ယွီသုံက သူမအားဂရုစိုက်ပေးသည်ထက် သားဖြစ်သူကိုဂရုစိုက်ပေးသည်က မာမားရှအနေနှင့် ပို၍ကျေနပ်ရသည်။
" အိမ်မှာအနားယူရတာက ပိုကောင်းတာကို ဟိုင်နန်က ဗီလာအထိ ဘာလို့ သွားစရာလိုလို့လည်း?ငါတို့က အရမ်းချမ်းသာတာလည်း မဟုတ်ဘဲနဲ့ ဘာလို့ ပိုက်ဆံဖြုန်းပြီးတော့ ဟိုင်နန်မှာ နှစ်ဝက်လောက် သွားနေရမှာလည်း? "မာမားရှက ညည်းညူကာပြောလေသည်။
" အမေ ပြန်ပြီးနာလန်ထဖို့အတွက် ဟိုင်နန်က ရာသီဥတုက ပိုပြီးတော့ သင့်တော်တယ်ဗျ "
" ငါတို့သားက သူ့ကိုပြုစုပျိုးထောင်ပေးခဲ့တဲ့ မိဘတွေအတွက် ပိုက်ဆံသုံးတာက ဘာမှားနေလို့လည်း? "ပါပါးရှကမူ မိဘနှစ်ပါးအား အတူတကွအချိန်ကုန်ဆုံးရန် စီစဉ်ပေးထားသည်ကို သဘောတူသည့်အနေဖြင့် ပျော်ရွှင်ကျေနပ်စွာပြောလာလေသည်။
" ရှင်က ဘာသိလို့လည်း...ကျွန်မတို့သားက အခုလက်ထပ်ပြီးပြီလေ "ထို့နောက် မာမားရှက ယွီသုံလက်ကိုဆွဲယူကာ ပြောလာခဲ့သည်။" ယွီသုံ...ယွီသုံ...နောက်ကျရင် ရှဖန်ကို သမီးဆီ ပိုက်ဆံအပ်ခိုင်းနော်။မိန်းမတွေကပဲ ငွေရေးကြေးရေးကို စီမံခန့်ခွဲသင့်တာ "
" အန်တီ...ပိုက်ဆံက သမီးကိုင်တာပါ။ဗီလာအတွက်လည်း သမီးပဲဆုံးဖြတ်လိုက်တာ "ယွီသုံက မာမားရှကို ပြောပြလိုက်သည်။
" အမေ ပြောတာကို အဆုံးထိနားထောင်ပါဦးကွယ်။သမီးတို့က လက်ထပ်ပွဲမလုပ်ရသေးပေမယ့် လက်ထပ်မှတ်ပုံတင်ပြီးသားပဲလေ။ သမီးယောက်ျားကို ဘယ်အချိန်မှ စည်းကမ်းတင်းကျပ်မှာလည်း? "
ရှဖန်ကိုကြည့်လိုက်သည့်အခါတွင်လည်း ၎င်းသည်လည်း သူမနည်းတူ မှင်သက်နေလေ၏။" အမေ ဘာတွေပြောနေတာလည်း?ကျွန်တော့်တို့အတွက် အန်ပေါင်းတောင် ပြင်မလားဘူးလား? "
" ပြင်မလာဘူးလို့ ဘယ်သူကပြောတာလည်း? "ထိုသို့ပြောပြီးသည့်နောက် မာမားရှသည် အိတ်ကပ်ထဲမှ စာအိတ်နှစ်ခုထုတ်လိုက်ပြီး ယွီသုံအား ပေးလိုက်လေသည်။
ရှဖန်လည်း ယ်ွီသုံအား ကသိကအောက်ဖြစ်စွာဖြင့် ကြည့်လိုက်သော်လည်း ဘာမှမပြောလိုက်ပေ။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
Chapter 7.2
Start from the beginning
