عماد حياة المسلم..واكسيرها الصلاة..
واول شي يتحاسب عليه..لاخير في عمل يلهي عنها..
صلوا صلاتكم...بعدين ديروا اللي وراكم...
وقولوا لاإله إلا الله بقلب سليم طاهر تفلحوا❤
🍫🍫🍫🍫🍫🍫🍫🍫🍫🍫🍫🍫🍫🍫🍫🍫🍫
"هي تصبحوا ع خير"
وجيهه:قدامك كل خير غطوا الصغار كويس..
لينا:حاضر..
ومشت طلعت وفيدها ياسمين مغطيه بالبطانيه..
مشت للدروج لقت سفيان قدامها راكب ببحر..
قعدت تركب وراه وهي تشوفله بإبتسامه خجوله وقلبها يدق بقوة..
وصلوا فوق شبحلها غيرت عيونها طول..
هو ابتسم بعدين مشي للباب فتحه..
وصلت فوق وخشوا مع بعض..
هو سكر الباب برجله وقال:الصقع هني يخش العظام..
لينا:امم..بس الشقه دافيه..
سفيان:ايه شغلت المكيف ع السخون..
وصلوا في الدار..هي خشت وهو خش بعدها..
حطت ياسمين ع السرير..
وهو حط بحر وقعد يساوي فيه وهي قعدت تشبحله..
حست روحها مستاحشة ملامحه هلبه..
هو شبحلها..
غيرت طول عيونها وقعدت تساوي في غطا ياسمين..
وقف ع حيله وضحك بدون صوت وهو يحرك في راسه يمين ويسار...
شويه وقفت ع حيلها وقالت:شن رايك ندير سحلب ..
سفيان:امم..حلو وجيبيه للدار..
لينا ابتسمت وقالت:باهي..
شبحلها شويه بإبتسامه بعدين مشي طلع..
وهي مشت سكرت الباب..
غمض عيونه وهو يقول بهمس:يارب لا يارب لا يارب لا يارب لا....
فتح عين وحده وهو يشوف للباب وماسمع شي..
فتح العين التانيه وابتسم بعدين مشي لداره..
🌺اما هي..
طلعت توته شتويه حلوة واخدتها جديده كانت شكلها حلو هلبه..
لبستها..بعدين شدت شعرها وخلاته ع طوله..وخصلات حلوة عشوائيا نازله ع وجهها..كانت محليتها بزياده..
حطت شويه زينه..بعدين مشت طلعت من الدار للكوجينه..
وبدت تجهز للسحلب بعدين حطاته ع النار..
وطلعت المكسرات اللي بتزينهم بيه..
اما هو فكان في الدار بعد مابدل..
قعمز ورا المكتب وقعدت يدور بين الروايات اللي عنده ع روايه تقراها وحتى هي عاطفيه..كان عنده هدف تاني من هالشي..يبيها تحب القرايه زي ماهو يحبها..
لقي وحده..فتحها من الخلف وخدي بيرو وبدي يكتب..
وهي بعد طاب السحلب صبت في زوز طواسي وزينتهم بالمكسرات..
ومشت بالسفرة للدار..
وصلت فيها خشت عليه لقاته يشبح للي كان يكتب فيه..
كانت تحب شكله وهو شاد كتاب يقرا ولابس نظاراته الطبيه..
تنحنحت بش ينتبه لوجودها..
سفيان؛تبي تبنهيني انك جيتي نحس بيك لما تكون موجود من غير ماتحركي ساكن..
لينا بضحكه:قصدك قلبك يدق بسرعه وين نجي..
ضحك وشبحلها وقال:لا بس نحس بالمكان تعبا ودفي فجأة نعرفك جيتي..
ابتسمت بخجل وقالت؛ماينقدر ع لسانك تقول في كلام مانعرف نرد عليه..
سفيان:ومن قالك نبيك تردي نبيك تسمعي بس..
جاته بتحط السفره ع الطاوله.
