حب❤بعد⬅️الزواج💍الجزء 2

😔 الحلقة 26 😔

المهم عيطتلو و تفاهمنا نتلاقاو تلاقيت بيه ريحنا بدا وحدو يحكي بلي هو كان متفاهم بزااف مع جدو الله يرحمه بابات يما(بابات ريهام....راجل مريم)

حتى انو نهار خمم يتزوج خبرو هو اول واحد و جدي قالو بلا ماتحوس علا عروسة انا مربيك على يدي و نعرفك ايدا حبيت نمدلك بنتي هو قبل بسك يعرف معلمو و باين بنتو بللي راح تكون بنت فاميلية كي دا والديه و راح يخطب قبلو و كلش كي تزوجو و بدات يبن في حياتهم الزوجية بشكل عادي يما (ريهام) هدرتلو بللي ماتحبوش و تزوجت بيه بالسيف

و هو قاللها ماعليش مانجبرك على حتى حاجة نكملو يمات مع بعضنا و ايدا ماحبيتينيش و ماعجبكش الحال معةيا نطلقو و كل واحد يروح في طريقو هو هاد الهدرة هدرها من فوق قلبو بسك هو ففترة الزواج عبجاتو و حبها و خلاص بصح كي شافها ماشي حابة ماحبش يسيف عليها.....جازو يمات با...اا..الراجال هداك جاتو خدمة بسك كان يخدم فالمخابارت مع جدي كان لازم يبعد قعد شهر باش ولا كي دخل للدار سمع يما تعيط و تهدر بللي ماتحبوش و خسرلها حياتها و..الخ

خرج من الدار و راح للخدمة لقا بللي كاين mission تطوول و فيها بزاف خدمة و في سرية تامة حتى انو راح يعتابروه داخل بلادو ميت قبل و راح بلا علم حتى واحد و جاهم خبرو بللي مات و هو مازالو حي كي كان فهاديك لmission تعرف معا مرا حبها و حباتو تزوجو و عاشو حياتهم كان دايمن يجيب اخباري انا و يما بلا مانعرفو هدا gاع بسك كان يحبها و يحترمها خلاها تعيش حياتها بالطول العرض و كيما حبت نهار نوا (حب) يرجع و كان كمل كلش جا نهار العرس تاعها مع فراس شافهم من الباب حبس

قالي حوست عليك ايدا راك شافي عنقتك سلمت عليك عطيتلك ورقة كان مكتوب فيها بللي مزالني حي و رحت قالي شفتك كي عطيت هاديك الورقة لخالك امير و كان مكتوب فيها بللي لازم نكونو مجموعين باش تتفتح كي فتحوها و قراو واش فيها و سمعت يما بواش كاين بصح ماقالولك والو ا..انا يعني مارانيش شافي بصح ....ع...علاش ماقالش كلش فهذاك الوقت لوكان راني جوزت يامات معاه نعرف شكون هو بابا مي هو لالا علاجال سعادتها هي و ضحكتها راح و خلاني موراه كمل حياتو و دار دارو و كي كبر و كبرت انا يتيم يجي يقولك انا باباك و مزالني حي.

زير كثر علا جهان قوليلي ايدا انا الغالط دوكا لوكان نحلف مانزيد نهدر معاهم خزر فيها لقا دموعها يهبطو بالسكات : قوليلي واش ندير راني مبحر كامل.

زيرت عليه جهان كثر تشهق : م..مالقيتش واش نقولك و كيفاه يعني papa و لافامي كااامل خ ...خباو عليك بللي باباك عايش

ادم : ايه يشوفو في وجهي كل يوم و انا كل مانجبد كلمة بابا نقول الله يرحمو.....و هو عايش و واحد فيهم ماقدر يقولهالي.

