" ငါ...နင့်ကို ဘာလုပ်လို့လည်း? "ရှန်းရှောင်ယွဲ့ ရှုပ်ထွေးသွားသည်။
" ငါ့ကိုပစ်ထားခဲ့တဲ့ ဒီလိုဆန်ကုန်မြေလေးကောင်နဲ့ အလုပ်တူတူလုပ်စေချင်နေတာလား?နင် ငါ့ကို တမင်တကာ နာကျင်အောင်လုပ်နေတာလား? "
ယွီသုံ၏စကားများကြောင့် ရှောင်ယွဲ့အနေဖြင့် ပို၍ပင်ရှုပ်ထွေးလာခဲ့သည်။ထို့ကြောင့် သူမလည်း ဆိုးဝါးသည့်အမူအရာဖြင့် ထိုင်နေသည့် ဖန်းဟွာကိုကြည့်ကာ မေးလိုက်သည်။" နင်တို့နှစ်ယောက်က ပြတ်သွားကြပြီလား? "
" ယွီသုံ ဒီကိစ္စကို အပြင်မှာပဲ ပြောကြရအောင် "ဖန်းဟွာအနေဖြင့် ထိုသို့သောကိစ္စမျိုးကို အပြင်လူများ၏ရှေ့၌ မပြောချင်ပေ။
" ဟားဟား! "ယွီသုံလည်း ဖန်းဟွာအား ပျက်ရယ်ပြုကာ လှမ်းကြည့်လိုက်သည်။
ရှန်းရှောင်ယွဲ့ကမူ သူမတို့နှစ်ယောက်ကြားထဲမှ ထသွားရမလို၊
ထိုင်ရမလိုဖြစ်နေလေသည်။၎င်းတို့နှစ်ယောက် ရန်ဖြစ်နေပုံပေါ်နေသော်လည်း သူမ မယုံကြည်နိုင်ပေ။" နင်တို့နှစ်ယောက်က တကယ် ကြီးပြတ်သွားကြတာလား?ငါက နင်တို့နှစ်ယောက် လက်ထပ်ပြီးပြီထင်နေတာ "" ဟုတ်တယ်...ငါကတော့ အိမ်ထောင်စုစာအုပ်တွေ အကုန်ယူပြီးတော့ သွားပေမယ့် သူက လမ်းခွဲကြေးအနေနဲ့ ယွမ်၁သောင်းပေးပြီးတော့ ပြည်သူ့ရေးရာဗျုရိုရှေ့မှာ ငါ့ကို စွန့်ပစ်ခဲ့တယ်လေ "ယွီသုံ၏အမူအရာတွင် ဝမ်းနည်းမူများမရှိသော်လည်း ပျက်ရယ်ပြုခြင်းများသည် အပြည့်ပင်ဖြစ်သည်။
" ဆန်ကုန်မြေလေးကောင်! "
" လူယုတ်မာ! "
အသံနှစ်သံထွက်ပေါ်လာပြီးသည့်နောက် ချစ်စရာကောင်းသည့်ကောင်မလေးနှင့် ရှန်းရှောင်ယွဲ့တို့ တစ်ယောက်ကိုတစ်ယောက် ကြည့်လိုက်ကြသည်။
" ယွီသုံ! "ဖန်းဟွာ၏မျက်နှာမှာမူ ရှုံ့မဲ့နေလေ၏။
" ဘာလည်း?ကျွန်မကို ရှင့်ပိုက်ဆံတွေပြန်ပေးဖို့ ပြောမလို့လား? " ယွီသုံလည်း ထိုသို့ပြောပြီး လှောင်ကာ ရယ်လိုက်သည်။
" မင်းတို့ထင်နေသလို မဟုတ်ဘူး "ဖန်းဟွာက ရှန်းရှောင်ယွဲ့အား အပြေးအလွှားရှင်းပြလေသည်။
![](https://img.wattpad.com/cover/278747095-288-k737801.jpg)
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
Chapter 5.2
Start from the beginning