حب❤بعد⬅️الزواج💍الجزء 2

❣ الحلقة 21 ❣

لقاتهم فالكوزينة يجرو مع العشاء و البنات يفرزو و يغسلو فلماعن قدما حاولت معاهم باش تعاونهم ماخلاوهاش (حتا هي ماقاستهاش هنا علابالنا بيك شاطرة بصح ياطفلة لبارح تزوجتي ليوم تغسلي ماعن ولا ؟! لبنات جاتكوم نورمال)

قعدت معاهم تgسرو و هوما يخدمو في شغلهم حتا كملو حطو لعشاء مدامهم بزاف (خاوت ادهم لكبار راهم هنا و ريهام مع ولادها تسما ولاد مريم و احفادها و كامل هنا) و بعتو لبنات يطلعو يعيطو للرجال bien sûr هبلو جهان باش خلاوها تطلع تعيط لآدم طلعو كامل كيف كيف و تفارقو كي وصلو ل les chambres

دخلت هي لقات الدنسا كامل مظلمة شعلت la lampe عندها فالتيليفون و غلقت لباب مشات حتى وصلت لles vieilles شعلتهم و طفات تاع تيليفونها نحات بليغتها نحات خيمارها حطاتو على كتافها بسك طاحلها تسما نحاتو باش تعاود تسgمو

و طلعت قدامو فالبونك بنص برك و قعدت تمسحلو على راسو و تهدر بلعقل بصوت حنين : ادم..آدم...هيا نوض ماشي مليح الرقاد دوكا رانا فالمغرب.

تحرك بصح ماناضش كملت تلعبلو بشعرو تهدر : ادم...هيا نوض باش تتعشا و ولي ترقد.

فتح عينيه و دور راسو لعندها حطو فوق حجرها : لوكان تقعدي ديريلي هكا فشعري نرقد ماشي نوض.

جهان : هههه صحا النوم اولا و ثانيا معليش كي تجي ترقد نديرلك هكا بصح دوكا نوض اتعشا اقعد شوية و ولي ترقد.

تقعد يبعد فخصلات شعرو اللي هابطين على وجهو بسك جيناوه (قلقوه) فعينيه (لقى شعر رطب حرير و راهو يتشرط عليه☹)

و ناض يغسل اما جهان كانت نايضة حتى شافت تيليفونو اللي كان فوق la table de nuit يصوني هو كان silencieux بصح كي يعيطوو يشعل دنات تشوف شكون لقات مكتوب la secrétaire خلاتها l'appel كملت و suprimatha .... طفاتلو التيليفونو و حطاتو😏 تاع عيطي حتى تكرهي

ناضت خملت البونك حطتلو هداك التريكو تاع موقبيل باش يلبسو راحت تقعد باش تستناه يهبطو كيف كيف سمعت طبطيب فالباب راحت فتحت لقاتهم لبنات مستفين كامل عند الباب من غير الين...رانيا كانت هي اللولة مع روان بصفتهم زعما اخت الزوج و اخت الزوجة دارتلهم براستها تاع واش.

تبسمولها كامل تبسيمة صفرا و خرجتلها الين من مور الحيط منهيك : خفنا يخطفك تلعبو شوية تسما جينا ندوك تعودي تهبطي على ال12 تاع الليل باش تتعشاي تلقاينا بحح و déja يا لالة خليناك شوية نحيتي خيمارك لوكان زدنا شوية نلقاوك عريانة gاع.

هي وجهها حمار فهمتها و خافت ادم يكون موراها ولا قريب ليها وسمعهم ولا كاش واحد جايز من تم و يسمعهم.

بعدتهم على الباب شافت مالقات حتا واحد و ادم كان لاتي لبس تريكوه يعني ماحوسش يعرف واش راهم يهدرو بانولو بللي لبنات جاو بصح مادار في بالو والو لتها بروحو رفد تيليفونو حطو فالجيب و مشا جاي جهتهم لبنات شافوه تبسمو معاه و هو ردلهم التبسيمة و جهان كانت عاطياتو بالظهر بعدت من الباب خلاتو جاز دخلت رفدت تيليفونها و خرجت ليهم لقاتهم مزالهم ماتحركوش من pلاصتهم ضربتهم كامل بظهر يدها لفمهم علا خدعة و هبطت خلاتهم يسبو فيها بسك وجعتهم
المهم هبطو موراها هوما تان قعدو تعشاو كيف كيف فصمت بسك شافو جهان بللي صح زعفت مالjeste اللي داروه كي كملو عشا راحو لبنات يغسلو لماعن و جهان ماراحتش معاهم قعدت مع النساء اللي تلمو كامل فالsalon ريحت وحد ال5min حتى سمعت ادم يعيط باسمها هي حشمت بسك اول مرة يعيطلها هكا قدامهم ماجات تنوض