I'm Born as an Eryndor! (Season 1&2)

Chapter 2

Iginala ko ang aking paningin sa paligid. Nasa isang malapad na kuwarto na kami. Kalong-kalong pa rin ako ng Emperador, habang ang isang binatilyo at dalawang bata ay pirmi na nakaupo sa tapat namin. May isang butler na abala sa paghahanda ng tsaa habang ang mga maid naman ay nasa isang gilid, nakayuko at naghihintay kung may ipag-uutos. Napagtanto ko na tea room pala ang lugar na ito. Kahit na malapad ang silid na ito ay marami paring kasangkapan dito sa loob tulad ng mga bookshelf na may libro, cabinet na may mga kurbyertos, Sunod kong ginawa ay tumingala ako. Tumambad sa akin ang mamahalin at malaking chandelier na nakakatawag pansin ang pagkadisensyo nito. Nakuha din ng aking atensyon ang malaking bintana na nasa tapat ko lang din. Mula dito ay tanaw ang nakakahalinang hardin ng Palasyo. Wow, ngayon ko lang nakita ito. Kumsabagay, all this time nasa kuwarto lang ako. Nagpapakasawa sa mga uninterested toys, at mga story book na gasgas na. Pero okay lang din na isinama ako sa mga ganito para na din may bago sa paningin ko.

"Papaano pala si Rini, kamahalan? Ano iinumin niya? Hindi pa siya pupwede uminom ng tsaa." ang bunsong lalaki sa kanila. Wait, ano nga ulit ang pangalan niya?

Imbis sagutin ni Vencel ang tanong ng anak niya ay bumaling siya sa isa sa mga maid. Sa loob-loob ko ay mapapangiwi nalang ako. Logic, man. Logic! Masyado pa nga talaga akong bata para sa tsaa!

Lumapit si Nesta saka may inabot siya sa Emperador. Bote ng gatas! Tahimik na tinanggap niya 'yon saka inabot niya ito sa akin pero naroon pa rin ang pag-alalay. Hays, no choice na nga ako! Tinanggap ko nalang ang gatas saka ininom ko ito sa harap nila. Pero ang weird lang dahil namilog ang mga mata ng mga kapatid ko (daw) sa kanilang nakikita. Hellooo? Ngayon lang ba kayo nakakita ng batang umiinom ng gatas? Hindi niya ba naranasan ito? My goodness!

"Masyado siyang maliit." biglang sabi ng isa sa mga prinsipe. Bumaling kami sa kaniya. Prente siyang umiinom ng tsaa. Sa pagkakatanda ko, Eomund ang tawag sa kaniya. "Hindi ko inaakala na ganyan pala siya kaliit kaysa sa inaasahan ko." pormal pa niyang pahayag.

"Tama ka, Eomund!" bulalas ng bunsong lalaki na katabi lang namin ni Vencel. Bumaling siya sa amin na galak na galak. Marahan at maingat niyang hinawakan ang kamay ko. "Tingnan mo, ang liit ng kamay niya. Nakakatuwa..." tumingin siya nang diretso sa aking mga mata. "Kamusta ka, Prinsesa Rini? Ako si Cederic..." pakilala niya habang nilalaro-laro niya ang aking kamay na animo'y tuwang tuwa siya.

Ah, so his name is Cederic. Cederic Eryndor. Now I know. Haayys, it's a shame I couldn't speak yet. Nakakainis. Gustong gusto ko nang dumaldal!

Anyway, tumingin naman ako sa first prince na tahimik na umiinom ng tsaa. Eh, parang pareho lang sila ng personality ng second prince. Oo nga pala, hindi ko pa pala alam ang pangalan ng isang ito.

Tahimik niyang inilapag ang tasa sa mesa. Pormal siyang tumingin kay Vencel na kasalukuyang humihigop ito ng inumin. Pakurap-kurap lang akong nanonood at nakikinig sa pinag-uusapan nila. "Siya nga po pala, Kamahalan..." panimula niya. "Ano po pala ang balak ninyong gawin sa katabing bansa? Kahit anong gawin natin ay ayaw nilang sumuko."

Bago man sumagot ang Emperador ay inilapag din niya ang tasa sa mesa. Isang blangkong ekspresyon sa mukha ang ibinigay niya sa first prince. "Kung ayaw nilang tumigil sa kanilang hinain ay wala na akong magagawa kungdi gamitan sila ng dahas. Wala rin akong pakialam kung lumubo man ang rebelde laban sa Imperyo."

Tyrant na tyrant ang dating talaga ng mag-amang ito.

Huh? So usapang politika pala ang ganap dito? Hays, as usual. Ano pa bang aasahan ko? Wala naman ako sa modern times na pupwede pag-usapan ang mga random na bagay. Well, hindi na ako ordinaryong tao sa mundong ito. Isa na ako sa mga anak ng Emperador. But, is it appropriate to talk about that matter? Kumsabagay, hindi nila na alam na naiitindihan ko sila mula dito since my mind is already thirty years old!