غير شاف يماه دخلت بدا يددش رايح لعندها و هي ماكانتش من العاكسين فتحتلو يديها تضحك معاه حتى وصل رفداتو ضماتو لعندها تبوس فيه
إيناس : مساء الخير
صبيحة و البنات : مساء النور
صبيحة تهدر و تتفرج : كيفاش راهي صحبتك
إيناس : شوية شوية كانت متعلقة بزاف بجدتها موتها جاهم بزاف صعيب
صبيحة : يوالفو كيما والفو اللي قبلها
حركت إيناس راسها بإيه و قالت : انا نروح نبدل و نريح شوية اومبعد ان شاء الله
أسماء : العشا راهو يستنا ماشي شدينالك وليدك و طيبنا لفطور معنتها نزيدو لعشاء بزاف علينا
دارت إيناس خارجة بلا ماتردلها حتى بانلها إدريس واقف عند الباب تاع الsalon يشوف معاهم وجهو احمر و مزير على يدو بعدلها من الباب جازت بلا ماتهدر حتى كلمة دخلت ديراكت لشمبرتها حطت آسر فالبونك يلعب و راحت رفدت حوايجها و دخلت للدوش طرفت روحها و بدلت كي خرجت رفدت آسر بدلتلو حوايجو و تكسلت فالبونك و كسلاتو معاها ضاماتو لعندها تكونيكتي بتيليفونها و مرة على مرة تبوسو ولا تخربلو شعرو هبلاتو نص ساعة هكاك و دخل إدريس ينحي فلافاست تاعو حطها فوق الفوتاي اللي قريب للTV و رفد حوايجو راح دوش و بدل خرج و شعرو مشمخ و فيديه منشفة ينشف فيه قعد معاهم فالبونك آسر كي شافو طلق يماه و راح لعندو يتعنgشلو (تحية قدرت تقراها😁 نقصد بيها تشبك ) في ضهرو جبدو إدريس لحضنو يلعب معاه دايرين حالة صوت ضحكهم يتسمع من برا.
حكمتهم إيناس بتصويرة فالشباب و ناظت لبست جبة و نطقت مقاطعتهم : عسو معاك مدامك هنا نروح انا للعشاء
إدريس : مكان لاه راح يطيبو هوما
إيناس : إدريس و الله ماحابة مشاكل خليني نروح نطيب و نهني روحي من صداع الراس
إدريس رفع من صوتو شوية : اربي ماتفهميش نتي؟ قتلك هوما راح يطيبو خلااص يوصل وقت لعشاء اتعشي و خلاص
عرفتو ضارب معاهم قبل مايدخل ماحبتش تزيد عليها اصلا مدابيها هي تريح بسك بنتها هبلتها ترفس بو
بزاف برجليها (كي شغل تخبط بكود بيي فجدار الرحم)
نحات جبتها و راحت تكسلت فالبونك غمضت عينيها تسيي ترقد شوية و دخلت في سبات و تبعها إدريس و آسر.عند جهان :
جوايه الثمنية تع الليل هكاك بدات تفطن شافت جهة التاقة لقاتها الظلمة تفكرت واش راهو صاري كامل ناضت تجري غسلت وجهها بدلت حوايجها لبست جبة دارت خمارها رفدت تيليفونها و خرجت من الشمبرة غلقتها بالمفتاح (كامل يخافو على حاجتهم كي يكون التخلاط بزاف فالدار) و هبطت....تلاقات فالدروج مع
سهام هابطة هي تان و باينة مكرفسة شوية معنتها كانت راقدة هبطت راسها و كملت في طريقها هابطة لتحت تلاقات مع يماها فالكولوار واقفة على العشاء تع الناس مع خواتاتها راجت وقفت قدامهم جهان
YOU ARE READING
حب❤بعد⬅️الزواج💍الجزء 2
Actionو ها قد عدنا من جديد مع الجزء الثاني من قصة حب❤بعد⬅️الزواج💍 باللهجة الجزائرية🇩🇿 لبنات حبيتو جزء 2 و هاهو جا بصح راح يكون كاين قانون صغير راح يكون واضح في كل حلقة تبعوها و اعطوني رايكم في كلش حاجة ماعجبتكمش قولو هكا باش نخرجو كرونيك شابة و يقدرو...