حب❤بعد⬅️الزواج💍الجزء 2

😿 الحلقة 47 😿

نحالها يديها و دار عندها جبدها لعندو عنقاتو مزييرة عليه و طرطقت بالبكاء تشهق قعد يمسحلها على ضهرها بلعقل و هي تزيد تبكي كثر

ادم هدر بصوت عيان و غالب عليه الحزن : جهان لازم نصبرو جدة راحت ربي يرحمها و يوسع عليها و يجعل مثواها الجنة راكي تقتلي فروحك البكاء مراح يفيد فوالو من غير انو يهلكك هيا قويلي روحك و روحي اوقفي مع يما و لوخرين ماتخلوهمش وحدهم

دنات عليه و طلعت راسها تشوف فيه علابالها بللي راهو يصبر فيها بصح هو اللي لازملو شكون يصبرو علابالها بللي موالف جداه عاش معاها 28 سنة كبر معاها علابالها بللي راهو يبين روحو قوي و هو راهو يموت الف موتة من داخل.

جات تهدر قاطعها : دوك يجي بابا و راح يدخلو لبنات مع خالتي سليمة ماتقوليش شكون اجبدي اسمواتهم برك نورمال تعرفيهم على يما بصح بلا ماتقولي بللي مرت بابا ماشي وقتها و مام هوما علابالهم م راح يحرجوك

كي قاطعها عرفت بللي ماراهوش حاب يهدر دوك و ولات حركتلو راسها بالايجاب علا هدرتو و راحت اما هو قعد يشوف فيها و هي رايحة اومبعد خرج
دخلت جهان للsalon لقاتهم كامل متلمين علا مريم فالصندوق يشوفو فيها راحت وقفت معاهم هيا تان تشوف فجداها مكفنة غير وجهها اللي باين قيسما يوشوفوها و يعاودو يغطوه كانت منورة وجهها ابيض
هيطت جهان باستها من جبينها و عاودت ناضت تجبد فعمتها

جهان : عمتي تعيشي هيا معايا....عمتي راكي تعذبي فيها عمتي خليها ترتاح هيا نروحو نقعدو هيا....ادعيلها بالرحمة و المغفرة....راك تهلكي فروحك بالبكاء هيا معايا

قعدت تهدر حتى نوضتها بالسيف قعدتها فكرسي خلات معاها رانيا كي شافت سليمة و ايناس داخلين و موراهم سيلين راحت ليهم سلمت عليهم عضمولها الاجر و داتهم لعند يماها و خالاتها سلمو عليها و عضمولهم الاجر قالت بللي ايناس صحبتي و جات مع يماها و اختها و هوما ماهتموش لواش يكونو زادت داتهم لعند ريهام هوما واقفين معاها و دخل ادم و الرجال عند باب الsalon جاو باش يدو مريم بعدو النساء على الصندوق رفدوه بالشوية و ريهام غير شافتهم ولات تعيط  : يماااااااااااا لالالاااا لااااااا ماتدوهاااش خلولي يمااااا

ناضو النسا راحو ليها كامل يصبرو فيها الموقف اللي كانت فيه ريهام يبكي لحجر صعيبة تشوفهم مخرجين يماك فصندوق راح يحطوها تحت التراب ماتزيد تشوفها ماتزيد تشم ريحتها ولا تهدر معاها😥(ربي يرحم جميع الامهات و الآباء و يصبر ولادهم ان شاء الله) اللي كانو ساكتين ولاو كااامل يبكو معاها حتى سهام تبكي فالكوانة وحدها مدام واحد مامتقبلها بصح ااضوها كيفاش راهم هكا يعني اي واحد يبكي من الحالة اللي راهم و هي ماراهيش باردة قلب لهاذ الدرجة هي تان مرا و تحس و كانت لاباس بيها لوكان ماشي ادم دارلها هكاك من تم تحولت

المهم بالسيف باش عاودو هدؤو(معلباليش ايدا مكتوبة بشكل صحيح ) ريهام و لوخرين جهان عاودت ولات للجري تعاون فالنساء لوخرين و توقف مع لوخرين لعند الباب حتى ولات تحس بسطر قاوي فكرشها تفكرت حالتها و بللي مالازمش تتعب بزاف حتى البيبي يشد بلاصتو مليح دخلت للsalon قعدت قدام ايناس