Unicode
သူမတို့ ကန်တင်းသို့ရောက်လာသည့်အချိန်မှာ ညနေစာစားချိန်ရောက်ပြီဖြစ်သဖြင့် ကန်တင်းတွင် လူအတော်အသင့်ရှိနေလေသည်။သို့သော် ဆေးရုံဝန်ထမ်းများသည် အလုပ်များကြောင့် အစာစားချိန် ပုံမှန်မရှိပေ။
ရှဖန်သည် ယွီသုံအား စားပွဲလွတ်တစ်ခုသို့ ခေါ်လာသည်။
" ဒီမှာထိုင်နေနော်...ကိုယ်စားစရာ သွားယူလိုက်ဦးမယ် "
" အင်း "ယွီသုံ အပြုံးလေးဖြင့် ပြန်ဖြေလိုက်သည်။
ရှဖန်လည်း ပြန်ပြုံးပြလိုက်ပြီးနောက် စားစရာယူရန် ထွက်လာခဲ့သည်။
" ဒေါက်တာရှ...ခင်ဗျားမှာထားတဲ့ ဆန်ပြုတ်ရပြီ "ကန်တင်းမှ စာဖိုမှူးသည် ရှဖန်အား မြင်သောအခါ လှမ်းပြောလာသည်။" ကျွန်တော် သွားယူပေးမယ် "
" ကျေးဇူးပါဗျာ "
" မင်းက အရမ်းယဉ်ကျေးတာပဲ! "ထိုသို့ပြောပြီး စာဖိုမှူးသည် မီးဖိုခန်းထဲသို့ ဝင်သွားလေသည်။
ထိုစားဖိုမှူးသည် သိပ်မကြာခင် ဆန်ပြုတ်အိုးလိုက်ယူလာပြီး ရှဖန်အား ပြောလေသည်။" အခုမှ မီးဖိုပေါ်ကချလာတာဆိုတော့ တော်တော်လေးပူသေးတယ်။သတိထားနော် "
" ကျေးဇူးတင်ပါတယ် "ရှဖန်လည်း စာဖိုမှူးကို ကျေးဇူးတင်စကားပြောပြီး ဆန်ပြုတ်အိုးအား လှမ်းယူလိုက်သည်။
" အဲ့တာကဘာလည်း? "ရှောက်ရိဖန် အနားသို့ချဉ်းကပ်လာသည်ကို သတိမထားမိသောရှဖန်မှာ ရုတ်တရက်ထိတ်လန့်သွားသည်။ရှောက်ရိဖန်သည် အိုးအဖုံးကိုဖွင့်ကြည့်လိုက်သောအခါ မွှေးကြိုင်သည့်ရနံ့ထွက်ပေါ်လာလေသည်။ရှောက်ရိဖန်လည်း ထိုအနံ့ကိုရှုရှိုက်ရင်း " ကြက်သားမှိုဆန်ပြုတ်အနံ့လေးကအရမ်းမွှေးတာပဲ "
" အဖုံးပြန်အုပ်လိုက်! "ရှဖန် ဒေါသထွက်လာသည်။
" ဒါက ယွီသုံအတွက် အထူးသီးသန့်လား?ငါ ဒီလိုအာဟာရပြည့်တဲ့အစားအစာတွေ မစားရတာကြာနေလို့ ငါ့ကိုလည်း တစ်ပန်းကန်လောက်တိုက်ပါလား "ရှောက်ရိဖန် နှုတ်ခမ်းကို လျှာဖြင့်သပ်ကာ ပြောလိုက်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
