" ဒါရိုက်တာဝမ်...ဒါရိုက်တာလော့က ဒီမှာရှိလား?သူတောင်းဆိုထားတဲ့ အသံသွင်းနမူနာပုံစံကို ကျွန်မယူလာခဲ့တယ် "ဒါရိုက်တာလော့၏ အသံသွင်းမှုအတွက် လိုအပ်သည့်စံနှုန်းထားမှာ မြင့်မားလှသောကြောင့် စာချုပ်ချုပ်ဆိုပြီးသော်ငြားလည်း ဒါရိုက်တာလော့သည် အသံသွင်းလုပ်ငန်း၌ အတင်းအကျပ် ကြီးကြပ်ညွှန်ကြားဆဲဖြစ်ပြီး ယနေ့နမူနာများကို တောင်းဆိုခဲ့သည်။
" ဒါရိုက်တာလော့က ဘေးကပ်ရပ်အခန်းက ရိုက်ကွင်းဆီသွားနေတယ် "
" ဒါဆို ကျွန်မ သူ့ကို ဒီမှာစောင့်ရမလား? "
" ဒါရိုက်တာလော့က တော်တော်နဲ့ပြန်လာမှာ မဟုတ်လောက်ဘူးနော် "ထိုသို့ပြောပြီး ဒါရိုက်တာဝမ်က ခေါင်းခါရမ်းကာ ရယ်လေသည်။" ဘေးကပ်ရပ်ကရိုက်ကွင်းက ဒါရိုက်တာကျောက်ရဲ့ရိုက်ကွင်းဆိုတော့ သူတို့နှစ်ယောက်တွေ့တိုင်း စကားပြောရင် နာရီနဲ့ချီပြီး ကြာတတ်တယ် "
" အဲ့ဒီလိုလား?ဒါဆို ကျွန်မကပဲ သူ့ကို သွားတွေ့လိုက်လို့ရမလား? "
" ရတာပေါ့...မင်းသွားချင်ရင် ဒါလေးအပြီးသတ်ပြီးတော့ လိုက်ပို့ပေးမယ်လေ "
အလုပ်ရှုပ်နေသည့် ထိုသူကိုကြည့်ကာ သူမပြန်ပြောလိုက်သည်။
" မဟုတ်ဘူး...ကျွန်မ ရှင့်ကို ဒုက္ခမပေးတော့ပါဘူး။ကိုယ့်ဘာသာပဲ သွားလိုက်ပါမယ် "" ကောင်းပြီလေ...ဒါဆိုလည်း ဂရုစိုက်သွားနော် "ဒါရိုက်တာဝမ်က သူမကို သတိပေးလေသည်။
" ဟင်? "သူမ ပဟေဠိဖြစ်သွားသည်။ဘာလို့ ဂရုစိုက်ဖို့ လိုလို့လည်း?
" ဒါရိုက်တာကျောက်က စုံထောက်ဇာတ်လမ်းတွဲရိုက်နေတာ။အဲ့တာကြောင့် ရက်စက်တဲ့လူသတ်သမားဇာတ်ကောင်တွေ ပေါ်လာတဲ့ပုံကို ထင်ပေါ်အောင် ရိုက်ပြရတာဆိုတော့ ပစ်ခတ်တဲ့ရိုက်ကွင်းတွေကို ပီပြင်အောင်လုပ်ထားရတာတွေရှိတယ်လေ။တချို့အမျိုးသမီးဝန်ထမ်းတွေတောင် ကြောက်လန့်ကြတယ် "
" အော်...ကျွန်မသဘောပေါက်ပါပြီ...ဂရုစိုက်ပြီး သွားလိုက်ပါ့မယ်...ကျေးဇူးပါ "
ရိုက်ကွင်းသည် ဘေးချင်းကပ်ရပ်ဖြစ်သော်လည်း အနည်းငယ်ကွာဝေးသောကြောင့် သူမ ၁၀မိနစ်ခန့် လမ်းလျှောက်ပြီးမှ ရောက်သွားလေသည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
Chapter 27
Start from the beginning