مسحت دموعها سيات تحبس لبكاء بسك ماراح يفيد فوالو هو حكالها باش تلقالو الحل و تقويه ماشي تزيد عليه بدموعها هبطت يديها تمسح علا شعرو مالقات غير انو تقرالو قرآن ينقص عليه شوية ولات تجودلو حتى رقد هكاك عندها هبطت هي بلعقل شوية سgمت روحها و ضماتو ليها كي الطفل الصغير و رقدت

🌄🌅🌄🌅 اصبحنا و اصبح الملك لله🌄🌅🌄🌅

فطنت جهان صباح بكري نوضت ادم صلو كيف كيف و عاودو رقدو حتى لل6:30 فطنت هي غسلت بدلت pيجامتها لبست وحدة طويلة و هبطت وجدت السنيوة تاع الحليب و حطت حبات مبرجة (هي كيشغل كسرة يديرولها بين طبقة و طبقة الغرس *التمر* و تكون مقطعة على شكل 🔶️ معين)

كانت طيبتها لبارح فوقت القهوة طلعت لشمبرة جداها لقاتها تصلي (هي تقدر تتحرك تنوض تغسل تصلي مي بلا ماتعب روحها علابيها من شمبرتها ماتخرجش) ولات خرج رايحا لشمبرتها تنوض ادم دخلت للشمبرة بانلها نايض مزالو برك مكسل فالفراش.

جهان تهدر و هي رايحة ليه : اه يا الفنياان انا شقيت لهنا جايا نوضك و نتا قاعد مكسل

دور راسو يشوف فيها جاية لعندو تمشي و تضحك خلاها وصلت عندو قعدها قدامو و حط راسو على حجرها : ماتقدريش نتي زعما تسنايني نوضو كيف كيف
جهان : اواه impossible نتا فنيان و ماتنوضش بكري انا ناشطة لازم نصبح بكري

ادم : و الله الالة كي نولي نغلق الباب تاع الشمبرة و نخبي المفتاح عندي شوفي وين تخرجي

جهان : معنداك راني نتمسخر déja  و جدة لازم نطل عليها صباح كشما تسحق و لا لازم نحطلها قهوتها و على سيرة القهوة هيا ادخل تغسل انا نوجدلك حوايجك و ارواح للsalon اللي هنا راح نطلّع الحليب هنا نستقهواو مع جدة تبدل شوية من الشمبرة تاعها علابالي كرهت

ادم : اممم نوض بشرط

جهان : اللي هو

ادم : اعطيني بوسة الصباح

جهان : ااادم😳

ادم : وشنو وو حقي و عندي بزاف ماذقتش العسل يا عسل

طابست باستو من خدو بعدتلو راسو و ناضت
ادم  : هربتي دوكا مزالو اليامات..وشحال من خطرة نقولك هادي لخووك ماشي ليا

جهان : ادم والله ماوقتها هيا ازرب باش مانخليش جدة وحدها

ناض هو يغسل و هي راحت جبدتلو costume bleu nuit حددت الchemise و هبطت جابت السنيوة تاع القهوة طلعتها للsalon اللي فالايطاج تاعهم وراحت جابت جداها عاونتها باش تمشي بلعقل حطتلها واش تاكل قدامها و فرغت ليها هي تان قعدو يستقهواو و يgسرو حتى دخل ادم لابس و مستيكي روحو و ريحة pارفانو سابقاتو جاز باس جداه من جبينها بوسة معزة و قعد قدامها : ريحتي شوية
مريم : الحمد لله يا وليدي مرتااحة و انا كي نشوفكم مهنيين في حياتكم عندي الدنيا و مافيها

ادم : الحمد لله و حنا راحتنا و هنانا في راحتك نتي

حطتلو جهان كاسو قعد يشرب و مرة على مرة يرمي كلمة يدخل روحو في gسرة مريم و جهان
هبطت جهان السنيوة بدات تغسل فالفناجل باش تنوض لشغلها جاها ادم من وراها عنقعها ضهرها في صدرو قفزت بسك ماحستش بيه حتى شمت ريحتو حبست
ادم : قلبي ماعطانيش نروح و نخليك

🚫🚫🚫🚫🚫 انتهت حلقة اليوم 🚫🚫🚫🚫🚫

رأيكم؟

راني نركز على علاقتهم و تعامل جهان واش رأيكم فيهم؟

جهان راهي عارفة تقسم وقتها لكامل النواحي الاعتناء بجداها بآدم و بالدار؟

Bn8🌃hbkom❤bye👋🏻