حب❤بعد⬅️الزواج💍الجزء 2

😳 الحلقة 14 😳

لوخرين قعدو ساكتين و روان تقلقت من هذاك الوضع
ولات نطقت و حكاتلو واش واش حكاولها لبنات باختصار
و هو كان يسمع و يتبع فيها حتى كملت قعد مدة ساكت اومبعد هدر
ادم : وين صرات exact يعني لبلاصة كيفاش عاملة واش من جهة من رويبة.

طلعت روان كتافها تاع ماعلاباليش و خزرت فالبنات

الين : انا منعرفش لpلايص هنا كنت نتبع برك

ليليان : انا كيف كيف

بقات غير جهان كي شافتهم كامل يخزرو فيها سورتو ادم توترت ولات هدرتلو وين و زاد سقساهم على الرجال كيفاش عاملين و كلش و ناض من قدامهم و خرج من الsalon

هو خرج و البنات تنفسو استراحو و راحو يجرو كامل للكوزينة قالولهم كرهنا من القعاد و جينا نعاونو
(امنتوهم نتوما🤭 هربو من ادم خافو يولي كشما يزيد يسقسي au moin مع النسا مايدناش ليهم)

في هذاك الوقت مريم استغلت الفرصة و طلعت جهان معاها لفوق لla chambre تاعها باش تعرف جوابها بخصوص موضوع الزواج من ادم.

دخلو و ريحو كيف كيف فالبونك قعدت مريم تجبد فمواضيع نورمال و مرة على مرة ترمي سؤال تستفسر من جهان زعما واش رايك فالزواج؟ تحبي تتزوجي بواحد هادرة و متفاهمة معاه من قبل ولا باللي يختاروه والديك ؟....

الحمد لله بطلتنا ماطاحتش فالفخ تاع جداها و عرفت واش ترد حتى سقساتها ديراكت.

مريم : هيه بنتي واش قلتي فموضوعنا تاع لبارح
خممتي فواش قتلك قابلة تتزوجي بادم؟

جهان كانت تضحك تمتم حتى حبست و قعدت ساكتة حتى زادت نطقت مريم تهدر : اسمعيني مليح يا بنتي نقولك الصح و مانخبي عليك والو ادم قبل ماتجو نتوما ماكانش كامل هكذا كان يسهر خطرات مايجيش للدار و خطرات يدخلي سكران بصح في بالو بللي انا ماعلاباليش mais انا علابالي بكللش و بعثت رجال شافو وين راهو يروح و عرفت بللي راهو يتبع في طريق عوجة و لازم يتسgم و اول حاجة باش يصلح من روحو لازملو مرا اللي تعاونو بلاما تهدر ولا تعيبو و على هذا انا خيرتك نتي يا بنتي لوكان تتزوجي بيه تولي بالشوية تجبديه ليك و يبدا يبعد على صحابو اللي ماشي ملاح (رفاق السوء) و على لبنات تان خاصة بنات الشركة بسك هو مخدم بنات من لبستهم و هدرتهم تعرفي واش يحبو راكي رحتي للشركة و بلاك راكي شفتي واش كاين لتم خاصة هاديك la secraitaire اللي معاه لتم هي اكبر لفعة لتم و علابالي بللي تتقرب منو باش تشدو بكاش حاجة باش مايجبدش عليها.
و شي ثاني حابة وحدة نعرفها و نعرف تربيتها تعيش معاه و تعاملو كي الطفل الصغير و تحفظ سرو ماشي جي وحدة مانعرفوهاش تكشف كلش و تزيد تهردو كثر.

مريم تهدر و جهان مركزة و فنفس الوقت غايسة مع هدرتها لابعد الحدود حبت صح و من داخلها انو تعاون ادم باش يخرج من هاد الطريق و بالاك بالشوية ربي يكتبلهم و يعيشو فرحانين كيف كيف و يجيبو دراري ان شاء الله يكبرو قدامهم و فنفس الوقت باش تعتني بجداتها تخاف تجي كاش وحدة طامعة فالدراهم و تضيعلها جداتها.