رفع حاجبه اليسار وقال...لالا نبصر عليك..اليوم بالذات نبيك تدوي واني اللي نسمع..
قعدت تضحك..
بعدين خدت الكرسي متاع الزيانه قرباته وقعمزت قدامه..
وخدت طاسة سحلب ومدتهاله..
سفيان خداها وقال؛ماننحرم منهم ياربي..
ضحكت بخجل وخدت طاستها هو قعد يشوف لشعرها اللي كان مفرود ع طوله...مش ناعم..بس رطب ومموج وفيه شويه لويه..
سفيان:الله يبارك..
شفتله لقاته يشبح لشعرها ابتسمت بخجل...بعدين قال:ايه تعال هنى..قبل كل شي شن قصة الشكولاته اللي جايبها لأساور!؟
ضحك وقال؛نبي نخطبها...
لينا:بلاش صماته وجاوبني نحكي جد
بضحكه رد يقول:اني نجيب لأساور شكلاطه..!؟
لينا؛اها هي خشت بيها وقالت..قلدتها كيف تتكلم..جابهالي ولدي خالي هديه..
قعد يضحك وهي تشبحله بإبتسامه غالبه عليها ملامح الغيره..
هدى ضحك بعدين قال:نهائيا..مش ليها بكل..اني جبتها وجيت بنمدها لرنده طلعت اساور وخلتني نعطيهالها..
لينا:وحضرتك عاطيها مجال..
سفيان شرب من السحلب بعدين قال:امم حلو..
لينا:نحكي مع من انا..
سفيان:ناعليا نا...
ضحكت وقالت:صامت ياصامت..رد هيا..
سفيان بضحكه:ياستي اساور دارت هكي بلعاني.
خفت ضحكة لينا وهي تقول:كيف !؟
سفيان شبحلها واذكر يوم ماكلم اساور تحت المظله..
🔺️في وقت سابق..
سفيان:احكيلي شن عرفتي وشن سمعتي بالزبط..
اساور؛علاش؟
سفيان؛اني نبي جواب..ماترديش ع سؤالي بسؤال..
ساوت وشاحها وقالت:باهي..لكن راهو لينا واقفه في الروشن وتشوف هني..
سفيان قعد ساكت..
اساور:احسن خليها تشوف يقولوا ماتربي المراة كان مراة زيها
سفيان:شن قصدك؟
اساور بضحكه:تو تعرفه بعدين..المهم خل نحكيلك ع اللي سمعته...
●حدا المدخل●
اساور:حمد لله ع السلامه..
شبحلها بإستغراب وقال:الله يسلمك..
مدتلها المفتاح وقالت:هاك..
خداه منها وقال؛وين رنده..
اساور:هي اللي بعتتني..نبوا نولعوا النار في قلوب بعض الناس..
هو عقد حواجبه بشي من الغضب..
اساور بضحكه:شوف اني نبي ندير حاجه حلوة ونقربلك حبيبتك تمام
سفيان:مرتي..
اساور بضحكه:كله واحد..المهم ورنده معاي ع فكره تقدر تقول فاهمه كل شي ونبي نساعد..
سفيان تنهد وقالت:الجو اللي ديروا فيه..
اساور:والجو هدا حيدير فيك خير..
سفيان:باهي بري نادي رنده بنعطيها هادي..
خدتها اساور وقالت بضحكه:مشكور ولد خالي هالهديه مشكور اللي تفكرتني..ربي ينجيه..
ولفت ومشت تجري خشت بيها داخل..
وهو واقف يشبحلها برفعة حواجب بعدين قالت:مهبوله رسمي البنت هادي..
حرك راسه يمين ويسار بعدين مشي طلع من الحوش..
🔺️الوقت الحاضر..
لينا وهي متفاجئة:حيي مالا باهي اللي ماتهورتش والله قعد شويه وعطيتها طريحه..
هو رفع حاجبه بإبتسامه وقال:علاش هدا كله؟!
