حب❤بعد⬅️الزواج💍الجزء 2

🙈 الحلقة 44 🙈

جهان : بلعاني ماحبيتش نقول باش نجي ليوم عندكم déja منعندك نروح لليلوش (ليليا) تان مزال ماشفتهاش حتى لبنات ماعلابالهمش بللي راني هنا تي في دارنا ماكانوش عرافين حتى لقاوني ندور بيناتهم فالدار

ميرا : هههههه فاجأتيهم......كيفاش خليتيهم لتم جداك عمتك ريهام رانيا كيفاش راهم

جهان : لاباس الحمد لله كامل بخير يسالو عليكم

ميرا : يسالي عليهم بالخير كيفاش انتي يا عروسة مع ادم😏

جهان😳 : لاباس الحمد لله

ميرا : قدرتو تتفاهمو بيناتكم هادي بلا مشاكل

جهان : اممم لهاد الساعة مكاش مشاكل الحمد لله يعني

ميرا : الحمد لله بالشوية توالفو بعضاكم برك ماتخلي حتى واحد ولا وحدة يدخل بيناتكم يا لوكان يماك بسك مينداك يماك تدخل روحها فحاجة تكون خايفة مي من جهة اخرى تخربلك حاجة بلاك راجلك مايهدرش بصح يشدها لداخل و ايدا صرا كاش بيناتكم مشكل راح يجبدلك فيه يماك و لا اي واحد من عايلتك.
و تان ايدا واحد فيكم دار حاجة ماعجبتش لوخر صارحو بعضاكم باش تتكررش الغلطات و تان لازم تتفاهمو بللي كل مشكل يصرالكم تقعدو كيف كيف و تهدرو ماشي تهربو بسك الهروب جامي لاكان حل😌

جهان : مام ايدا كان مشكل كبير؟!

ميرا : ماام ايدا كان مشكل كبير اتخيلي ضاربتو نتي رفدتي روحك قلتي نروح لدارنا ووووو و هو تان تقلق و واحد فيكم ماستعرف نتي تجي لداركم و هو يقعد وحدو يا بنتي تجي كاش وحدة تدورلك بيه راهو يطير
تعرفي انا و يماك و خالتك كنا تقريبا كل يوم نزدمو علا باباك و عمومك للشركة قريب دارولنا بيرو معاهم هذا كامل باش قدرنا نشدوهم و مايروحوش من يدينا تعرفي علاش ماشي معنتها ماشي دايرين فيهم الثقة لا بالعكس ثقتنا فيهم كبيرة بصح ماشي دايرين ثقة فبنات لحرام اللي بين ليلة و نهار تديلك راجلك و تتشتلك عايلتك.

جهان : ربي يبعدهم علينا....هيا خالتي اطلعي تلبسي نروحو عند ليلوش كيف كيف

ميرا : نسقسي عمك قبل
خرجت من salon عيطت لأمير خلاها تروح ولات للsalon طلت علا ميرا براسها من لباب

ميرا : جيج تعيشي طلعي الدراري لبسيلهم قيسما نوجد روحي

جهان : okey خزرت فليث و لين : هيا نطلعو نلبسو نولو شابين نديكم برا

طلعت لبستلهم بالسيف بسك هبلوها قعدو يتمهبلو عليها كي كملت دارتلها (ريحة-عطر) parfum و هبطتهم لقات خالتها واجدة و راهي تدور فالدار تغلق فالتواقي و الغاز و كلش خرجت جهان الدراري برا ركبتهم فالطوموبيل قيسما لحقتها ميرا ديماراو رايحين لدار ليليا و قلت من قبل بللي الديور اللي عايشين فيهم ماشي بعاد على بعضاهم بلمشية يروحو نورمال برك جهان ماتقدرش تخلي الطوموبيل عند ميرا المهم دخلت لحانوش شرات واش يدو فيدهم و كملو طريقهم
صوناو كانت ميرا و ولادها فالواجهة جهان مخبية
فتحتلهم ليليا لباب تاكل فزرودية