حب❤بعد⬅️الزواج💍الجزء 2

😽 الحلقة 35 😽

جهان : كك..كاين وحدة دار معاها علاقة قبل الزواج و لبارح جات ليه تقول بللي راهي بالجوف منو اهىء كيفاش ندير انا 😭

لينا عيطت عيطة حتى خلعت روان اللي كانت الفكوزينة مسكينة ولات تقرا فالمعوذتين: كيييييفاااااش
قوات جهان فالبكاء كثر

لينا : وقتاااش؟؟؟!!و واااش صرا
حكاتلها جهان كيما حكالها ادم خرجت gاع واش في قلبها

لينا : ونتي كيفاش تقوليلو اتزوجها هبلتي!! ماعندكش même pas ثلث اشهر مللي تزوجتي راح تجيك ضرة؟؟؟

جهان : ماما يعيشك ماتزيديش عليا اللي فيا يكفيني و الهدرة اللي راكي تقولي فيها كامل علابالي بيها
جاها صوت يماها تستغفر و تعاود اومبعد هدرت

لينا : واش راح تديري دوك قلتيلو على اللي فكرشك ؟!

جهان : تسأ ماعلابالوش كيفاش حبيتيني نقولو و انا غير بديت نمهدلو زرعها هو

لينا : معليش هكاك خير اااااا امم خليه يجيبها سكنيها معاك باش كلش يكون قدام عينك بصح لازم تطلعي تريحي هنا شوية علابالي راح تصرا كارثة مع لافامي لتم

جهان : كيفاش!

لينا : نهار يروح يجيبها نتي وجدي روحك و من الدار للمطار كي قريب تطلعي فالطيارة اكتبيلو msg بللي رحتي ....

قاطعتها جهان تهدر : بصح مانقدرش نخرج بلا مانشاورو🥺

لينا : و هو كي زنا عادي

جهان : ماما ماشي كيف كيف هو راجل يدير واش يدير يقعد راجل ماراحش ياخد شوري و انا مرا مانقدر ندير والو بلا موافقتو

لينا : الله الله على بنتي راهي تعلم فيا قتلك تخرجي بلا ماتقوليلو خليه ياخذ الدرس نشوفو واش يدير

جهان : استغفر الله.....اوك خلاص بلاك غدوا يروح يعقد معاها غدوا نجي انا؟

لينا : ايه و جيبي حوايجك ديري فبالك ماعلابالناش شحال راح تقعدي لهنا

جهان : ok خلاص صحيتي باي

لينا : بسلامة بنتي و ماتتقلقيش ماشي مليح ليك

كوpات جهان من عند يماها حطت تيليفونها و خرجت من شمبرتها لقات ادم طالع يزرب فخطواتو و مشنف وصل عندها جاز عليها كللي ماكاش دارت هي تشوف فيه داخل للشمبرة ماعجبهاش لحال طلعلها الgاز دات و راحت موراه لقاتو يجبد في حوايجو جاتها فراسها لوكان يلبس يروح عند سهام ولا وحدوخرة تدور بيه يعاودو يخدمو بيبي وحدوخر😱

بلا ماتفيق ساغت : ااخاااه😱😨
شاف ادم فيها و عاود دور راسو يكمل واش راهو يديرو رفد حوايجو رايح للدوش يلبس زربت جهان رايحة موراه شداتو من يدو قبل مايدخل دارلها طلع حاجبو و حرك راسو بمعنى وشنو
خزرت فيه جهان و مود التستات activé