🌄🌞اصبحنا و أصبح الملك لله🌞🌄
ناض آدم على الصوت المنبه قعد يتكسل و يعاود (يكسل يديه للسماء و كلش تعرفوها تعرفوها😁)
حبس تيليفونو اللي كان يصوني و دار يشوف فجهان اللي كانت راقدة بالنوم طان راح ينوضها اومبعد حبس
دخل غسل و توضأ و لبس هبط لتحت لقاهم مزالهم راقدين كامل راح للجامع صلى و جاز boulangerie شرا 20 كرواصو (croissant)
و 20 بتيبا(petit pain) و زاد جاز لحانوت نورمال شرا الحليب و ولا للدار (ايي يوليدي ولا مسؤول)
حطهم فالكوزينة و طلع باش يروح للشمبرة لقا جهان هابطة لابسة جبة و دايرة خيمارها كي وصلت عندو حبستجهان : صباح الخيير
خطف آدم بوسة من شفايفها تمتم : صباح النور...ريحتي شوية؟
كملو هبطو رايحين للكوزينة لتحت جهان : الحمد لله.
آدم : علاه نضتي من بلصتك ماشي الطبيبة قالت لازملك الراحة
جهان : قالت بصح تعرفني مانقدرش نحكم بلاصة
حركلها راسو بإيه و ضحك ضحكة خفيفة : نعرف نعرف تموتي علا الشغل.
شافت فهاذوك الساشيات اللي فوق البوطاجي : انت اللي شريتهم؟
آدم : اممم....هيا انا نطلع كي يوصل الوقت باش نروحو عيطيلي
جهان : اصبر نطيب تستقهوى
آدم : nn مكان لاه اصلا مزالني نعسان نطلع نؤقد و كي نوض ساهل ماتنساينيش و ماتعييش روحك
جهان : إن شاء الله
خرج هو و هي دارت حطت لحليب فقدرة كبيرة يطيب و دارت زوج ليبراس تاع قهوة كبار يطيبو تان و بدات تفرس فلماعن تاع البارح بالشوية حتى سمعت
**** : صباح الخير
دارت لقاتها سهام ردتلها : صباح النور
دخلت سهام قعدت فكرسي عند الباب اومبعد نطقت :
ريحتي شوية نقصلك هذاك السطر؟
جهان : وي الحمد لله....و ي..يعطيك الصحة علا لبارح
سهام : بلا مزية....تحبي نعاونك؟
جهان : كيما تحبي
ناضت سهام لهداك لحليب كان طاب هو و القهزا فرغتهم فليترموس و وجدت سنيوات تاع القهوة و جابت سلل تاع خبز (شابين) حطت فيهم الكرواسو و البتيبا (طبعا هي كانت تسقسي و جهان توريلها البلاصة تاع كل حاجة😶)
جوايه السبعة هكاك بداو يسمعو فصوت عرفو بللي بداو ينوضو و النسا اللي تنوض تغسل تلبس تصلي و تهبط للكوزينة تستقهوا و الرجال كف كيف حطولهم السنيوة فالsalon باش يستقهواو لتم حتى استقهواو كامل غسلو لبنات هادوك لماعن و تفرقو كاين اللي يروحو للمقبرة طلعو يلبسو جهان طلعت للشمبرة مالقاتش ادم حوست عليه والو مكاشو راحت لشمبرة مريم لقات لتم راقد فوق البونك تاعها و معنق جبة من تاوعها ضامها لوجهو خزرت فيه هكا🥺علابالها بللي قدامها يمثل و يكابر و يبين بللي راه مليح و تجاوز الشيء هذا بصح آدم الصغير لداخل مزال ماصدقش بللي المرا اللي عاش معاها و كبر معاها راحت و مايزيدش يشوفها مايزيدش يحس بحنانتها😢 قدمت من البونك نحات بنتوفتها و طلعت مسامياتو (قعدت قدامو) حطت يدها على شعرو
YOU ARE READING
حب❤بعد⬅️الزواج💍الجزء 2
Actionو ها قد عدنا من جديد مع الجزء الثاني من قصة حب❤بعد⬅️الزواج💍 باللهجة الجزائرية🇩🇿 لبنات حبيتو جزء 2 و هاهو جا بصح راح يكون كاين قانون صغير راح يكون واضح في كل حلقة تبعوها و اعطوني رايكم في كلش حاجة ماعجبتكمش قولو هكا باش نخرجو كرونيك شابة و يقدرو...