ေခတ္သစ္မင္းကုသ ခေတ်သစ်မင်းကုသ(Z+U)

💕Ep 26💕

Uni

💕ခေတ်သစ်မင်းကုသ💕

Ep 26

"ဟဲ့ ဒီနေ့ကုမ္ပဏီကိုCEOအသစ်ရောက်လာမယ်တဲ့"

"ဒီတစ်ခါCEOက အရမ်းစည်းကမ်းတင်းကြပ်မယ်လို့ ဂျာကြီးပြောနေသံငါကြားခဲ့ရတယ်"

"ဟုတ်လား ဒါဆိုငါတို့တော့ရေသာခိုလို့မရတော့ဘူးပေါ့"

"ရေသာခိုဖို့မပြောနဲ့ ငါတို့အလုပ်မြဲအောင်ပဲဆုတောင်းနေရမှာ"

ဝန်ထမ်းတွေအချင်းချင်း ထိုစကားအားတီးတိုးပြောနေကြသည်မှာ ကုမ္ပဏီ၏ဌာနအနှံ့တွင်ပျံ့နှ့ံနေ၏။

ကုမ္ပဏီ၏ကားပါကင်ထဲသို့ Mercedes - Benz(CLA) အဖြူရောင်ကားတစ်စီးဝင်လာ၏။ ထိုကားပေါ်မှဆင်းလာသူသည်သွန်းခနှင့်ခွန်းဆက်ပိုင်ဖြစ်လေ၏။ ကုမ္ပဏီလုပ်ငန်းကိုစတင်လုပ်ဆောင်ရမည့်နေမို့ သွန်းခတစ်ယောက် စိတ်လှုပ်ရှားနေ၏။

"CEOရောက်ပြီဟေ့ ဝန်ထမ်းတွေအားလုံး meeting roomထဲမှာဆုံကြဖို့ဂျာကြီးကပြောခိုင်းလိုက်တယ်"

ဂျာကြီးရဲ့လက်ထောက်ဖြစ်သော ဒုမန်နေဂျာ၏ စကားကြောင့် အစောကစကားဖောင်ဖွဲ့နေကြတဲ့ဝန်ထမ်းတွေဟာ meeting roomထဲသို့သုတ်ခြေတင်ပြေးကြရသည်။ ထို့နောက် နေရာအသီးသီးတွင်ဝင်ထိုင်လိုက်ပြီး CEOအသစ်ဝင်လာမယ့်အချိန်ကိုစောင့်နေကြ၏။

"ဒေါက်.. ဒေါက်..ဒေါက်"

ဖိနပ်၏ခွာနှင့် သံမံတလင်းထိခတ်သံတွေဟာ တိတ်ဆိတ်နေတဲ့meeting roomထဲမှာထွက်ပါလာတယ်။ ဘောင်းဘီအိပ်ထောင်ထဲသို့ လက်နှစ်ဖက်နှိုက်လျှက် စမတ်ကျသော ခြေလှမ်းတွေဖြင့် တစ်လှမ်းချင်းလျှောက်လာပြီး အခန်းထဲသို့ဝင်လာသည့်CEOထံသို့ ဝန်ထမ်းတွေ၏အကြည့်ရောက်သွားတဲ့အခါမှာ ကမ္ဘာလောကကြီးခဏရပ်တန့်သွားသလိုခံစားလိုက်ရတယ်။ CEOအသစ်က စောက်ရမ်းချောလွန်းတဲ့အမျိုးသားတစ်ယောက်ဆိုတာ သူတို့လက်ခံလိုက်ရ၏။

စူးရှသည့်မျက်ဝန်းတစ်စုံရယ် ၊ နဖူးပေါ်လှန်တင်ထားတဲ့ရွှေရောင်ဆံပင်ရယ် ၊ တင်းတင်းစေ့ပိတ်ထားတဲ့နုတ်ခမ်းတစ်စုံရယ်ကြောင့် ထိုလူဟာအကြည့်နဲ့တင်ဩဇာအပြည့်ရှိသလိုခံစားရ၏။ အဖြူရောင် Suitအပြည့်ဝတ်ထားတဲ့ CEOဆိုသူဟာ သူ့လက်ထဲမှာကိုင်ထားတဲ့ လည်သာအိတ်အမဲကို အတွင်းရေးမှူးထံသို့ကမ်းလိုက်ပြီး meetingစားပွဲရဲ့ထိပ်ဆုံးခုံမှာဝင်ထိုင်လိုက်၏။