Uni
💕ခေတ်သစ်မင်းကုသ💕
Ep 16
အဖွားနှင့်ဂျက်စမင် နိုင်ငံခြားသို့ပြန်သွားသည့်အချိန်မှစ၍ အိမ်လေးဟာနဂိုအတိုင်းသာယာစိုပြေသလိုရှိသွား၏။ စစ်မင်းပိုင်စိုက်ထားသောပန်းပင်လေးတွေပျက်စီးသွားရသည့်အတွက် သွန်းခက အပြင်မှပန်းမျိုးစေ့တွေ အပင်တွေဝယ်လာပြီး ဦးစစ်နှင့်အတူ ခြံထဲမှအပင်စိုက်နေခြင်းဖြစ်၏။
"ဒီပန်းအိုးတွေကို ဘယ်နေရာမှာထားရမလဲ ဦးစစ်"
နှင်းဆီပွင့်အဖြူရောင်နှင့်ပန်းရောင်စပ်ထားသောပန်းအိုးလေးကိုမရင်း သွန်းခမေးလိုက်ခြင်းဖြစ်သည်။
"ခြံရဲ့ဘယ်ဘက်ထောင့်လေးမှာထားပေးနော် မောင်"
စစ်မင်းပိုင်ကပြန်ဖြေလိုက်တော့ သွန်းခလည်း ခြံရဲ့ဘယ်ဘက်ထောင့်နေရာတွင် ပန်းအိုးလေးကိုချထားလိုက်သည်။ စွပ်ကျယ်အင်္ကျီချိုင်းပြတ်အမဲရောင်လေးကို ဂျင်းဘောင်းဘီနက်ပြာရောင်ဒူးတိုလေးဖြင့်တွဲဖက်ဝတ်ဆင်ထားသော သွန်းခဟာ အသားဖြူလွန်းတာကြောင့် နေအပူရှိန်ကြောင့် အသားတွေပင်နီရဲနေ၏။ မောင့်ရဲ့နဖူးထက်မှချွေးတွေကို သူ့ရဲ့လက်ဖဝါးဖြင့်တယုတယသုတ်ပေးမိသည်။
"ပင်ပန်းနေပြီလားမောင်"
သူမေးလိုက်တော့ မောင်က သူ့ရဲ့နဖူးထက်သို့ အနမ်းနုနုခြွေရင်း ပြုံးရွှင်သောမျက်နှာထားဖြင့်ပြန်ဖြေလေ၏။
"မပင်ပန်းပါဘူး ဦးစစ်ရဲ့ မောင်ကအခုလိုဦးစစ်နဲ့အပင်တွေစိုက်နေရတာကိုပဲ ပျော်နေတာပါဗျာ"
အိုမင်းသည်အထိမောင်နဲ့ယခုလိုအချိန်တွေကုန်ဆုံးခွင့်ရလျှင်သိပ်ကောင်းမည်ဟု သူတွေးမိပါ၏။
"အဖွားကြီး ရှင့်ကိုယုံစားမိလို့ အခုအဲလက်စ်က ကျွန်မကိုမုန်းသွားပြီ!!"
ကျွန်းသားဖြင့်ပြုလုပ်ထားသော အိမ်အပေါ်ထပ် လှေကားထိပ်တွင် ဂျက်စမင်နှင့်ဒေါ်မျိုးသူဇာအောင်တို့နှစ်ယောက် စကားများနေခြင်းဖြစ်၏။ ဂျက်စမင်၏အပြောကြောင့်ဒေါ်မျိုးသူဇာအောင်ဟာ ဂျက်စမင်ထံသို့မယုံနိုင်သော မျက်ဝန်းများဖြင့်ကြည့်လေ၏။
YOU ARE READING
ေခတ္သစ္မင္းကုသ ခေတ်သစ်မင်းကုသ(Z+U)
RomanceZgi ဘယ္ေလာက္ပဲလူေကာင္းျဖစ္ေနပါေစဦး မလွပတဲ့အရာေတြကိုျမင္မိတဲ့အခါ ပုံမွန္စိတ္နဲ႕ခ်က္ခ်င္းေတြးမေပးနိုင္တာကိုဝန္ခံၾကတယ္ဟုတ္ ဒီလိုပါပဲ ဒီficထဲကေကာင္ေလးကလဲ မ်က္ႏွာတစ္ျခမ္းမွာအမာ႐ြတ္နဲ႕လူသားကို ျမင္ျမင္ခ်င္းမၾကည္ျဖဴေပးခဲ့ပါဘူး...ဒါေပမဲ့ ဒီလ...