شربت طاست السحلب وهي مبتسمه ومابتش ترد..
سفيان:شكلي اني اللي بنعطي طريحه..
قعدت تضحك وهي تشرب بعدين قالت:بتشرقني..
سفيان:زي ماتشرقي بريقي..يامراة ادوي احكي طلعي مافي داخلك..راني راجلك..زوجك..بعلك..مافيش شي تتحشمي منه بالعكس حتى في الدين الرسول قال بمامعناه لو في حد حسيت تجاهه مشاعر حب برا قوله لازم يسمعها منك كلمة نحبك..هدا بين الاصدقاء..فكيف بين المراة وراجلها..
لينا حاسه بيطلع من مكانه قالتها في نفسها هالكلمه الف مرة ..بس كانت متحشمه هلبه تقولهاله..متحشمه اطلعها ومتوترة منها هلبه..
قعدت تشبح لطاسة السحلب وهي مبتسمه بخجل وتمسح بإبهامها ع الطاسه من التوتر..
هو قعد يشبح لصبعها وحسها متوتره ومتحشمه خاف لو ضغط عليها اكثر تنوض وتخليه..
تمالك نفسه وهداها بعدين قالت؛باهي..احكيلي ع الروايه شن رايك فيها..شن حسيتي لما قريتيها...
تنحنحت بعدين شبحتله وحطت خصله من شعرها ورا وذنها وهي تقول:سمحه بس صدمتني في النهايه..امم..مررت نظرها قدامها وهي توصف في شعورها..حسيت روحي عشت معاها عشت معاهم مع الاحداث اللي مرو بيها مرة نجي معاه مرة نجي معاه..مرات طيرلي منهم الزوز..هو متكبر واجد..وهي كانت تكابر واجد..
وطريقة اعترافه بحبه ليها وكيف طلب يتزوجها كانت حلوة واجد بسيطه عاديه..قاللها نحبك ونبيك زوجتي بدون مقدمات..وممكن لهالسبب هي ترددت توافق..
اتكى ع الكرسي وحط مرفقه ع الطاوله وحط سبابته ع صدغ راسه وابهامه اسفل خده وقال:علاش..
لينا :لأن واحد بشخصيته هو متكبر واجد وجلف..وين تطلع معاه الكلمه هدي بسهوله تحسها طلعت هكي وخلاص بسبب مشاعر لحظيه..
سفيان؛بس هو كان متيم بيها..
لينا:شن يدريها هي..اللي راته منه في الاول مش شويه كيف تبيها تصدق انه ممكن يحبها..!!؟
سفيان:وعلى ماصدقت فات الأوان...وهو لاخر لحظه قعد يثبتلها انه يحبها وموته كان خاطرها..
لينا تنهدت وقالت:مانلومها...هي كانت خايفه منه والمراة ماتقدر تحط الثقه في راجل تخاف منه حتى لو كانت تحبه..
وغالبا احساس الخوف منه يكون في محله بعد ماهو يدير مايثبت..
هو غمض عيونه وتنهد بعدين قال:اسمعي..
رشف وفتح عيونه وحط الطاسه ع الطاوله حط كفوفه ع بعض ورفعهم لمستوى وجهه وقال...
أقدم إعتذاري
لوجهك الحزين مثل أخر النهار
عن الحماقات اللي ارتكبتها
عن كل مااحدتثه
وكل ما اثرته حولك من غبار
اقدم اعتذاري..
اعذري حبيبا عليكي بجنون..
يغار...
طبعا الأبيات مش هكي بس اني عدلت فيها شويه..
لينا بإبتسامه؛فرق كبير واجد بين الغيرة وبين الشك..
تنهد وقال:تمام..هي لحظه شيطان صدقيني اقسم بالله ندمت عليها أشد الندم..
لينا ضيقت عيونها وقالت؛قبل قتلي في رساله وصلاتك من مني وشن فيها..
سفيان:انسي موضوعها تصرفت فيه ومشي الحال..
