و ها قد عدنا من جديد مع الجزء الثاني من قصة
حب❤بعد⬅️الزواج💍 باللهجة الجزائرية🇩🇿
لبنات حبيتو جزء 2 و هاهو جا بصح راح يكون كاين قانون صغير راح يكون واضح في كل حلقة
تبعوها و اعطوني رايكم في كلش حاجة ماعجبتكمش قولو هكا باش نخرجو كرونيك شابة و يقدرو...
قعدو فالكراسة يستناو و ادم كيف كيف مادخلش و باين من وجه فراس و رانيا بللي كاين حاجة بصح ماهدروش ادهم روماراكا بللي ادم راهو طول و دالتهم قريب تلحق ولا سقساهم : اجماعة ادم وين راه مابانش!! داركم نتوم في pلاصتو ولا كيفاش. جابهلهم نقدرو نقولو من جهة بالضحك و من جهة مقلق و وجهو مايتفسرش.
جهان تعرف باباها مليح و عرفت من وجهو بللي الحالة ماتشركش قلبها راهو يخبط 180 فالدقيقة.
فراس جا يجاوب و شافو ادم جاي من بعيد يزرب شوية روشلهم من بعيد فراس و رانيا غير شافوه تنفسو ثواني وصل عندهم كان شاد un bouquet de fleures.
Oops! This image does not follow our content guidelines. To continue publishing, please remove it or upload a different image.
ادم : السلام عليكم...اسمحولي طولت circulation فالطريق.
كان لابس سروال كلاسيك beige مع chemisier blanc. خزر فيه بالواحد يشوف la réaction تاعهم جهان وجهها جامد خزراتها كامل حادين مايقدرش يعرف واش راهي تخمم ولا يقرأ تعابير وجهها😏مزال مايعرفش جهان مليح واقيل.
ادهم : معليش
سلم عليهم كامل وخمس مع جهان مدلها bouquet de fleurs...و هي حشمت قدام باباها و عمومها mais هوما نورمال راجلها الشرع يعني لوكان يقوللهم دوك نديها ماعندهم مايقولو بسك خلاص راهي علا ذمتو ! شوية و دخلو و بدا هذاك الراجل فالاجراءات كان وسيم و جهاد هوما الشهود جاز كلش علا مايرام و تم اعلانهم كزوج و زوجة.
غير خرجو من البيرو زغرتت رانيا الناس كامل خزرو فيها و هي لا علا بالها خزرت فيهم هكا😒و سوطات علاادم عنقاتو : مبرووك حبيبي هدرتلو في وذنو بعلقل لعقوبة ان شاء الله للذرية الصالحة زادت قاتلو روح بارك لمرتك😉 و ربتلو على كتفو تمسح عليه
فنفس الوقت كانو لوخرين كامل يباركو لجهان و يسلمو عليها (عمومها خوالها و جدها و باباها و خوها bien sûr).
كملو من عندها دارو لادم اومبعد بداو يمشو باش يخرجو كان ادم و جهان اللاخرين جبدها على خدعة سلم علا جبينها و عنقها و همسلها في ودنها : مبروك علينا.
جبدت جهان روحها عليه تبسمتو تبسيمة شاايحة و دارتلو براسها ايه هبطت راسها و زريت مشات لحقت برانيا كملت تمشي معاها يgسرو خلات ادم موراها يابس في pلاصتو مشوكي من ردة فعلها و بزاااف اسئلة يدورو في راسو (وشبيها؟ بدلت رايها على العرس؟ بلاك كي طولت؟....)
