حب❤بعد⬅️الزواج💍الجزء 2

🌼 الحلقة 37🌼

عند ادم :
لقا راحتو مع خاوتو كي رفدو لبنات السنيوات و راحو

نطق ادم الصغير : نخرجو نمشو شوية فالحومة؟!

الياس : ايه

دارو لآدم يخزرو فيه : نخرجو!

ادم : ايه نورمال

ناضو الداري راحو بدلو حوايجهم و جابو مفاتحهم تيليفوناتهم الخ...

عاودو هبطو عند ادم و خرجو كيف كيف يمشو كانو يبانو باللي خاوا للي يعرفهم و اللي مايعرفهم يقول صحاب متفاهمين بالبزاف خاصة كي ادم الصغير يعلق على العباد ولا يهدر كاش حاكة يولو يضحكو كامل بيناتهم راحو قعدو فواحد الjardin يgسرو

ادم الصغير : وين راكم تسكنو؟

ادم : ف****** و نخدم ف *******

ادم ص : دايمن نجوز من تم و جامي شفتك

ادم : فالحومة مانقعدش بزاف لتم بسك العباد اللي ساكنين لتم مانخدمهمش (يقصد مانتفاهمش معاهم)

الياس : وي الpلاصة هاديك ناسها طايرين شحال من خطرة يصرالي problème لتم surtout كي يشوفو واحد جديد عليهم لتم يكلبو واحد النهار مخرج معايا لبنات ايناس و سيلين وصلنا لتم كانت كومبرومو كحلا
و الكاروات فالطوموبيل هابطين انا نسوق و هوما يبسبسولهم قلت دوك يحشمو دوك يحشمو والو خرجت ليهم جاو يتحاماو فيا زعما تفرت فيهم خرجولهم ليgرد تاوعي من الطوموبيلات اللي مورايا هربو يجرو يالزح كانو يترجلو ولاو يتعايطو كي النسا.

ادم : ههه مام انا صراتلي كنت مع ختي و كان كاين واحد يكيل فيها و يعاود و يطلق المعاني و يطيح و كلش درت ليه و الله غير قريب وصلتو كوما خرجت فيه gاع زعافي و كنت زاطل كانت اول مرة نتعامل معاهم و آخر مرة بسك صحابو داو الدرس

الياس : تزطل؟!

ادم : كنت قبل ماتجي المرا (جهان)

ادم ص : اِاِيِيِ حبيبة اقلب توباتو😝

الياس : وعلاش وصلت للزطلة

ادم : كي هبطت من fr مع جداتي كنت صغير شوية و وحدي ماشي موالف dz و فهاديك الحومة تمتم دخلوني في وسطهم على جال دراهمي حتى وليت معاهم بصح ماكنت نكونسومي بزااف بسك عندنا لافامي هنا يتلاقاو بيا و تان الخدمة كلش تحت مسؤوليتي

الياس : و مرتك واش دارت؟ باش خرجاتك من تم

ادم : بالنسبة ليكم بلاك مادارت والو بصح ليا انا دارت بزاف و اهم حاجة فيهم رجعتني لطريق ربي اللي نسيتها و هملت ديني بزااف جداتي كنت عايش معاها تضل تنصح فيا بصح انا كي كان يصرالي مشكل كنت نروح ديراكت للgارو ولا الزطلة ولا الشراب غير الصلاة اللي مكانتش في راسي و تان قبل مانتزوج صرراتلي accident قريب مت لتم عرفت واش معنتنا نقابل ربي و انا مانعرف والو....القرآن سورة ماحفظها من غير الفاتحة و زوج سور صغار......غلطة كبيييرة درتها كي حبيت نجي هنا و نعيش غير مع جداتي وحدنا كنت نقول برا فالحوما ماكاش اللي يعسني ولا ينصحني نديير راي نزطل نشرب واحد مايشوف بصح ربي كان يشوف و كلش راهو يتقلب عليا دوكا