لينا:يعني انت صدقت فيا افتراء قاله حد مش عارفه!!؟
كيف لو افتري عليا حد تعرفه وقريب عليك!!؟ انا هكي زدت خفت اكثر..
غمض عيونه وخدي نفس عميق وقعد ساكت..
لينا:لازم تفهمني وتحط نفسك مكاني راهو اللي صار مش ساهل مش ساهل بكل بش يتعدا هك..
هز راسه وقال:عارف...فتح عيونه وقال..باهي شن يطلع بيدي ندير اكثر من اللي درته بش تسامحيني..
شبحت لطاسة السحلب بعدين حطتها ع الطاوله وقالت:انا مسامحتك..بس مش حنقدر ننسى...
قعد يشبحلها بضيق..
لينا ابتسمت وقال:مهم جدا نطلع اللي في قلبي كله قبل كل شي..
بدت ترتسم ع وجهه ابتسامه وهويقول:شن هو الكل شي!؟
حطت يدها في جيب التوته وطلعتها في يدها الخاتم..مدتهوله...
هو ضحك وخداه وقلبه يرقص فرحا...
مدت يدها اليمين..
فنص فيها..
هي اشرت بعيونها عليها..
هو رفع حاجبه وخبط يدها بيده خبطه خفيفه وبعدين خدي يدها وبدي يلبس فيها..
وهي تضحك..
بعد مالبسها شد يدها وقال:ماتمشيش الا هكي انتي..
هدت ضحك وقعدت تشوفله بإبتسامه حلوة ونظرات عيون هو لما شافهم...هالمرة شاف نفسه فيهم...شاف فيهم مشاعر مش قادره تفصح عنهم باللسان بس العيون ماتعرفش ادرق...
تنهد وقال...
تاهت عيوني في بحور عيونها...
واختار قلبي ان يغوص فيغرق...
اواه من رمش احاط بعينها...
سهم توغل في الريد فمزق..
هي بإبتسامه حلوة ونظرات كلها حب قالت..
في صوته ذاب الجمال عذوبة
لله در الصوت مااحلاه..
عقد حواجبه وهو يشوفلها وعيونها تعبوا دموع مشاعره كانت متحركه بقوة وقلب يفر فران وهو يسمع فيها..
لولا مخافة ان يقال بأنني
بالغت في وصف من اهواه..
لحلفت قد خلق الكلام لأجله..
والصمت حكم واجب لسواه
سفيان بتنهيده:نعشقك..
هي ضحكت وقعدت تسمح في دموعي..
سفيان شد يدها بإيديه الزوز وقال؛ترضي تكوني شريكة حياتي ورفيقة عمري..وروح لروحي...ترضي تكوني مرتي..ام صغاري اللي نستنى فيهم سنين
رشفت لينا وحطت يدها ع فمها وهزت راسها بإيجاب..
غمض عيونه وقال:اااه ياربي واخيرا نزلت بيا رحمتك..
وهي تضحك عليه وع تعابيره وتصارفته كلها كانت حلوة وعفويه ومميزة...
فتح عيونه وشبحلها بإبتسامه وهي شبحتله..
بعدين قالت:متوضيه..
لينا هزت راسها بإيجاب..
طلق يدها وقال:بري البسي ملايتك وتعالي..
تنهدت وناضت ومشت طلعت من الدار وقلبها يرفرف بين ضلوعها..
اما هو تنهد وهو فرحان..وناض مشي للحمام..
خشله...
وهي جابت ملايتها ومشت لداره وبدت تلبس فيها وهي فرحانه ع متوتره..وعاصفه من المشاعر المتداخله صايره فيها..
كملت لبس الملايه وشبحت للباب لقاته طالع من الحمام وهو ينشف في ايديه..
لينا بضحكه:لااله الا الله حتى باب ماسمعته..
هو قعد يضحك..
بعدين مشي علق الفوطه..
وفات من قدامه قرصها من انفها..
