The Virgin's First Night 4: The 13 Hell Shots

Chapter 22

Chapter 22

Nagising ako mula sa isang bangungot. Napalikwas ako ng upo ng mapansin na nasa mansiyon na ako tinignan ko ang sarili ko at nakasuot na ako ng ternong panjamas. Naramdaman ko yung pag-iinit ng mga mata ko at pagsakit ng mga luha ko. Hinawakan ko ang suot kong damit at mahigpit iyong hinawakan hanggang sa magbalik lahat ng ala-ala na animo isang flashback. Napahikbi na lamang ako ng maalala ang pambababoy sakin ni Ambrose! Walanghiya ka Ambrose! Pinagkatiwalaan pa naman kita. Agad akong tumayo sa kama at pumunta sa banyo at tumutok sa shower, habang umiiyak ay hinilod ko ng hinilod yung leeg ko mga braso habang hindi pa rin hinuhubad ang mga saplot ko.

"Kadiri! Kadiri ka Ambrose!!" patuloy pa din ako sa paghihilod ng katawan ko hanggang sa magasgasan na ang balat ko. Kung yun lang ang paraan para makalimutan ko lahat ng ginawa sakin ni Ambrose. Napaupo na lang ako sa sahig dahil napahagulgol na lamang ako ng husto. Bakit napakahina ko ngayon? Bakit kailangan kong magkaganito? Idinukmo ko na lamang ang ulo ko sa tuhod ko habang patuloy pa din ang pag-agos ng mga luha ko.

"Kadiri!! Ang dumi dumi ko!!" sigaw ko pa. Pakiramdam ko ay mawawalan na naman ako ng malay ngunit narinig ko ang pagbukas ng pinto ng banyo at humahangos na yumakap siya sa akin. Napahagulgol na lamang ako sa balikat niya habang pilit niya kong pinapakalma.

"Gago siya Papa!! Tinarantado niya ko!! Kadiri!!" sigaw ko pa habang umiiyak pa din sa balikat niya. Pareho na kaming basa kaya naman kinarga na niya ako at iniupo sa kama. Patuloy pa din ako sa pag-iyak ng lumapit siya sa akin at ibinalot niya ako sa kumot.

"Sisiguraduhin ko Jackie na pagbabayaran ni Ambrose Tan ang ginawa niya sa iyo. Pagbabayaran ng hayup na yun ang pagtatangkang pag-rape sayo!" isinandal ko na lamang ang ulo ko sa kanyang balikat ng mapansin na naikuyom na niya ang kanyang mga kamao. Napapikit na lamang ako. Naalala ko na naman yung galit sa mga mata ni Stanley, kung gaano niya kinamumuhian at pinandidirihan sa isang bagay na hindi ko naman ginusto. Sa halip na maawa sakin ay tinalikuran niya ko. Tanginang pag-ibig yan!! Napaiyak na naman akong muli sa isiping iyon.

"Hush darling. Ano ba talagang nangyari noong araw na iyon? Nagpapasalamat pa din ako na hindi niya naituloy ang balak niya at dumating ako sa tamang oras. Hindi ko mapapatawad ang sarili ko kung nahuli man ako ng dating Jackie." umiling lang ako at sumandal ulit sa kanyang balikat. Ang balikat na alam kong poprotekta sa akin. Sana ikaw na lang siya Stan.

Kahit na masakit ay paulit-ulit pa ring bumabalik sa ala-ala ko kung ano ang nangyari noong araw na iyon.

"ANO BA AMBROSEEEE!! TULONG!! TULONG!!" sigaw ko habang pilit siyang inilalayo sa akin. Nagpapasalamat ako na nasa bulsa ko ang cellphone ko bahalana kung kanino sa speed dial ang matatawagan ko. Halos mapaiyak ako ng husto ng haltakin niya ang suot kong blouse at halikan ang dibdib ko. Oh no!! Tulungan niyo ko!!

"Wag ka ng mag-inarte pa Jackie! Paliligayahin naman kita!! Ibibigay ko sayo ang hindi nabibigay ni Stan!!" hayok nitong sabi. Pababa pa ng pababa ang kanyang mga kamay. Putangina!!! Hindi ko hahayaan na ma-rape ako ng ulol na 'to. Kinagat ko siya kamay kaya naman napasigaw siya ngunit halos mawalan ako ng malay ng umigkas ang kamay niya sa pisngi ko.

"Tangina mong babae ka ah!" pinilit kong magising kahit na hilong-hilo na ako. Muli sana niya akong sasampalin ng kapwa kami nagulat sa pagkalampag sa pintuan agad kong kinuha ang oportunidad na iyon upang tadyakan siya sa ibaba nito. Nagmamadali akong tumayo at kinuha ang folder ng 13 Hell Shots.

"Ambrose!! Hayup ka buksan mo 'tong pinto! Jackie! Jackie!" rinig kong sigaw ni Papa mula sa labas ng pinto. Patakbo na sana akong lalabas ng pinto ng pigilan niya ang paa ko.