" ယွီသုံ မင်းရဲ့တင်ဆက်မှုက ၉နာရီခွဲထိ မဟုတ်သေးဘူးထင်တယ် "ထိုပွဲ၏အစီအစဉ်တင်ဆက်သူတစ်ဦးဖြစ်သည့် လဲ့ကျန်းသည် အချိန်ဇယားများကို သိရှိလေသောကြောင့် သူမကို အကြံပေးစကားပြောလာလေသည်။" မင်းက ၂နာရီလောက်ကြာအောင် စောင့်ရဦးမှာဆိုတော့ ငါတို့ရဲ့နားနေခန်းထဲမှာ သွားစောင့်နေပါလား?အဲ့ဒီမှာ လူနည်းနည်းပဲရှိတာ "
" ကျွန်မ ရှင့်ကို ဒုက္ခပေးသလိုများ ဖြစ်နေမလား? "ယွီသုံ တုံ့ဆိုင်းသွားသည်။
" အဲ့လိုမဖြစ်ပါဘူး...ငါတို့အားလုံးက အတန်းဖော်တွေပဲကို။မင်း အစ်မအန်နာနဲ့လည်း တွေ့ဖူးတယ်မလား? "လဲ့ကျန်းက ပြုံးကာပြောလေသည်။
" ရှင်သွားသင့်ပြီ ... သူများတွေ အလုပ်ရှုပ်နေတာကိုလည်းကြည့်လိုက်ဦး။ရှင်တစ်ယောက်ပဲ အခြားလူတွေနဲ့စကားလာပြောနေတယ် "ရှန်းရှောင်ယွဲ့က လဲ့ကျန်းအားဝင်ပြောလိုက်သည်။
ထို့နောက် ယွီသုံနှင့်ရှန်းရှောင်ယွဲ့တို့သည် အစီအစဉ်တင်ဆက်သူများ၏နားနေခန်းဆီသို့လဲကျန်းနောက်မှ လိုက်လာခဲ့ကြသည်။လီအန်နာသည် ပြောရမည့်စကားများကို ဖတ်နေစဉ် လူအချို့ဝင်လာသည်ကို မြင်လိုက်ရပြီး လဲ့ကျန်းသည် သူမအား ကြို၍ပြောထားပြီးဖြစ်သဖြင့် ပြုံးကာ နှုတ်ဆက်လိုက်သည်။
ယွီသုံလည်း လဲ့ကျန်းအား ကျေးဇူးတင်စကားဆိုလိုက်ပြီးနောက် ရှန်းရှောင်ယွဲ့နှင့်အတူ ထိုင်ချလိုက်သည်။
သိပ်မကြာမီ ဝန်ထမ်းတစ်ယောက်ရောက်လာပြီး လဲ့ကျန်းနှင့်လီအန်နာတို့အား ဒါရိုက်တာမှရှာနေကြောင်း ပြောလာသဖြင့် ၎င်းတို့နှစ်ယောက်သည် အခန်းပြင်သို့ထွက်သွားကြသည်။
နောက်ဆုံး၌ ယွီသုံနှင့်ရှန်းရှောင်ယွဲ့တို့သည် အခန်းထဲ၌ နှစ်ဉီးတည်းသားကျန်ရှိတော့သဖြင့် အသက်ဝင်လှုပ်ရှားလာကြသည်။
" စကတ်က ကြည့်ကောင်းပါတယ်။နင်ပြောသလို အရမ်းကြီး ချဲ့ကားထားတာမျိုး မဟုတ်ပါဘူး "ရှန်းရှောင်ယွဲ့သည် ယွီသုံ၏စကတ်ကိုကြည့်ကာ မှတ်ချက်ပေးလေသည်။
" ဒါပေမယ့်လည်း နာမည်ကျော်ကြယ်ပွင့်တွေကြားထဲမှာ ဒီဟာကြီးက နည်းနည်းခမ်းနားလွန်းနေတယ်လို့ နင်မထင်ဘူးလား? "ယွီသုံ သူမကိုယ်သူမညွှန်ပြကာ ပြောလိုက်သည်။
STAI LEGGENDO
Rebirth on the Doors to the Civil Affairs Bureau(ဘာသာပြန်)
Storie d'amoreI don't own this story and all credit to the author(s) and english translator(s)!!!
Chapter 37
Comincia dall'inizio