توجعت وقعدت تضحك..
وهو ابتسم ووقف مقابل القبله..
وهو وقفت في مكانها وراه...
خدي نفس ورفع ايديه وقال...الله اكبر..
وهي كبرت وراه وبدت تسمع في صوته وهو يقرا في الفاتحه وقلبه من قوة دقاته بفرح وكأنه فراشه تحوم في وسط جنه...
وهدا الحب الحلال الصافي...تعيش معاه القلوب في جنة...
💎 قل لي يا كل كلي..
من لي؟ ان لم تكن نوري وظلي..
اذا هجرت من لي ومن يجمل كلي..
ومن لروحي وراحي يااكثري وأقلي..
احبك البعض مني فقد ذهبت بكلي..
ياكل كلي كن لي إن لم تكن لي فمن لي؟
ياكل كلي واهلي عند انقطاعي وذلي
مالي سوى الروح خذها..والروج جهد المقلي
🌺🌺
🌺كلي بكلك ممزوج ومتصل
والنائبات التي تؤذيك تؤذيني
ياعين عين وجودي يامدى هممي يامنطقي وعباراتي وإيمائي
ياكل كلي وكل الكل ملتبس
وكل كلك ملبوس بمعنائي....
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
الساعه 6:30فجرا..
في جو رغم برودته كان هادي...
والنهار يسقد في الليل بش ياخد دوره...
تفوح ريحة القهوة العربيه من شباك مطبخ حوش الشريف..
نوريه بعد ماصلت الفجر دارتها..
حطتها في السفره وقعمزت بيها ع الطاوله..
وقعدت تشرب وهي سرحانه وتفكر..
ع خشة اختها ومازال قاعده بملاية الصلاة..
عفاف:قهيوه...
شبحتلها نوريه وابتسمت وقالت:امم..جيبي فنجان لروحك..
عفاف مشت خدت فنجان وقعمزت مقابله اختها..
عفاف:ترا صبي..
صبتلها نوريه وردت البكرح في مكانه..
نوريه:رقدت امي..
رشفت عفاف من القهوة وقالت:امم..
نوريه هزت راسها وقعدت ترشف من قهوتها..
عفاف:مش عارفه شن اخرة حكاية رنده هادي..
نوريه:بجديات خايفه هلبه نوريه..حاسه في شي تاني صاير شي مخلي رنده تقفز كل ماتسمع صوت خوتي ولاتسمع صوت تليفون رن ولاباب طق..شي مخوفها..
عفاف:بالك ع خاطر بنتها..
نوريه وهي تحرك في راسها بالنفي:لالا ..تس تس.. في شي تاني..
عفاف قعدت ساكته وهي تفكر بقلق وتشوف لنوريه..
ونوريه تشبح للفراغ وتفكر..
بعدين قالت:الله اعلم شن بيصير فيا كان ماحملتش..
عقدت عفاف حواجبها بخوف..
نوريه:عزوزتي تبي لولدها عزوة برغم انه هو مايبيش..ليها فترة قريب كل يوم تسأل فيا..هاه شنو مافيش حويجه..مازال ماصار معاك شي..صح تحبني وتعزني لكن ماعندهاش مشكله تزوج ولدها وحده تانيه ع العزوة.
عفاف:اني نبي نفهم عزوة شني هادي مش سادين ولدين وبنيه؟! وبعدين اللي يسمعها يقول انقطع نسلهم ماعندهاش غيره وعندها منهم احفاد؟
نوريه:هدوكا ولاد راجلها مش ولادها هي..المشكله هي نست ان هي اللي خلتني نبطل جياب الصغار في قولة راجلك يبني ومش حمل مصاريف مش لازم منهم الصغار توا وراجي نور لين تكبر وبعدين ديري تاني..
عفاف:لاحول ولاقوة الابالله...مهما نديروا مش عاجب مافي حد راضي..ديما يبوك تعطي وماتاخديش وتسمعي وتسكتي ومهما يندار فيك تتحملي ..
