Love Me Harder

Chapter 17

Napapangiti na ako nang marinig ko ang tahol ng aming aso sa labas ng aming bakuran. Napabangon tuloy ako sa aking kinahihigaang papag. Kilala ko itong si Bayug. Bihira itong tumahol dahil lagi lang itong may kinakayug.

Nadatnan ko ang isang lalaki doon nang lumabas ako sa aming bahay.

"Ariel?"

Limapit agad sya sa akin nang marinig nyang tinawag ko sya. "R-Ruby, bakit mo iyon ginawa sa kapatid ko?" malamig ang kanyang kamay nang humawak sa aking braso ang mga ito.

"Ha? Kapatid mo? Si Breeze?" buong pagtataka kong tanong sa kanya.

"O-oo. Bakit mo sya isinuplong?"

"Isinuplong?"

Hindi maipinta ang kanyang mukha. Namumutawi sa mga mata nya ang muta. "B-bakit mo sya ipinakulong?"

"Ako? Hindi ko sya isinuplong o ipinakulong."

Hinilamusan nya ang sarili gamit ang mga palad. "Kung ganun, sino? Sino, Ruby?! Kung hindi ikaw, sino?!" nagtaas na sya ng boses.

"Ewan ko... pero hindi ako."

"Ikaw lang naman ang huling nagbigay sa kanya ng pera! Paano mo sasabihing hindi ikaw ang nagsuplong sa kanya sa mga pulis?!" namumula sya sa galit.

"I swear, Ariel, hindi talaga ako."

Tinalikuran nya ako bago sya napasuntok sa hangin. Bahagya lang syang kumalma bago humarap sa akin. "Hindi mo kilala si kuya Breeze, Ruby. Kapag nakalaya sya, ikaw at ang pamilya mo ang pagbabalingan nya." pagkuwan ay naglakad na sya palayo sa akin.

Tulala lang akong tinatanaw sya. Totoo ba ang sinabi nya? Ako at ang pamilya ko ang pagdidiskitihan ng kapatid nya? Wala naman akong alam sa mga nangyari. Ni hindi ko nga alam na nakakulong pala kuya nya.

Bigla tuloy akong kinabahan. Paano kung ilaglag ako ni Breeze at ikanta nya ako sa mga pulis na nagbebenta ako ng epektos? Paano kung idamay nya ako dahil iniisip nyang ako ang nagsuplong sa kanya? O di kaya naman ay nakalaya sya at ipapatay nya ako kasama ngpamilya ko?

Ano ba itong gulo na pinasok ko? At bakit naliligo sa laway ang mukha ko?

...

BUSINA NG ISANG sasakyan ang nagsilbing alarm clock ko. Napabalikwas ako ng bangon dahil bigla akong kinabahan. Natatakot ako na baka ito na si Breeze at naghihiganti. Nawala sa dibdib ko ang pangamba nang matanaw ko sa aming bintana ang isang itim na koste sa aming bakuran.

Kilala ko kung kaninong sasakyan ito.

Tumunog ang aking cellphone at dali ko itong dinampot. Nakita ko sa screen ang pangalan ni Lord K kaya sinagot ko ito.

"Ready?"

"S-saan?"

"We're having a date today."

Seriously? It's only six in the morning! Natulog ba sya? Alas-tres na kami natapos kagabi, ah.

Napatikhim ako. Hinihila ako ng aking higaan pero nagising ang mga dugo ko. "A-anong meron?"

"It's our monthsary."

Napatakbo tuloy ako sa likod pintuan ng aking kwarto kung saan naroon ang aming kalendaryo. Bumagsak ang aking balikat nang makita ko ang petsa. "Hindi naman, eh. Malayo pa ang next monthsary natin." Katatapos lang kaya noong last. 

"I decided to celebrate it everday."

Patakbo kong tinungo ang aming banyo. Naligo ako agad at nagbihis ng school uniform.

Paglabas ko ng kwarto ay nakasalubong ko si Amang.

"Saan ka pupunta?"

"Chuchurva."