حب❤بعد⬅️الزواج💍الجزء 2

🤗 الحلقة 28 🤗

كانت جهان دوراتو عندها و عنقاتو شوية و بعدت عليه خزرت فيه قرات تعابير وجهو و فهمت مليح فاش راهو يخمم رفدت يديها تمسحلو على خدودو بالابهام تاع يدها : اهدر مع يماك عادي ماتحسسها بوالو ok

ادم : كيفاش نقدر نهدر معاها نورمال و هي

جهان : اششش ماشي دك ادخل سلم عليها و gسر و اضحك عادي ماتنساش بللي هي رباتك وحدها و تحملت مسؤوليتك ماتقدر تعاتبها هكاك برك...هيا ادخل و انا راني طالعة نوجدلك حوايجك كي تكمل اطلع دوش و اتوضأ صلي قيسما نحط لعشاء و اهبط

زربت بعدت عليه و مشات طالعة لشمبرتها وجدتلو حوايجو دارت لروحها بارفا و دارت للشمبرة معاها باش كي يدخل يشم ريحتها و يتفكرها (بريحتها تخليه يتفكرها فكل pلاصة فشمبرتهم اه جهان الخبيثة)

و هبطت كانت رانيا نحات ليمونشو و les vol au vents اللي داروهم و راهي تقلي فالباطاطا هي قلات السكالوp

و شعلت للشربة بلَاعقل (بالشوية🤔) باش تسخن و دات لماعن بداو يgمو فالطابلة باش يحطو لعشا
حطو كلش مانساو والو راحت رانيا تعيطلهم يتعشاو و جهان طلعت لادم لقاتو هداوين كمل الصلاة قالتلو و هبطو كيف كيف مريم و ريهام قعدو على رأس الطابلة كل وحدة في جهة و ادم قدام جهان و رانيا وحدها بجهة تعشاو و مريم تشكر في طياب جهان و بللي راهي متهلية فيها و فالدار اما ريهام كانت تشوف فادم كيفاش متجاهلها و لاتي بجهان يعمرلها فطبسيها

و يزيد و يتشوتشو بيناتهم اما رانيا ماعلابلها بوالو لاتيا بماكلتها و تيليفونها تكونيكتي مرة على مرة تجوز على حاجة تضك تقراهالهم ولا توريهالهم

حتى كملو عشاهم ناضو لبنات للماعن اومبعد وجدو سنيوة تاع السهرة و طلعو صلاو بدلو حوايجهم و هبطو رانيا راحت تقعد معاهم و جهان طيبت لاتاي حطاتو فتيرموس و رفدت شنيوة داتها للsalon معاها سيرباتلهم كامل و حطتلهم كلش قدامهم سهرو كيف كيف

و ريهام طلقت شوية حقدها على جهان كي ادم gسر معاها شوية ماتعاملش معاها ببرود حسبت جهان اللي خلات وليدها يتعامل ببرود كيشغل حرشاتو على يماه مي هي اللي راهي غالطة و ماشي فايقة نسات كللش .

المهم قعدو حتى قريب ال12 و بداو ينعسو يطلعو بالواحد طلعت مريم و ريهام اومبعد ادم و لبنات لمو بواش سهرو غسلوهم باش مايقعدوش هكاك و طلعو كي وصلو لفوق جهان كانت راح تقول لرانيا نجي نرقد معاك نباتو نgسرو اومبعد بدلت رايها قالت بلاك تحب تهدر مع خطيبها فالليل و لا تسما مانديرونجيهاش

ولات ودعتها و مشات لشمبرتها دخلت لقات الضلمة فالشمبرة خز فالبونك بانلها ادم راقد sûr كي طولت عليه و هو كان عيان رقد ولات راحت لبست شورت و bustier غسلت سنانها دارت parfum طلقت شعرها و دخلت عندو للفراش دنات عندو عنقاتو و رقدت .

تكرر روتين جهان ل مدة يومين اللي كانو لتما ريهام و رانيا ريهام كل خطرة كيفاش مرة على مرة تهدر هدرة تنغز بيها جهان و لوخرا ساااكتة ماشي حابة تدخل في كاش مشكل مع عمتها راهي عاسة روحها و كلش باش ماتغلطش معاها بسك تقلقت حابة تعرف واش راهي حابة منها عمتها