Love Me Harder

Chapter 27

Chapter 27

SPG

Nasa loob ako ng aking kwarto at tinanghali na ng gising dahil sa pagod. Humarap ako sa salamin pagkabangon at saka minasdan ang itsura ko. Napabuntonghininga na lang ako sa aking mga nakita. Bukod sa pamamaga ng mga labi na ilang ulit hinalikan ay namumula rin ang aking balikat na ilang beses pinisil ni Kyo. Hindi ko na lang babanggitin ang iba pang parte ng katawan ko na paulit-ulit niyang inangkin sa magdamag.

Napapiksi ako nang biglang kumatok si Mama. "Ruby, may bisita ka."

Umalis ako sa harapan ng salamin at nagsuot ng t-shirt. Sino kayang bisita ang tinutukoy ni Mama? Wala naman akong inaasahang bisita ngayon. Even Chie-chie, wala kaming usapan. At alam ko pa nga ay may lakad siyang iba today.

Dumagundong ang dibdib ko nang makita ang lalaking nakatayo sa sala at nakaharap sa akin. May bitbit itong bag na itim sa kaliwang kamay.

"Goodmorning, Ruby." Ngumisi ito.

Sumingit si Mama sa likuran ko. "Bagong pagkakakitaan na naman ba yan?"

Napakurap ako. Ni hindi ko narinig ang tanong ni Mama. "B-Breeze..."

Ano na naman ang ginagawa niya rito?! Tapos na ang tungkulin ko sa kanya. Kahit nasusuka ako ay sinikap kong magawa ang pinapagawa niya! Napaubos ko na ang epektos na laman ng bag na iniwan niya. Kaya bakit nandito na naman siya?!

"Oho. Sa katunayan ay lumalago ang aming negosyo." Sagot ni Breeze kay Mama matapos umupo sa bangko. "Magaling ho kasing magpatakbo itong anak nyo."

"Negosyo?" tumingin sa akin si Mama. "Totoo bang may negosyo na kayo ng lalaking ito?"

Lumapot ang pawis ko. "M-Ma, mauna na po kayo sa palengke. Pag-uusapan pa po namin kung itutuloy ko pa ang negosyong binabanggit niya."

Nasa mga mata ni Mama ang pagdududa. Subalit sa huli ay naglakad na sya palabas ng bahay na dala ang mga bilaong ipapaninda nya.

Binalingan ko si Breeze nang mawala sya sa paningin ko. "Anong ibig sabihin nito?"

"Ang ibig sabihin nito?" ibinato nya sa paahan ko ang bag na hawak nya. "Tuloy ang negosyo, ito ang ibig sabihin nito."

"Patas na tayo, Breeze. Nangako ka rin na titigilan mo na ako!"

Napahalakhak sya. "Gaga! Sino may sabi sa'yong marunong mangako ang isang gangster? Ha?" tumayo sya at nang lapitan nya ako ay dinuro nya ako sa sintido. "Mag-isip ka nga!"

Napaatras ako.

Malaking tao si Breeze sa ex kong si Ariel. Isa pa, palaging binabanggit ni Ariel sa akin noon na dating sundalo ang kuya niya. Anong laban ko kay Breeze kung sakaling mapikon siya sa akin ngayon at basta na lang niyang pilipitin ang leeg ko? Isa pa, baka nasa kwarto lang ngayon ang bunso kong kapatid na si Dangdang. Ayokong ilagay siya sa alanganin.

"Ruby, wag mo akong sagarin. Alam mo namang walang mawawala sa akin, pero sa 'yo? Marami. You don't fight with someone who has nothing to lose, okay? Hindi mo gugustuhin ang resulta." 

Nagsindi sya ng sigarilyo at ibinuga iyon sa aking mukha.

"Nagustuhan ng triad ang performance ko. Bibigyan nila ako ng posisyon kapag napataas ko ang sales nila within this month." Humithit sya at muling bumuga ng usok. "Kaya dapat, doble kayod tayo ngayon. Kailangang ma-reach ko iyong expectation nila sa akin."

Doble kayod? Eh, ako lang naman ang kumakayod, ah.

"Ang kaso, may problema. Pangalawa na akong beses na nakita ng nanay mo. Mukhang..." bahagyang umangat ang sulok ng kanyang labi na naglalawa. "...sasabit ako sa kanya kapag nagkataon. Ano kaya'y kung... todasin ko na sya para walang aberya."