သူ၏အပြုအမူကြောင့် ယွီသုံမှင်သက်သွားရသည်။
" ဒီလိုဆိုရင် မအေးတော့ဘူးမလား? "
ယွီသုံ ပြုံးပြလိုက်သည်။
" နှင်းတွေကျနေပြီ...မြန်မြန်လာ "
လူသွားလမ်းတစ်လျှောက် တဖွဲဖွဲကျဆင်းနေသည့် နှင်းများအကြား၌ လက်ဖဝါးချင်းဆုပ်ကိုင်ကာ လျှောက်လှမ်းလာရသည်မှာ ယွီသုံအဖို့ ရုတ်တရက် ကိုရီးယားဒရာမာဇာတ်လမ်းတွဲထဲသို့ ရောက်သွားသလို ပင်...
" ဂရုစိုက်ပါကွာ! "
ထိုစဉ် နှင်းများကြောင့် သူမ ခြေချော်သွားသည့်အခါ ရှဖန်က အလျင်အမြန်ဖမ်းဆွဲလိုက်၏။" ဘာလို့ ကြည့်မလျှောက်တာလည်း? "
" ရှင်က ကျွန်မကို ဦးဆောင်ပြီးခေါ်သွားပေးနေတာပဲ မဟုတ်ဘူးလား? "
ရှဖန်စိတ်ထဲ၌ ပျော်ရွှင်သလို ခံစားသွားရပြီး သူမ၏လက်ကို အိတ်ထောင်ထဲသို့ ပြန်ဆွဲထည့်လိုက်သည်။" ဟုတ်တာပေါ့...ကိုယ်မှားသွားတယ် "
"ဒါနဲ့ သိပ်မကြာခင်တုန်းက ရှောင်ယွဲ့နဲ့ရှင်းရှင်းက ဆေးရုံမှာ ရှင်နဲ့တွေ့ခဲ့တယ်လို့ ပြောတယ် "
" သူတို့ကပြောတာလား? "
" အင်း...သူတို့ တံခါးအပြင်ရောက်တဲ့အထိကို ရှင်ကကူညီပေးလိုက်တယ်လို့ ရှင်းရှင်းက ပြောနေခဲ့တာ "
" တံခါးအပြင်ရောက်ထိတော့ မဟုတ်ပါဘူးကွာ။ကိုယ့်အသိတစ်ယောက်ရဲ့ နေ့လည်စာစားချိန်ကို ခဏရွှေ့ခိုင်းလိုက်ပြီးတော့ သူတို့ကို ကော်ဖီတစ်ခွက်စီပဲ ဝယ်တိုက်လိုက်တာပါ "
" ကော်ဖီတစ်ခွက်ကတော့ တန်ပါတယ် "
" ဘာလို့လည်း? "
" ရှောင်ယွဲ့နဲ့ရှင်းရှင်းက ကျွန်မရဲ့အချစ်ဆုံးသူငယ်ချင်းတွေလေ။ကျွန်မတို့ရဲ့အကြောင်းကြားပြီးတော့ သူတို့က ရှင်နဲ့တွေ့ချင်လို့ အမြဲတမ်းပြောနေခဲ့ကြတာ "
" အဲ့တာကြောင့်ပဲ ကိုယ်သွားပြီးတော့ အမှတ်ကောင်းရအောင် လုပ်ခဲ့တာလေ "ရှဖန်က မျက်စိတစ်ဖက်မှိတ်ပြကာ ပြောလိုက်၏။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
Chapter 25
Start from the beginning
