💞 Part - 33 💞
~~~~~~~~~~~~~
"Sky သမီးဆီ ဟိုကောင်လေးလာတယ်ဆို"
ဖေဖေ့မေးခွန်းကြောင့် နေသာတိုင်လိုက်ပြီမှန်း ကိုင်းချက်ချင်းသိလိုက်ကာ ဦးနဲ့ဖြစ်ခဲ့တာကိုပါ သိနေမလားဟု တွေးကြောက်သွားမိသည်။
ထိုနေ့ကလည်း ကော်ဖီဆိုင်ကို တစ်ယောက်တည်းသွားခဲ့ပြီး ဦးနဲ့ပါ…
"ဟုတ်"
"ပြန်တွဲဖို့စဥ်းစားနေတာလား"
ဦးကိုခေါင်းညိတ်ခဲ့ပေမယ့် ဖေဖေ့ကိုတော့ ကိုင်း ခေါင်းမညိတ်ရဲတာသေချာသည်။
ကိုင်း ဆေးရုံတက်ခဲ့ရတုန်းက ဖေဖေ့ရဲ့မြိုသိပ်ထားသည့်ဒေါသတွေ၊ ဦးအပေါ်ရှိနေသော ဒေါသစိတ်တွေဟာ ကြောက်စရာကောင်းလှတာမို့ ဦးနဲ့တွေ့ခဲ့မှန်းသိလျှင် ဖေဖေသည် ကိုင်းကိုအတင်းပြန်ခေါ်လောက်၏။
"အဲ့လောက်ဆို သိလိုက်ပြီ မနက်ဖြန်Flightနဲ့ ဖေဖေ့ဆီပြန်လာခဲ့တော့"
"ဖေဖေ"
"မပြောနဲ့ အကြောင်းပြချက်တွေမကြားချင်ဘူး အဲ့ဒီကိုပြန်မယ်ဆိုကတည်းက ဖေဖေမှာလိုက်တာတစ်ခုတည်းပဲ ဒါကိုတောင်မလိုက်နာနိုင်ဘူးလား"
"သမီးအဲ့လိုမလုပ်ပါဘူး"
"ဘယ်အချိန်အထိလဲ သမီးကတိပေးရင်တောင် စိတ်မချဘူး ဒီကောင် သမီးကို အရင်ကလိုတစ်ခုခုထပ်ဖြစ်စေဦးမှာပဲ ဒီတော့ စကားတွေအများကြီးပြောမနေနဲ့တော့ Sky
သမီးပေးခဲ့တဲ့ကတိကို သမီးတည်တယ်ဆိုရင် မနက်ဖြန်Flightနဲ့ ပြန်လာခဲ့"
ဖေဖေက သမီးဖြစ်သူရဲ့အကျင့်တွေကိုသိနေသော ဦးဧကန်သစ္စာမို့ လိမ်လို့မရတော့သလို အတိအကျလည်းပြောနေပြီမို့ ကိုင်းအချိန်မဆွဲတော့ဘဲ ပြန်လာဖို့သာပြောလိုက်သည်။
ထိုအခါမှကျေနပ်သွားသော ဖေဖေက ဖုန်းချသွား၍ ကိုင်း နေသာ့ကိုလှမ်းကြည့်လိုက်မိသည်။
နေသာက ကိုင်းအတွက် သူငယ်ချင်းကောင်းတစ်ယောက်ဖြစ်ပြီး ဦးနဲ့ပြန်တွဲသွားမှာ မလိုလားသောအုပ်စုထဲမှ ထိပ်ဆုံးကလူဖြစ်၏။
ဒါသည်လည်း ကိုင်းအတွက်စေတနာသန့်သန့်ပဲမို့ နေသာ ဖေဖေ့ကိုတိုင်လိုက်သည့်အပေါ် အပြစ်မမြင်နိုင်။
တကယ်ဆို အသားကျနေပြီဖြစ်သော နေ့ရက်တွေထဲ ကိုင်းသည်သာ ဟန်ချက်ပျက်သွားခဲ့တာမဟုတ်လား…
YOU ARE READING
သူမ မှ တစ်ပါး
Romanceတစ်ခါတစ်လေ Exတွေပြန်လာတယ်ဆိုတာ ကိုယ့်ရဲ့နံရိုးပိုင်ရှင်ဖြစ်လို့မဟုတ်ဘဲ ကံကြမ္မာက နင်အရင်လိုကျပ်မပြည့်တုန်းပဲလားလို့ စမ်းသပ်တာလည်းဖြစ်နိုင်တာပဲ ဒီFicကိုဖတ်မယ်ဆို Dreamerနဲ့ မ,ရယ် ကျွန်တော်ရယ် အိမ်မက်တွေရယ် အရင်ဖတ်ဖို့လိုပါတယ် Season 2လိုဖြစ်နေလို့ပါ...
