Unicode
ညစာစားချိန်၌ ရှဖန်သည် အန်အန်း၏ပါတီပွဲသို့မသွားပေ။ထိုအစား steakစားရန် ဆေးရုံအပြင်ဘက်မှ အနောက်တိုင်းစားသောက်ဆိုင်တစ်ခုသို့ ယွီသုံနှင့်အတူ ရောက်ရှိနေခဲ့သည်။
မျက်နှာချင်းဆိုင်စားပွဲ၌ထိုင်၍ ရှဖန်ကိုကြည့်ကာ ယွီသုံပြုံးလိုက်သည်။
" မင်း ဘာလို့ပြုံးနေတာလည်း? "အမှာစာကိုပြောပြီးသည့်နောက် သူမရယ်နေသည်ကို မြင်သောကြောင့် ရှဖန်မေးလိုက်သည်။
" ရှင့်ကို ကျွန်မနဲ့အတူ ညစာစားဖို့ ပထမဆုံးအကြိမ် မေးခဲ့တာကို သတိရသွားလို့ပါ။အဲ့တုန်းကလည်း ဒီဆိုင်မှာလေ "
ဒီဆိုင်?ရှဖန် သေချာပြန်စဉ်းစားသော်လည်း ယနေ့မတိုင်ခင်အထိ ယခုနေရာ၌ သူမနှင့်အတူ ရှိနေခဲ့သည့်အချိန်ကို မမှတ်မိပေ။" ကိုယ်က ဘယ်လိုလုပ်ပြီး မမှတ်မိရတာလည်း? "
" ဘာလို့လည်းဆိုတော့ ရှင်က မလာခဲ့ဘူးလေ "ယွီသုံ၏အသံမှာ အနည်းငယ် မကျေမနပ်ဖြစ်နေလေသည်။" ကျွန်မက ရှင့်ကို ပိုက်ဆံလာရှင်းပေးဖို့ပြောပေမယ့် ရှင်က အခြားတစ်ယောက်ကို လွှတ်လိုက်တယ်လေ "
" အော်...အဲ့တုန်းကလား... "ရှဖန်မှတ်မိသွားသည်။" ဌာနမှူးက ကိုယ့်ကိုရှာနေလို့ပါ...ဘယ်လိုပဲဖြစ်ဖြစ်...ကိုယ့်အမှားပါကွာ "
ရှဖန်၏မျက်နှာမှာ တောင်းပန်တဲ့မျက်နှာထားဖြင့်ဖြစ်သည်။
ယွီသုံ သူမ၏မေးကို လက်ပေါ်တင်ထားလိုက်ပြီး လေးတွဲစွာဖြင့် ပြောလိုက်သည်။" မေ့သွားတယ်...အဲ့ဒီတုန်းက ရှင်က ကျွန်မကို တော်တော်လေးသဘောမကျသေးပဲ ကျွန်မကပဲ လိုက်နေခဲ့ရတာ "
သူမတို့စုံတွဲသည် စာပွဲထိုးမှ steakများကို လာရောက်ချမပေးခင်အထိ အတော်ကြာအောင် စကားပြောဆိုနေခဲ့ကြသည်။
ထို့နောက် သူတို့နှစ်ယောက် steakများကို လှီးဖြတ်နေကြလေသည်။ရှဖန်သည် တစ်ဝက်ခန့်လှီးဖြတ်ပြီးသည့်နောက် ရုတ်တရက် ခေါင်းမော့လာပြီး သူမ၏steakများကို ကျွမ်းကျင်စွာလှီးဖြတ်နေသည့် ယွီသုံကို ကြည့်လာလေသည်။
" ရှင် ဘာလို့ ကျွန်မကို အဲ့လိုကြီး ကြည့်နေရတာလည်း? "ရှဖန်၏ငေးမာကြည့်နေမှုကို သူမမြင်သောအခါ လှုပ်ရှားနေမှုကို ရပ်တန့်၍ ရှဖန်ကိုမေးလိုက်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
