ေခတ္သစ္မင္းကုသ ခေတ်သစ်မင်းကုသ(Z+U)

💕Ep 26💕

"ကျုပ်ကိုယ်ကျုပ်အရင်မိတ်ဆက်ပေးပါရစေ.. ကျုပ်က ဒီကုမ္ပဏီကိုပထမဦးဆုံးတည်ထောင်ခဲ့တဲ့ဥက္ကဌကြီးဦးဇေရတုရဲ့တစ်ဦးတည်းသောအမွေဆက်ခံသူဖြစ်ပြီး အရင်ကအုပ်ချုပ်ခဲ့တဲ့CEOဦးစစ်မင်းပိုင်ရဲ့ခင်ပွန်း၊ အခုဒီကုမ္ပဏီကိုလက်ဆင့်ကမ်းအုပ်ချုပ်မယ့်CEOသွန်းခလို့ခေါ်ပါတယ်...

အားလုံးပဲကူညီပေးပါဦးလို့တောင်းဆိုပါတယ်.. ခင်ဗျားတို့ဘက်ကလည်း လိုအပ်တဲ့အကူအညီရှိခဲ့ရင် မန်နေဂျာကတစ်ဆင့်ကျုပ်ကိုပြောလို့ရပါတယ်.. ကျုပ်ဦးစီးလုပ်ဆောင်မယ့်လက်ထက်မှာ ဒီကုမ္ပဏီကိုအရင်ကထက်အဆများစွာတိုးတက်အောင်ဆောင်ရွက်ပါ့မယ်လို့ကတိပေးပါတယ်"

သွန်းခ၏ရှည်လျားစွာမိတ်ဆက်မှုအဆုံးမှာ ဝန်ထမ်းတွေဟာ သူတို့ကိုယ်သူတို့ တစ်ဦးချင်းမိတ်ဆက်မှု့စတင်၏။ အားလုံးမိတ်ဆက်မှု့ပြီးသွားတဲ့အခါ သက်ဆိုင်ရာဌာနဆီသို့ပြန်သွား၍ လုပ်စရာရှိသည့်အလုပ်များကိုဆက်လက်လုပ်ကိုင်ကြ၏။

"ပင်ပန်းနေပြီလား ငါ့ကောင်ရ! ရော့ ကော်ဖီလေးသောက်လိုက်ဦး"

ခွန်းဆက်ပိုင်သည် သွန်းခထံသို့ကော်ဖီခွက်လေးကမ်းပေးရင်းပြောလိုက်၏။ သွန်းခလည်း ခွန်းဆက်ပိုင်ထံမှကော်ဖီခွက်ကိုလှမ်းယူ၍ ဆုံလည်ထိုင်ခုံတွင်နောက်ကျောမှီချလိုက်၏။

"အေးကွာ ကုမ္ပဏီအလုပ်ကထင်သလောက်မလွယ်ကူဘူးပဲ.. ဒါတောင်မင်းက ငါ့ရဲ့အတွင်းရေးအမှူးအဖြစ်နဲ့အနားမှာကူညီပေးနေလို့ အနည်းငယ်သက်သာတာ.. ကျေးဇူးပါခွန်းဆက်ရာ"

"အဟွန်းး သူငယ်ချင်းတွေပဲကွာ ကျေးဇူးတင်စရာမလိုပါဘူး.. ဒါနဲ့ ငါမင်းအတွက်သတင်းဆိုးနဲ့သတင်းကောင်းပြောစရာရှိတယ်.. မင်း ဘယ်ဟာအရင်နားထောင်ချင်လဲ"

ခွနိးဆက်ပိုင်၏စကားကြောင့် သွန်းခတစ်ယောက် မျက်ခုံးတစ်ချက်ပင့်တင်၍ကြည့်လိုက်၏။

"မင်းဟာကအထူးအဆန်းပါလား.. ကုမ္ပဏီစဝင်တဲ့ရက်မှာ သတင်းကောင်းကိုပဲအရင်နားထောင်ချင်တာပေါ့ကွာ"

"ကောင်းပြီ သေချာနားထောင်နော်.. သတင်းကောင်းက မင်းရဲ့ယောက်ျားအခုဘယ်သူ့ဆီမှာရှိနေတယ်ဆိုသိရပြီ..."