When Suplado Boy Meets Palaban Girl

Chapter 1 - The New Comer

Tumatakbo na siya ngayon papunta sa classroom nila… “Sana hindi pa ko late…” dasal pa rin niya kahit na sa sarili niya ay alam niyang late na talaga siya. Dapat magpakitang gilas siya dahil ngayon ang  first day niya sa bago niyang school. Yes, bagong school, dahil katatransfer niya lang. Bakit? Mamaya na niya sasabihin, mahabang kwentuhan ‘yun at talagang late na siya.

Tumigil muna siya sandali para siguraduhin na tama ang pinupuntahan niya , bago pa lang siya dito, wag niyong kalimutan, baka mamaya hindi niya mamalayan na naliligaw na pala siya, kanina pa kasi yata siya  nagtatakbo pero hindi pa rin niya  mahanap ang room nila…  Tumakbo na naman siya ulit… Kung bakit parang sinasadya ata ng pagkakataon na malayo ang room nila.

Kung hindi ba naman siya masyadong excited na hindi siya nakatulog nang maayos kagabi kaya tinanghali siya nang gising at ngayon nga ay ganito ang nangyari.  “Sana naman hindi masungit ang teacher sa first period namin… Kung hindi” dasal na naman niya.  Sa sobrang pagmamadali niya ay hindi ko napansin na may kasalubong siya… Kaya naman…

Isang malakas na kalabog ang narinig. Malakas kasi ang pagkakabangga niya kaya tumilapon siya at napaupo sa sahig. “Aray!” malakas na sigaw niya. Hindi pa siya nakatayo agad. Nakaupo pa rin siya sa sahig at tinangala ang taong nakabannga sa kanya.  

Aray ko po... sigaw nang utak niya. Pero hindi ‘yun dahil may masakit sa kanya. Iba ang dahilan. Ang gwapo kasi ng lalaking nakabangga sa kanya Sobra. Napatulala pa siya  sa kinauupuan niya. Saka niya biglang naalala na hindi pa nga pala siya nakakatayo.

“Damn it...” Nanlaki ang mga mata niya at nagising mula sa pagkatulala dahil nagmura ang gwapong lalaki. Mukhang nagalit ata kaya bigla siyang napatayo.

“Sorry, hindi ko sinasadya” sabi niya sa lalaki. Nagpacute pa siya nang sabihin ‘yun para di na magalit ang gwapong lalaki.

“Pwede ba tumingin ka sa dinadaan mo ta huwag kang tatanga-tanga!”  Nanlaki na naman ulit ang mata niya. Halatang nabigla sa pagsigaw at pagtawag sa kanyang tanga nang lalaki.  Pagkatapos ay umalis na lang ito ng walang pasabi. Nakakunot ang noong nasundan na lang niya ito nang tingin. Bigla siyang nainis sa lalaki. Ni hindi man lang kasi nito tinanong kung ayos lang siya. Tumilapon kaya siya, kung hindi niya maalala, higit sa lahat hindi na nga siya nito tinulungan makatayoay  sinigawan pa siya at tinawag na tanga.

“Kapag minamalas ka nga naman.” Bulong niya sa sarili.  Inaamin naman niyang siya ang may kasalanan. Siya ang  nakabangga sa dito. Pero hindi naman ata tama ang ginawa nito. “ Ibang klase din 'yung lalaki 'yun ha. Akala mo naman kung sinong gwapo. Pero gwapo naman talaga siya. Ay ano ba yan kinokontra ko sinasabi ko. Aish… Kahit na, Kahit na siya pa ang pinakagwapong nilalang sa mundo hindi sapat na dahilan 'yun para maging bastos siya. Sama ng ugali.”

Sa waka ay  nakarating na rin siya sa room nila. At tulad nang inaasahan niya,  late na nga siya kaya hindi na siya nagulat pa. Pagpasok niya  sa room nila  ay nilapitan  agad niya ang teacher nila.  Mukhang hindi naman ito galit late siya. Ibinigay  na niya dito ang kanyang  certificate of registration. Matapos tingnan ang kanyang certificate of registration ay inutusan siya nang teacher nila na  magpakilala siya  sa  mga bagong classmates na agad naman niyang sinunod.

Nagbilang muna siya hanggang tatlo bago nagsalita, hindi pa kasi siya gaanong na kakaget over sa pagtakbo niya,  medyo hinihingal pa nga siya. “Hi, I’m Diana Sophia Eliza Torres Alcantara, nice to meet you everyone” 'Yan lang sinabi niya. Wala na kasi siyang ibang maisip na sabihin.

Pagkaupo na pagkaupo pa lang niya sa upuan niya ay nagpakilala na agad sa kanya ang  mga kaklase niyang nakaupo  malapit sa kanya. Sa sobrang excitement nila na makilala ang isa’t-isa ay nakalimutan nilang nasa harap pa ang teacher nila na abala sap ag-lelecture. Mabuti na lang at mukhang sobrang absorbed nito sa pagtuturo kaya hindi sila nito napansin.