نوريه تنهدت وقالت؛ياريتنا لقينا الحظ اللي لقوه كناينا فينا..
عفاف بحسره:ياريت...
سمعوا صوت باب الحوش الخارجي انفتح..
نوريه:سفيان روح..
عفاف:سبحان الله سفيان كيف تغير وانقلب من بعد مارد لينا وهو معاش الأول بكل..
نوريه:يحبها ياحنه..وبيني بينك هاه مش طلعيها بش ماتقيمش خشمها..هي تنحب..
قعدت تضحك عفاف وهي تقول:ضحكتيني وماخاطري في الضحك..
ونوريه ابتسمت وقالت خل نوض ندير سفنز خاطري فيه..
عفاف:واني خاطري في بريوش حوش..
نوريه:ايه نوضي ديري بريوشك يهبل..
وناضوا الزوز وبدو يحوسوا في الكوجينه ويقربعوا وباقي اهل الحوش راقدين..
🌺🌺🌺
وفوق في شقة العرسان..
خش للحوش وفي يده شكاره وعقد فل..
جي للكوجينه لقاها ادير في الفطور..
خشلها وهو يقول..
ايا قمرا تنور عن اقاح..
شبحتله وابتسمت بخجل وهو جاي ناحيتها ومتابع يشعر..
وياغصنا يميل مع الرياح..
وقف قدامها ورفع يده اللي فيه عقد الفل وبدي يلبس فيها وهو يكمل في الأبيات شبح لجبتها وقال...
جبينك....
بعدين شبح لرقبتها بعد.مالبسها العقد قال..والمقلد..
بعدين شاف لضحكتها وقال...والثنايا...
صباح في صباح في صباح.
لينا بضحكه؛ماينقدر عليك انت والله ماينقدر...جيب هدي..
خدت الشكارة وقالت..هدى شنو..
سفيان بإبتسامه:مشتلت بالعسل ياعسل..
لينا بإستغراب؛وين لقيته
سفيان؛ياستي في راجل طيب عنده كوشه تفتح يوميا حتى يوم الجمعه من بعد الفجر يبدا خدمته
واني عاد الحيت عليه وقتله ياراجل ياطيب راني عريس جديد خود بخاطري وديرلي طلبي ع السريع نبي مرتي تاكل منه..لعيونك جاك احلى مشلتت طلب خاص..
لينا بضحكه:تسلم ياسيدي ومرة تانيه انا تو نديرهلك وانت بروحك تحكم اين اطعم متاعي ولا متاعه..
سفيان؛اكيد ومن غير نقاش..
ابتسمت لينا بغرور مصطنع وهو كمل يقول:يقول متاعه هو..
ضرباته ع كتفه وقالت..صامت..
وهو يضحك عليها..بعدين قعمز ورا الطاوله وقالت:هيا وين فطورك..
لينا:هي شويه بس..ومشت حطت شكارة المشلتت ع الرخامه وقالت:وعقد الفل وين لقيته..
سفيان:ياستي قطفته من حدا الجامع واني نراجي المشللتت يطيب درت العقد..كان نقول من وين خديت الخيط..
لينا:من وين..
سفيان:من الخياطه متاعه السوريه العربيه من تحت..
لينا؛نسلتها يعطيك الهني!؟
سفيان؛شوفوا البارده شوفوا فاتت الحركه الحلوة اللي درتها وفكرت فالسوريه..
لينا بضحكه؛عليك غرور فيك ومن قالك انها حركة حلوة..
جبدها من شعرها وقالت:مسمومه..
ولينا تضحك..بعدين قصصت المشلتت وحطاته ع الطاوله وحطت باقي حاجات الفطور وقعمزوا بش يفطروا..
سفيان:شن هدا !؟وينه الجو اللي نشوفوا فيه في المسلسلات ..العروسه تقعمز جنب العريس وتفطر فيه بإيديها ..
