حب❤بعد⬅️الزواج💍الجزء 2

⚪ الحلقة 53 ⚪

هبطت و هي تقريبا تتجاهل فطريقتو و اسلوبو فالهدرة معاها

دخلت للباتيسري شرات 3 مورصوات تاع شيكةلا قيس دراهمها (مارفدتش معاها بزاف بسك رايحة لمقبرة ماشي خارجة تشري ولا تحوس) و ولالت تزرب للطوموبيل خافت يروح و يخليها😔

كي ركبت جهان رمات عينها تاع سونسمير بانتلها باطة تاع باتيسري عرفتها توحمت عليها بصح شافت الباطة صغيرة عرفت بللي مكانش عندها باش تشري قيسما تشبع شهوتها سواسوا

دارت تخزر قدامها و مهبطة راسها بأسف من جهة غايضتها و من جهة اخرى كأرهتها لانو راجلها مسها و شافها و شبع بيها الفكرة وحدها تخلي العبد يهبل....بصح علابالها بآدم بللي هو اللي خسر الطفلة 🙁يعني حتى الشكوة ماتقدرش تشتكي و تقول دارتلي براجلي بسك العكس هو اللي صرا راجلها اللي راح ليها ماشي هيا جات ليه....فطنت من شرودها كي حبست الطوموبيل هبطو كامل كيف كيف لقات لوخرين طلعو يبدلو حوايجهم طلعت هيا تان بدلت خلات ادم لتحت كي هبطت لقاتهم متلمين فالكوزينة نسا و رجال يتفاهمو على الفطور واش يديرو

دخلت تهدر فوسطم : الفطور راح يجينا واجد
خزرو فيها كامل مستغربين من كلامهم كملت تهدر

جهان : احم..يمات صحبتي اللي جات صباح للمقبرة قاتلي خليت النسا فالدار يطيبو قاتلي فطوركم مع الناس اللي راح يجوكم علينا فطور قيس 500 واحد.
شهقو على كلمة 500 (الكمية كبيرة مام انا جاتني كبيرة مي معليش🙂عندهم الغاشي)

خز فيها ادم تاع ماقلتيليش طلعتلو عينيها فالسما تاع مالتهيتش

لينا : بصح ابنتي بزااف عليهم

جهان : مام انا قلتلها قالت لالا الفطور على 11:30 يكون اصلا حنا كان لازم نتفاهم على الفطور لبارح و نوضو بكري الرجال يقضو و حنا ندوزنوه باش يوجد مراحش يكفينا الوقت و هوما كي علابالهم بالتعب تاع لبارح دارو حسابهم لكلش

ميرا : و الله غير يعطيهم الصحة....

بداو كامل يشكرو و يعاودو الرجال خرجو لبرا يوجدو جهتهم باش يستقبلو اللي يجو و النساء كيف كيف
سهام بدلت كلات حبة من واش شرات (راهي *تشح* تقتاصد ) و هبطت لتحت عندهم كشما تعاون
و كي مكاش شغل مدامهم سيقو فالليل و خملو كلش كان عندهم غير الفراش و عاودو حشاكم الدوش و التوالات و جوزو نشاف خفيف.

تفكرت لينا سهام راحت حكمت جهان و داتهابجهة تهدر معاها

لينا : وين راهي الكل.بة تاع راجلك

جهان : مامااا

لينا : وااش؟(لينا عنيفة اجماعة😂)

جهان : ماما مش كل.بة اصلا هي اللي جات قاتلك لبارح على وجاع كرشي و ...

لينا : وااااشنووووو؟هاديك هيا!

جهان : اممممم شفتي مش شريرة للدرجة اللي متوقعينها