حب❤بعد⬅️الزواج💍الجزء 2

😇 الحلقة 15 😇

حك ادم راسو و هدر متوتر : اه اييه... كيفاش قبلتي علا واش هدرت ماني ولا nn (هو علابالو و جاي يتمهبل بيها)

جهان خلاااص راح تذووب مالقاتش واش تهدر هي déja تحشم بزاف كي تهدر مع دراري و زادلها ادم بموضوع الزواج.

جاوباتو بالسيف : ا..ايه قابلة😳

حرك ادم راسو بمعنى مليح : مليح ان شاء الله تكمل علا خير و يقبل خالي ادهم

سكت شوية و قال : شوفي علابالي بللي ماني تكون قاتلك بصح معليش نهدر انا باش نفمك مليح واش راهو صاري

ا..اا أنا من اللي جيت لdz و بديت ندير صحاب و كلش بديت نخرج على الطريق اللي رباونا عليها بالشوية بالشوية وليت نتكيف معاهم اومبعد بداو يدخلوني فالشراب و السهرات و حتى انا مقدرتش نشد روحي يعني كنت قادر نبعد عليهم من الاول بصح ان تان تبعتهم و بعد l'accident اللي صراتلي تخيلت روحي نموت بلا ما نصلي و بعاداتي القديمة كيفاش نقابل ربي و كي خيرتك نتي للزواج عندي هدف منها نكمل نص ديني و نتزوج و ندير عايلة و منها تعاونيني نتي باش نتقرب من ربي و نحبس واش كنت ندير😶

الكاتبة تحكي:

جهان كي قاللها ادم هكاك حست بمسؤولية كبيرة علا كتافها جداها شرحتلها الوضع و زاد كمل هو يعني نورمال ماحشمش منها ولا خبا جاها ديراكت و هادي حاجة مليحة كي استعرف يعني لوكان وحدوخر مايقول والو على الماضي تاعو من تم يبدى الجزائري في ابداعاته تاع انتي الصح و الباقي خرطي و..... .

ولات تشجعت و هدرت : ان شاء الله نقدر نعاونك بصح ح..حبيت برك نقولك بللي ماشي معنتها كي علابالي بحالتك و كلش تدخلي بنات للدار و لا تجيب  معاك جماعة باش تسهرو قدما تكون حالتك طورت و ساؤت نحب علاقتنا تكون مبنية على الاحترام كأقل تقدير ليا و انا تان راح نقوم بواجباتي اتجاهك يعني مانحرمك من حتى حاجة فالزواج هذا بصح ماشي لدرجة نكون عبدة (عبيد) عندك.

اكتفى ادم بتحريك راسو بالايجاب برك  قعد دقايق يخزر فيها حتى شاف روحو كثر يعني و الطفلة توترت ولات تخبي في وجهها و هذا دليل علا موافقتو ناض من pلاصتو و قال هيا انا نخليك تصبحي بخير

جهان : و انت من اهلو.
هو هبط و هي ارتاحت خافت برك يجي كاش واحد و يلقاهم وحدهم لفوق و يزيد موراها يعرف بللي قررو يتزوجو sûr يفهمها بللي راهم en couple. اما جهان قعدت لتم تتأمل في خلق الله تشوف فالسما قتلكم ن قبل من بكري تحب السماء هيا sûr tout فالليل(كيما انا❤🌃)

اومبعد تفكرت مشكلة ادم ولات جبدت تيليفونها دخلت لyoutube تحوس كيفاش تقدر تعاونو يعني الحاجات اللي يبعدوه على الشرا و الزطلة و... . قعدت هكاك حتى رقدت لتم .

🌅🌄🌅 يوم جديد 🌄🌅🌄🌅
نزربو شوية و نشوفو كيفاش كانو ابطالنا المهم ليوم عائلة ادهم و امير و ايهم عندهم   شهر من اللس ولاو  لpar🗼s.
رمضان خلاص و العيد جاز و كان رووووعة بفرحة و لمة العائلة bien sûr