لينا:انت قلتها بروحك مسلسلات..يقولوا السوريين اللي ياكل ع ضرسه ينفع نفسه..
سفيان قعد يشبحلها ع جنب بعدم رضا مصطنع وقال: الحمد لله اللي قاعد بصحتي..ربي مايحيجني لغيره..
هي ضحكت وناضت وهي تقول:خلاص باهي خلاص من غير حرج وانت رايح احرف من بحر..
سفيان حرك راسه النفي وهو عاقد حواجبه وخدي طرف مشلتتت وقال؛لالا بري قعمزي تو تفطر بروحي..
كيف جي بياكل حطتله في فمه قطعة جبنه وقالت:افطر خيرلك..
هو غمض عيونه وقعد ياكل وهو يضحك..
بعدين قعمزت جنبه وبدال ماتوكله هي قعد هو يوكل فيها ويتصمت عليها قولتها ومرة مرة يغازل فيه بعدين قعد يفطر وهي تهدرز عليه..لين كملوا فطورهم..
وهو اصر يغسل معاها الماعين..
سفيان وهو يمصمص في الماعين قعدت تشبحله بعدين وهي تكد:حيي كان تشوفك امك..
سفيان؛عادي..مش اول مرة نوقف في كوجينه ماهو عشت برا فترة واعتمدت ع نفسي..
لينا:اها..بس انت هنى عندك مراة وامك ماتحبنا نقصروا في خدمة ولادها..
سفيان سكر الشيشمه وحط يده عليها وقال:شوفي يا #شكولينا مرة تانيه معاش نبيك تقولي امك قولي عمتي تمام...وولادها اللي تبيكم تخدموهم هما رجالتكم وانتم ديروا معاهم في واجبكم زي ماهما يديروا في واجبكم اتجاههم..مفهوم #شكولينتي..
ابتسمت وقالت:مفهوم ياسافيوش...واسفه كان ضايقك كلامي مش بقصدك..
ابتسم ومسح بسبابته ع مقدمة انفها وقال:عارفك ياقنين..
ضحكت وحطت يدها الشيشمه بتفتحها جت ع يده..
هو شبح لإيديهم وقال بضحكه:ناعليا مش شكلاطة البانيو..
هي قعدت تضحك بدموعها وهو قعد يشوفلها بإبتسامه..
لين هدت ضحك ومسحت دموعها وقالت:اااه ياربي..خلاص ساد اسكت قلبي معاد متحمل..
سفيان؛من الحب ولا من الضحك!؟
لينا بضحكه:خلاص سفيان فمي انشرك من الضحك..
سفيان؛باهي اهو سكتنا خلاص..
وولوا يغسلوا في الماعين....
سفيان؛هييه زيدي غادي اني نمصمص مش انتي..
لينا:قاعد بصابونه..
سفيان:قاعد بعينك..
لينا بضحكه:حول تربح حول زدت الحوسه ..
سفيان:والله ماني متحرك باهي..
لينا:مالا انا بنعدي نقعمز وانت كمل بروحك.
ومشت حولت المريول وقعمزت..
سفيان؛سبله وادوري فيها..لكن مش حتقعمزي بري حددي البسه العربيه تحركي..
ضحكت وقالت:من عيوني..
ومشت طلعت من حداه..
سفيان؛واني نطول هدوكا الحلوات يخدموني..
التفتت شبحتله وهي تضحك..وهو ابتسمتلها غمز..
التفتت القدام وكملت طريقها وهي تضحك..
وهو كمل اللي يدير فيه وهو يدندن...
وقلبه يرقص ع انغام الحب اللي معيشه شي عمره ماعاشه..
خلاه انسان تاني بكل معنى الكلمه..
ومش حتلقوا احلى من ارتباط مبارك من فوق سبع سماوات..
فوق الود ود...فوق الشوق الشوق..فوق الحب الحب..
كل شي فيه مبارك..زياده فزياده فزياده....
....يتبع....
