ဒါရိုက်တာလီ၏မကျေမနပ်ဟန်ဖြင့် စနောက်ပြောဆိုမှုကြောင့် ရှဖန် ရှက်ကိုးရှက်ကန်းဖြင့် ကသိကအောက်ဖြစ်သွားသည်။" ဒါရိုက်တာလီကို ကျွနတော်ဒုက္ခပေးမိပါပြီ "
" မင်း သဘောပေါက်တယ်ဆိုရင် ငါ့ကို red eggs ပို့ပေးပေါ့ကွာ "ဒါရိုက်တာလီက တက်ကြွ ရွှင်လန်းစွာဖြင့် ပြောလေသည်။
" သေချာပေါက်ပို့ပေးမှာပါ! "ယွီသုံရယ်လိုက်သည်။
ခဏကြာသောအခါ သူနာပြုတစ်ဦးသည် ရလဒ်များနှင့်အတူ အခန်းထဲသို့ ဝင်လာပြီး ရှဖန်ကိုမြင်သောအခါ သူမပြုံးလိုက်သည်။ထို့နောက် ဒါရိုက်တာလော့ကို စာရွက်လှမ်းမပေးခင် ပြောလေသည်။" ဒါရိုက်တာ ဒါက ဒါရိုက်တာတောင်းဆိုထားတဲ့ ရလဒ်ပါ "
" အင်း "ဒါရိုက်တာလော့လည်း စာရွက်ကိုလှမ်းယူလိုက်ပြီး ရလဒ်ကိုကြည့်လိုက်သည်။
" ဒါရိုက်တာ...ဘယ်လိုလည်းဗျ? "ရှဖန်က ဆန္ဒစောစွာဖြင့် မေးလာသည်။ယွီသုံသည်လည်းပဲ စိုးရိမ်နေလေ၏။
" မင်း ကိုယ်တိုင်ကြည့်မလား? "ဒါရိုက်တာလော့က စာရွက်ကို ရှဖန်အားလှမ်းပေးလေသည်။
" ဒါရိုက်တာ!ကျွန်တော်တို့ကို တိုက်ရိုက်ပဲ ပြောပေးပါဗျာ "
" ဟားဟား... "ရှဖန် စိုးရိမ်ကြောင့်ကြနေမှုကို မြင်ရသောအခါ ဒါရိုက်တာလီက ရယ်လိုက်ပြီး ပြောပြလာသည်။" ဂုဏ်ယူပါတယ်...မင်းတို့ မိဘတွေ ဖြစ်လာကြတော့မယ် "
စိတ်ထဲ၌ ပြင်ဆင်ထားပြီးသားဖြစ်သော်လည်း ဒါရိုက်တာ၏ပြောကြားမှုကို ကြားလိုက်ရသည့်အခါ ယွီသုံအံ့အားသင့်သွားပြီး မျက်လုံးများပြူးကျယ်လာကာ ကြောင်တောင်တောင်ပုံစံဖြင့် ရှဖန်ဘက်သို့ လှည့်လာသည်။ရှဖန်သည်လည်းပဲ အလွန်စိတ်လှုပ်ရှားနေပြီး သူ၏လက်များကို မည်သည့်နေရာတွင် တင်ထားရမည်မှန်းမသိတော့ပေ။
" ကလေးက ငါးပတ်လောက်ရှိနေပြီ။အကုန်လုံးကတော့ ပုံမှန်ပါပဲ။ဒါပေမယ့် ကိုယ်ဝန်ဆောင်ထားရတဲ့ အမျိုးသမီးတစ်ယောက်အနေနဲ့ အခုကစပြီးတော့ မင်းရဲ့ခန္ဓာကိုယ်ကို ပိုပြီး ဂရုစိုက်သင့်တယ်။ပင်ပန်းမယ့်အလုပ်တွေလည်း လုပ်လို့မရဘူးနော် "
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
Chapter 57
Start from the beginning