He's My Cousin!

[Ch.8] Coffee Shop

[Ch.8] Coffee Shop

// Ayanna’s Point of View

“Si Scarlet, siya yun, hindi ba?”

May ilang sigundo rin siyang nakatayo sa pwestong iyon, walang kibo. Matapos yun ay lumapit siya sa akin at inilevel yung mukha niya sa mukha ko. Tinignan ko lamang siya ngunit hindi ko mabatid kung anong emosyon ang nais ipahiwatig ng mga mata niya. Hindi ko mawari—tama ba ako? Si Scarlet nga ba?

“Hindi, hindi ako pumapatol sa bata, Aya,” at ginulo niya yung buhok ko.

“Grabe naman, bata talaga? Parang 6 years old lang? Eh bakit kasi ganun siya sayo?” tanong ko sa kanya nang ma-absorb ko na kung ano ang sinabi niya. There’s something between the two of them, nasesense ko lang.

“Nah.” Ang cute niya sa tuwing sinasabi niya yan.

“Pero what’s with the both of you? If she’s not your ex then maybe... siya yung present mo?!” I concluded. Possible naman yun diba? Hindi naman siguro basta-basta lang yung connection between the two of them, para kasing ang close nila.

“Absolutely not,” sagot niya. Ang iksi rin sumagot neto eh, I wonder kung tatagal kami mag-usap nito ng isang oras. Hindi ata uubra yung kadaldalan ko rito eh.

“Eh ano mo nga kasi siya?” pangungulit ko sa kanya.

“Uhm.. a friend? I don’t know.” Nakakainis naman ‘to! Hindi man lang maggawang magshare.

“May aayusin lang ako sa kwarto ko. We’ll talk later,” sabi ni kuya at umalis na siya sa Family Room.

Mag-uusap daw kami mamaya? Magkekwento siya? Yes!

Gusto ko lang namang mas makilala si kuya. Natutuwa kasi ako sa personality niya though minsan ang kulit niya. Pero I like his personality in terms of pagiging matalino niya, kahit kasi hindi ko alam yung background niya.. feeling ko may substance siya kausap kahit na ang boring minsan. Ok, ang gulo ng sinasabi ko. Pero yung kay Ian, yung ‘sincerity’, basta na-amazed ako sa kanya nun. Tapos lagi pa siyang nakangiti, nahahawa ako sa ngiti niya. Though at times naabutan kong parang malungkot siya, that’s why I want to know him more. Pinapasaya niya ako in simple things that he’s doing for me, of course, I want to do the same for him.

Calling... Ellatot. Aalis na sana ako sa room na iyon nang mag-ring yung phone ko.

Si Ella pala. Ano kayang trip netong babaeng ‘to? Aba minsan lang yan magsayang ng load para tawagan ako.

“Ella!”

“Oy Ayanna, sama ka samin?”

“Hah? Saan?” tanong ko. Saan naman kaya? Don’t tell me magshoshopping na naman sila ni Liz? Naku, hindi ko masyadong hilig yan. Mas gugustuhin ko pang tipirin yung pera ko para ipangkain kesa bumili ng mamahaling mga damit at accessories.

“Mall. Kain lang tska inom tay---“ hindi ko na siya pinatapos. Aba!

“Iinom tayo? Naku Jasmine Mikaella Cortez, hindi maganda yan! Kelan ka pa natutong uminom ng alak ah? Hindi ako bad influence sa’yo, kanino mo natutunan yan hah?!”

“Gaga! Patapusin mo muna kasi ako, saltik ka rin eh noh? Sinabi ko bang alak? Hindi naman diba? Di kasi patapusin eh.” Nahigh-blood naman siya ron.