ماتدير خوها و راهي خايفة عليه ولات زادت فالvitesse ولات طايرة و تدوبلي فالطونوبيلات الناس يكلاكسونيو و هي مادايرة حساب لحتى واحد حتى وصلت للسبيطار هبطت رفدت دوزانها (كوارطها،تيليفونها دراهم كانت حاطتهم في pورتفويْ )
و راحت جهة رانيا عاونتها تهبط غلقت الطونوبيل و دخلو يزربو سقساو فالreception قالولهم راهو فغرفة العمليات طلعو يجرو تعرفو السبيطارات تاعنا خااالوطة كبييرة و en plus هداك السبيطار ماشي privé تسما الحالة راهي كارثة وصلو لقاوهم مزالو مع العملية تاعو الفرملية اللي تجوز يسقسوها تقوللهم ماعلاباليش جهان غير تستغفر و تقرا فالادعية بشوية حتى هدات روحها لداخل مليح ولات حكمت تيليفونها عيطت لجهاد خوها خبراتو وين راهم و واش صرا بالضبط
سقساتو على جداتها قاللها الطبة من اللي دخلوها مازال ماخرجوش هي تهدر معاه و الطبيب خرججهان : جهاد اومبعد
كوpات بلا ماتسمع جوابو جرات هي للطبيب بسك رانيا راهي شبه فاقدة للوعي قاعدة فالكرسي شالت الطبيب خرج بصح ماقدرتش même pas تنوض تهدر معاه
الطبيب : انتو عايلة ادم ****
جهان : oui docteur غير الخير واش عندو
الطبيب : ماتتقلقيش madame المريض عندو كسر فاليد اليمنى و الانف تاعو و العنق تاعو تضضر بسبب الخبطة.
جهان : بصح علاه طولتو كامل هكا علاحساب علمي الاصابات هادو معرفين يعني غير تعرفو برك وشبيه تلقاو الحل خلعتونا شوف ختو راح تموت حسبتلها خوها راح يموت و فالاخر تقولي كسر كسر تقعو فيه 2سوايع
الطبيب : ايي مدام ماعندناش غير مريض واحد و déja كي شفنا حالتو نورمال خليناه و شفنا مرا كانت راح تموت هي ببنتها اللي في كرشها.... حبيتو ماطولوش روحو للprivé راكي تشوفي هنا الحالة كيفاش ....
جهان : ااااااا خلاص c'est bon يعطيك الصحة بلاما تحكيلي كلش عيني راهي تشوف ..نقدرو نشوفوه؟
الطبيب😑 : امم رح نحطوه فالغرفة 312 دوك يخرجوه ماراهوش فاطن دكا كي يفطن تقدرو تخرجوه
YOU ARE READING
حب❤بعد⬅️الزواج💍الجزء 2
Actionو ها قد عدنا من جديد مع الجزء الثاني من قصة حب❤بعد⬅️الزواج💍 باللهجة الجزائرية🇩🇿 لبنات حبيتو جزء 2 و هاهو جا بصح راح يكون كاين قانون صغير راح يكون واضح في كل حلقة تبعوها و اعطوني رايكم في كلش حاجة ماعجبتكمش قولو هكا باش نخرجو كرونيك شابة و يقدرو...