[Unicode]
- ဝံပုလွေ နှင့် ကျား -မီးဖိုမှ ကျောက်မီးသွေးမီးများသည် ခန်းမထဲတွင်
အရှိန်တညီးညီး တောက်လောင်လို့ နေပြီး၊ ခန်းမ
တစ်ခုလုံးအား အနွေးဓာတ်ပေးစွမ်းလျက် ရှိသည်။ချန်ယန်သည်ကား တစ်နာရီထက်မနည်း ဒူးထောက်
လို့ နေခဲ့သည့်တိုင်၊ ရှောင်းချီရယ်မှာ ရှေ့ဆုံးမှ နေ၍
ထိုင်ခုံပေါ်တွင် ထိုင်းလျက် စစ်ဗျူဟာကျမ်းအား ကြည့်ရှုမပျက်ချေ။တော်ဝင်စစ်တပ်၏ စစ်သည်များသည်လည်း ခန်းမ
၏ အပြင်ဘက်၌ ဒူးထောက်လို့ နေကာ အသံတစ်
ချက်ပင် မထွက်ဝံ့ကြပေ။ ခြံဝင်းကြီးတစ်ခုလုံးကား
တိတ်ဆိတ်လို့နေသည်မှာ ခြောက်ခြားဖွယ်အတိဖြင့်။'စစ်သူကြီးတစ်ယောက်သည် ဂုဏ်သိက္ခာဟူသော
စကားလုံးကို သူ၏ နှုတ်မှ ထည့်မပြောမီကတည်း
က သူကိုယ်တိုင် လူအများ၏ လေးစားမှုကို ခံရ
အောင် ဦးစွာပြုမူနေထိုင်သင့်၏'ဟူသော စကား
ပုံနှင့်အညီ၊ ရှောင်းချီရယ်သည်ကား ဤတော်ဝင်
စစ်တပ်အား စတင်ပြီး တာဝန်ယူအုပ်ချုပ်ရသည့်
အချိန်မှစ၍ ငါးနှစ်တာ ကာလပတ်လုံး သူ၏ ခွန်
အားနှင့် အာဏာကို ပြသနေခဲ့ခြင်းဖြစ်၏။ဤသူရဲကောင်းတစ်သိုက်အတွက် ရှောင်းချီရယ် လို
ချင်သော အရာသည် အကြွင်းမဲ့အာဏာပင် ဖြစ်ပြီး၊ ငါးနှစ်လုံးလုံး သူဟာ ဆုပေး၊ ဒဏ်ပေးစနစ်ကို မျှတ
စွာ ကျင့်သုံးခဲ့သူဖြစ်သည်။ သူကား တော်ဝင်စစ်တပ်
နှင့်ပတ်သတ်ပြီး ငွေများ ပေးချေစရာရှိလျှင် မတွန့်
တိုဘဲ ရက်ရက်ရောရော ပေးလေ့ရှိသည်သာမက၊
လိုအပ်သောနေရာများကို ပြန်လည်ပြင်ဆင်ရာတွင်
လည်း ငွေများစွာသုံးစွဲတတ်၏။ သို့သည်းတိုင်
ရှောင်းချီရယ်သည်ကား သူ၏ တပ်သားများအပေါ်
တွင် ပေးကမ်းစွန့်ကြဲတတ်သလောက်၊ သူ၏အပေါ်
ခြုံထည်မှာမူ လွန်ခဲ့သည့်သုံးနှစ်တုန်းက သူ၏ မရီး
တော် ပို့ပေးလိုက်သည့်အတိုင်း ယခုအချိန်ထိတိုင်
အောင် အပြောင်းအလဲမရှိသေးပေ ။ဆောင်းဦးအမဲလိုက်ပွဲသည် တော်ဝင်စစ်တပ်အား
လူဘုံအလယ်၌ ခေါင်းကို မော့၍ ရင်ကို ကော့ကာ
သွားလာနိုင်အောင် စွမ်းဆောင်ပေးလိုက်သကဲ့သို့ပင်၊ ဟိုယခင်က ဂုဏ်ကျက်သရေအတိဖြင့် ထင်ပေါ်
ကျော်ကြားခဲ့သော မဟာလေ့ကျင့်ရေးဌာန(၈)ခု
သည် ယခုအခါ၌ တော်ဝင်စစ်တပ်၏ ထင်ပေါ်
ကျော်ကြားမှုအောက်တွင် လောင်းရိပ်မိသွားတော့
သည်။သို့ဖြစ်ပါ၍ ဟိုယခင်က မဟာလေ့ကျင့်ရေး
ဌာန(၈)ခု၏ ရှေ့တွင် အမြဲတစေ နှိမ့်ချ၍ နေခဲ့ရ
သော တော်ဝင်စစ်တပ်သည် ယခုအခါ၌ ထိုဌာန
(၈)ခုကို ပြန်လည်၍ ဩဇာပြနိုင်ပြီ ဖြစ်သည် ။
သည်နေ့၊ သည်အချိန်၌ တော်ဝင်စစ်တပ်ဟာ သူ
တို့စိတ်ကြိုက်ပြုမူနိုင်သော စစ်တပ်တစ်တပ် ဖြစ်
လို့နေသည်ပင် မဟုတ်ပါလော။
YOU ARE READING
"ချစ်ရသူအတွက် ဝိုင်တစ်ခွက်"「 မြန်မာဘာသာပြန် 」
Historical FictionTitle - Qiang Jin Jiu 「将进酒」 Author - Tang Jiuqing 「t97」 Status In COO - 282「Completed」 Completely Translated - Not Yet 「Ongoing」 ✓Both Zawgyi & Unicode . ^Abstract^ "ကံကြမ္မာက ငါ့တစ်ဘဝလုံးကို ဒီမှာပဲ ခ...