حب❤بعد⬅️الزواج💍الجزء 2

😣 الحلقة 50 😣

هوما كملو التسياق من بداو يرجعو كل حاجة لمكانها بداو يدخلو عليهم الرجال بالواحد يشتكو بللي عيانين و حابين يرقدو باش يزربو يفشرهولهم

قالولهم رانا كملنا اصبرو نفرشولكم و تكون الحالة نشفت هداك هوا نكونو سواسوا كانو يخدمو و سهام يد بيد معاهم بلا مايعرفو شكونها و تان كانو معاهم بنات وحدوخرين من الجيران و لافامي.

كملو فرشو للرجال و بداو يطلعو يدبرو بلايصل لرواحهم سهام طلعت فالدروج رايحة لشمبرتها تفكرت جهان جازت على شمبرتها سمعت الهدرة عندها 
عرفت بللي مزالكم هنا كانت راح ترمي وذنها تصنت اومبعد خزات الشيطان رفدت يديها طبطبت فالباب
شوية و فتحتلها لينا رافعة حاجبها حايرة من المرا هادي اللي جات ضيفة و تعرف شنابر مالين الدار

نطقت : كشما تسحقي بنتي؟

سهام توترت من كلامها و من نظرتها ليها : اا احم حبيت نسقسي علا جهان نقص عليها السطر شوية!
رخفت لينا على ملامح وجهها : مزال دوك نهدر مع كاش واحد يدينا للسبيطار نجوزولها باش نطمنو
سهام : مايكون غير الخير ان شاء الله انا نخليك تصبحو بخيرا

لينا : و انتي من اهلو.

تبسمتلها و دارت طالعة فالدروج رايحة لشمبرتها غير دخلت نحات الخيمار اللي كانت دايراتو و راحت جهة الخزانة اللي لتم جبدت بيجاما و راحت للدوش بدلت و خرجت تلم في شعرها دخلت تحت الفراش حاكمة تليفونها تدور فinsta حتا بعتتلها صحبتها روميسة ميساج { هذاوين الالة وين كنتي هدا}

هي مزال ماريpونداتش عليها دخلتها appel منها ردت حطت التيليفون على وذنها (حشاكم) جاها صوتها تعيط

رومي : يا الكلبة يا طحبة يا..... كي دخلتي لهاذيك الدار نسيتيني نسيتي شكون اللي عاونك؟

قلبت سهام عينيها من هدرت صحبتها : روميسااا يااا رورو اسمعيني بركاي ماتخلطي😠

رومي : انطقي يا لالة

سهام : ماتت جداه ليوم عزاء فالدار كنت لتحت مالتهيتش بالتيلفون

رومي : ايييه الالة وليتي تدوري معاهم نسيتي واش تفاهمنا قلنا تكرهيلو حياتو كي هو كي فاميلتو ماشي تخدمي عليهم يا البهلولة

سهام تفكرت صح علاجال وأش جات لهاذ الدار نطقت باش تسكت صحبتها : علابالي بصح هدةوين دخلت خلي نظمن بلاصتي اومبعد ساهل

رومي : دبري راسك المهم ديري كيما تفاهنا و ركزي علا الدراهم

قعدت تهدر و توسوس لسهام اللي كانت عيانة و حابة ترقد

سهام تليكيدي فيها : ايه ايه ايه....ايه فهمتك اييه هيا غدوا ان شاء الله راني نعسانة نرقد.

رومي : اممم باي

كوبات من عندها و هي تعوج في فمها علا واش كانت تقوللها كملت تكونيكتي تطلع و تهبط فinsta حتى جازت علا تصورة تاع باتيسري بالشيكولا😍تهببببل سكنتلها في راسها و تشهاتها😋🥺خرجت من هاديك التويرة بصح قعدتلها فراسها حبت تاكلها....تفكرت الحالة اللي راهي فيها و بللي ماتقدر تطلب والو شكون اللي راح تقولو اشريهالي آدم؟ هههههه يروح و يخليها مايقيمهاش كامل....تفكرت مقبيل لينا و ختها كيفاش كانو خايفين علا جهان و هي!؟ حتا واحد مايحبها و لا راح يخاف عليها في هاذ الدار