Unicode
ပန်းဆိုင်ကြီးများသည် အများအားဖြင့် ဝေးလံသော မြို့စွန်ဖျား၌တည်ရှိလေသည်။ယနေ့မနက်စောစော၌ ရှဖန်နှင့်ယွီသုံတို့သည် အလှစိုက်ပျိုးထားသည့် စိမ်းလန်းစိုပြည့်အရာများဖြင့်ပြည့်နေသော ဆင်ခြေဖုံးဘက်သို့ ထွက်လာခဲ့ကြသည်။
ယွီသုံ ကားပြတင်းပေါက်ကို ဖွင့်လိုက်သောအခါ ဝင်ရောက်လာသည့်လေညှင်းတို့ကြောင့် သူမ၏ဆံနွယ်ရှည်များသည် လွှင့်မြောနေပြီး မျက်နှာတွင်လည်း ပျော်ရွှင်မှုများဖြင့် ပြည့်နှက်နေကာ မျက်ဝန်းများကလည်း တောက်ပနေလေသည်။
" ဟိုမှာ ရပ်ရအောင်! "အနီးရှိကားပါကင်တစ်ခုကို ညွှန်ပြရင်း ယွီသုံပြောလိုက်သည်။
ရှဖန် သူမညွှန်ပြသည့် နေရာကိုကြည့်ရင်း ပဟေဠိဖြစ်သွားသည်။" ပန်းဆိုင်က နည်းနည်းဝေးသေးတယ်လေ "
" ကျွန်မတို့ လမ်းလျှောက်လို့ ရတာပေါ့ "ယွီသုံ ပြုံးလိုက်သည်။" ဒီနေ့ရာသီဥတုက တစ်ကယ်ကောင်းတယ် "
ထို့ကြောင့် ရှဖန်ခေါင်းငြိမ့်ပြလိုက်ပြီး ကားအရှိန်လျော့ကာ အရိပ်တစ်နေရာ၌ ရပ်လိုက်၏။
နေသာ၍တောက်ပသည့် နွေဦးနေ့ရက်များသည် လူများကို အမြဲပျော်ရွှင်စေပြီး အပြင်၌ ထိုင်းမှိုင်းစွာ ထိုင်နေလျှင်ပင် ပျော်ရွှင်နေနိုင်ဆဲဖြစ်သည်။
ရှဖန်သည် ယွီသုံ၏လက်ကို ဆွဲကိုင်၍ ယိမ်းထိုးနေသည့် အပင်များ၏အရိပ်အောက်မှ ဖြတ်လျှောက်လာခဲ့သည်။စိမ်းလန်းစိုပြေနေသည့် သစ်ပင်များအကြားမှ နေရောင်ခြည်များကလည်း ကျရောက်နေကာ ယွီသုံ၏ချစ်စရာကောင်းသည့် အပြုံးတို့မှာ ညှို့ယူဆွဲဆောင်နေလေသည်။
" ကိုယ် ဒီလိုမျိုးအပြင်မထွက်ရတာတောင် တော်တော်ကြာခဲ့ပြီ " ရာသီဥတုကလည်း ကောင်းမွန်လှသည့်အပြင် ဇနီးဖြစ်သူကလည်း ပျော်ရွှင်နေသောကြောင့် ရှဖန်သည်လည်း လွင့်ပျံနေသလိုမျိုးခံစားရလေသည်။
" ဒီလိုမျိုးရှုခင်းတွေကို လွမ်းနေတာလား? "ယွီသုံ ရယ်လိုက်သည်။
" ဟုတ်တယ်!ပန်းတွေမရှိရင်တောင်မှ ဒီလိုမျိုးလှပပြီး စိမ်းလန်းစိုပြည်တဲ့သစ်ပင်တွေက လူတွေကို လန်းဆန်းပြီး ပျော်ရွှင်စေတယ် "
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
