Substitute Bride (Editing)

Chapter 7

CHAPTER 7:

The three day conference was blissful. Pagdating namin sa site ay hindi na kami nakapagpahinga. Tuloy-tuloy ang naging activities at tanging sa gabi lang ang nagiging pahinga namin.

Ni hindi kami nakapaglibot dahil puno ang schedule.

At least I got to see the famous lion head. Pero bukod 'dun ay wala na kong nakitang attraction sa Baguio.

Kaya nang makauwi kami Lunes ng gabi ay halos hilahin ko na ang katawan ko sa sobrang kaantukan.

"Are you coming with me, Sam? Sa condo ka na lang ulit matulog." Paanyaya ni Mandy.

She looked tired as well. Hindi ko nga namalayan na nakasunod na pala siya sa'kin.

Umiling ako. "Dito na lang ako. I'm too tired to travel. Mas malapit sa apartment ko."

Hindi naman s'ya nakipagtalo. Nagpaalam na ako at gayun din siya.

Papaliko na ko sa kanto ng apartment nang maaninag ko ang kulay puting kotse na nakaparada sa harap nito. Karamihan sa nakatira sa apartment na tinitirhan ko'y tulad ko ring mahirap.

Bihira magkaroon ng ganitong kagarbong sasakyan dito sa lugar namin. Lumapit ako sa sasakyan at kumunot ang noo ko nang makita ang plaka. Hindi ako pwedeng magkamali. Pagmamay-ari ito ng pamilya ni Troy.

Anong ginagawa nito dito?

At sino ang nasa loob ng sasakyan?

Bumukas ang pintuan sa bandang likod ng sasakyan. Nakita ko sa loob si Troy na prenteng nakaupo. He's in his jogging pants and white v-neck shirt. May cast pa rin siya paa kaya nakuha kong hindi siya ang nagdrive patungo rito.

Ngumiti siya sa'kin.

Kahit gulat ako'y binati ko rin siya. "Anong ginagawi mo dito ng ganitong oras?" nagtatakang tanong ko.

Pumasok ako sa sasakyan dala ang gamit ko. Nawala ang antok ko sa sobrang kuryosidad na namumuo sa ulo ko.

"I just want someone to talk to." Maikling sagot niya.

"Hinintay mo ko para lang may makausap ka? Paano kung hindi pala ko dito umuwi ngayon? Maghihintay ka magdamag sa wala."

Ngumisi lamang siya.

Bumuntong hininga ako. Isinandal ko sa head rest ang ulo ko at patagilid siyang tiningnan. Pinagmamasdan niya lang ako kaya naman nakuha kong mailang sa klase ng titig na ibinibigay niya.

"Ano gusto mong pag-usapan?"

Pumihit siya sa gawi ko. Iniabot niya sa'kin ang kaniyang telepono. "Look at this." Sambit niya.

Binuksan ko namana ng lock screen at bumungad sa'kin ang larawan ng dalawang tao na magkahawak-kamay na naglalakad sa tabing dagat.

Nakangiti ang babae habang pinagmamasdan ang lalaking kahawak-kamay niya. Habang ang lalaki'y mukhang Masaya rin.

"Swipe it."

Isinunod ko ang ikalawang larawan. Halos mapugto ang hininga ko ng makita ang parehong mga tao, pero sa pagkakataong ito'y nasa loob sila ng isang kwarto at naghahalikan. Ibinalik k okay Troy ang telepono.

"Balak mo ba kong papanuorin ng porn?" gulat na sambit ko.

Umiling siya. "Ituloy mo. I'll explain afterwards."

Kahit nalilito ako sa gusto niyang mangyari ay pinagpatuloy ko ang pagtingin sa mga larawan. Karamihan sa mga ito'y nasa loob ng isang kwarto. Mga private moments ng dalawang taong nagmamahalan.