Rebirth on the Doors to the Civil Affairs Bureau(ဘာသာပြန်)

BINABASA MO ANG

Romance

I don't own this story and all credit to the author(s) and english translator(s)!!!

#beautifulfemallead #handsomemalelead #heartwarming #marriageofconvenience #modernday #normal #rebirth #slowromance #timetravel #translation

Chapter 8.1

Magsimula sa umpisa

ni _Ccally_

‌ယမန်နေ့က ယွီသုံတစ်ယောက် အသံလွှင့်ရုံမှ ထွက်လာခဲ့ချိန်၌ နှစ်မိနစ်ခန့်နောက်ကျသွားသည်။ထို့ကြောင့် ဘတ်စ်ကားနှင့်လွဲသွားပြီဟု သူမ တွေးထင်ထားသော်လည်း ဂိတ်ပေါက်ဝကို ဖြတ်လာခဲ့သည့်အခါ၌ သူမနှင့်ဆန့်ကျင်ဘက် လမ်းတစ်ဖက်တွင် ဘတ်စ်ကားရပ်ထားသည်ကို မြင်လိုက်ရပြီး ဒါရိုင်ဘာက သူမအား လက်ဝှေ့ရမ်းပြနေလေသည်။ယခု ယွီသုံ၏ခံစားချက်သည် သူမကိုင်ထားသည့် ကော်ဖီပူပူကဲ့သို့ ‌နွေးထွေးနေလေ၏။

" ကော်ဖီ...ငါ့ကို အိပ်မပျော်အောင် တားပေးနိုင်တဲ့ ပစ္စည်းလေး! "

ညဘက်၌‌မောင်းနှင်သည့် ဘတ်စ်ကားများသည် အမြဲ‌လိုပင် အလျင်မြန်မောင်း‌လေ့ရှိကြသည်။တစ်ခါတစ်ရံ၌ ဒါရိုက်ဘာများသည် ကားမှတ်တိုင်တွင် မည်သူကိုမှ မမြင်သည့်အခါ၌ မရပ်တော့ဘဲ ဆက်လက်‌မောင်းနှင်‌လေ့ရှိသည်။အခါအား‌လျော်စွာမှသာ ညဆိုင်းကျသည့်လူအချို့က ဘတ်စ်ကားစီးလေ့ရှိသည်။

သူမတို့ ကားမှတ်တိုင်နှစ်ခုဖြတ်လာပြီးသည့်နောက် ကားတံခါးပွင့်လာပြီး အနောက်တိုင်းဝတ်စုံဝတ်ဆင်ထားသည့် အသက်အလတ်ပိုင်းအမျိုးသားတစ်ယောက် ကားပေါ်သို့ တက်လာခဲ့သည်။ထိုသူ၏‌ခြေလှမ်းများသည် ယွီသုံထိုင်နေသည့် ထိုင်ခုံနောက်သို့ ယိမ်းယိုင်လာပြီး ၎င်းဆီမှ ဆေးလိပ်နံ့နှင့်ဝိုင်အနံ့များကလည်း ပြင်းပြင်းထန်ထန်ထွက်ပေါ်‌နေ‌လေ၏။

ထိုသူသည် သူမ၏အနီး၌ ထိုင်နေသောကြောင့်‌ ‌ဆေးလိပ်နံ့များက သူမအား မွန်းကျပ်လာ‌စေသည့်အပြင် ဝိုင်အနံ့ပြင်းပြင်းတို့ကိုပါ အပြင်သို့ပျံ့နှံ့သွားစေရန် ရည်ရွယ်ကာ ယွီသုံ ပြတင်းပေါက်ကို တိတ်တဆိတ်ဖွင့်လိုက်‌သော်လည်း မိနစ်အနည်းငယ်ကြာပြီးသည့်နောက် ထိုင်ခုံပြောင်းထိုင်ရန်သာ ဆုံးဖြတ်လိုက်‌တော့သည်။

ထို့ကြောင့် ယွီသုံလည်း ထိုင်ခုံမှထရန် ကြိုးပမ်းလိုက်သည့်အခိုက် သူမ၏အဝတ်များကို တစ်စုံတစ်ရာမှ ဆွဲထားသည်ဟု ခံစားလိုက်ရသဖြင့် လှည့်ကြည့်လိုက်မိသည့်အခါ သူမ၏ခြုံတဘက်ပေါ်တွင် ပင်ပန်းနွမ်းနယ်ဟန်ဖြင့် ယိုင်ကျ၍ အိပ်ပျော်နေသည့် ထိုအမျိုးသားကို ‌တွေ့လိုက်ရသည်။

ယွီသုံလည ထိုအမျိုးသား အိပ်ပျော်နေသည်ကို မနှိုးချင်သော‌ကြောင့် သူမ၏ခြုံတဘက်အား ထားပစ်ခဲ့၍ ဘတ်စ်ကားတစ်ဖက်သို့ သွားထိုင်လိုက်သည်။