Unicode
" အားလုံးပဲ မင်္ဂလာပါ။အခုနားဆင်နေရတာကတော့ FMလိုင်း
၉၆၆၆ပဲဖစ်ပါတယ်။'Midnight Phantom'ကနေ ကြိုဆိုလိုက်ပါတယ်။ကျွန်မကတော့ DJ Fish Jellyပါ။ ဒီအချိန်လေးကတော့ ကျွန်မတို့ရဲ့နားဆင်သူပရိတ်သတ်အပေါင်းတို့ ဖုန်းခေါ်လို့ရမယ့် အချိန်လေးဖြစ်ပါတယ်။ဒီနေ့မှာတော့ ဘယ်သူငယ်ချင်းတွေက သူတို့ရဲ့ဇာတ်လမ်းတွေကို မျှဝေလိမ့်မလည်းဆိုတာ စောင့်ကြည့်လိုက်ရအောင်ပါရှင် "
ထိုအချိန် စီနီယာယွီက သူမအား ဖုန်းဖြေကြားရန် လက်ဟန်ခြေဟန်ပြလာခဲ့သည်။
" မင်္ဂလာပါ!Fish Jellyဖြစ်ပါတယ် "
" မင်္ဂလာပါ "အနည်းငယ် ပင်ပန်းနွမ်းနယ်နေပုံပေါ်သည့် အမျိုးသားအသံတစ်သံသည် ဖုန်းတစ်ဖက်မှ ထွက်ပေါ်လာခဲ့သည်။
" ဆရာ့နာမည် ဘယ်လိုခေါ်ပါသလည်း? "
" မင်းအဆင်ပြေသလို ခေါ်လို့ရပါတယ် "ထိုအမျိုးသားသည်လည်း သူ၏နာမည်ကို ပြောပြချင်ပုံမရပေ။
" ကျွန်မတို့ရဲ့ နားသောတဆင်တဲ့သူတွေက အမည်မဖော်ပြလိုပဲနဲ့ ဇာတ်လမ်းတွေမျှဝေရတာကို သဘောကျပုံရတယ် "သူမရယ်ကာ ပြောလိုက်သည်။
" ကောင်းပါပြီ...ဒီလူကြီးမင်းက စိတ်ခံစားချက် သိပ်ကောင်းပုံမရဘူးထင်တယ်။ကျွန်မ ရှင့်ကို Mr.Strongလို့ခေါ်လို့ အဆင်ပြေရဲ့လား? "တစ်ဖက်လူသည် သူမ၏နောက်ထပ်ဟာသစကားများကို လက်ခံလိုခြင်းမရှိကြောင်းကို ယွီသုံခံစားမိသည်။
ယခုမှစ၍ အမည်မဖော်လိုသူ အမျိုးသားများကို Mr.Strongဟုခေါ်၍ အမည်မဖော်လိုသူ အမျိုးသမီးများကို Ms.Beautyဟု ခေါ်ရမည်ဟု အလွယ်တကူပင် သူမစဉ်းစားမိလိုက်မိသည်။
" ဘာဖြစ်ဖြစ်ရပါတယ် "
" ဟုတ်ကဲ့...Mr.Strong။ဒါဆိုရင် ဒီနေ့ညမှာ ကျွန်မတို့နဲ့အတူ မျှဝေပေးချင်တဲ့ ဇာတ်လမ်းလေးများရှိပါသလားရှင့် "
" ကျွန်တော် အချစ်ကို စိတ်ကုန်သွားပြီ!အခုအကြိမ်နဲ့ဆိုရင် ကျွန်တော်အငြင်းခံရတာ ၁၅ကြိမ်မြောက် ရှိသွားပြီ! "ထိုသို့ပြောပြီး Mr.Strongက ရုတ်တရက် ထငိုလေသည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
