💞 Part - 15 💞
~~~~~~~~~~~~~~
"ဘယ်လိုတွေဖြစ်ကုန်တာလဲ အခုက"
ဦးမြဲမြံအသံက မာကြောပြတ်သားနေ၍ နေသာကတော့ ခေါင်းမဖော်ရဲဘဲ တရှုံ့ရှုံ့ကြိတ်ငိုနေပြီဖြစ်သည်။
အန်တီအိမ်မက်သည်လည်း စိတ်ဆိုးနေဟန်ဖြင့် မျက်နှာကတင်းမာမှုန်ကုပ်နေကာ ဖေဖေနဲ့မေမေကတော့ ကိုင်းတို့ကို အမှုန့်ချေမတတ်ကြည့်နေ၏။
ဒီလိုအခြေအနေတွေရှိလာနိုင်တာကို ကိုင်းသိထားပေမယ့် လက်တွေ့ကြုံရတော့ ရင်တွေတုန်နေမိကာ Seaလက်ကို ဆုပ်ကိုင်ထားရင်း ကြောက်နေမိသည်။
"ကျွန်တော့်သားအတွက် ကျွန်တော်ကပဲ တောင်းပန်ပါတယ်အစ်ကို"
"ငါကြားချင်နေတာ တောင်းပန်စကားမဟုတ်ဘူး ဧကန်.. ငါကငါ့သမီးကို အိမ်မှာထားခဲ့ရင် ဖြစ်ချင်တိုင်းဖြစ်သွားမှာစိုးလို့ မင်းတို့အိမ်ကိုလာအပ်ထားတာ"
"ဟုတ်ပါတယ် ကလေးတွေကို လွှတ်ထားမိတာ ကျွန်တော့်အမှားပါ အခုကိစ္စကိုလည်း အစ်ကိုဘယ်လိုလုပ်ပေးရင် ကျေနပ်နိုင်မလဲ ဒါကအနိုင်ပိုင်းပြီးပြောတာမဟုတ်ပါဘူး
ကျွန်တော်က တကယ်.."
"ကိုင်းအပြစ်ပါ ဖေဖေ"
"ဘယ်လို"
ကိုင်း မတ်တပ်ထရပ်လိုက်ရင်း ခေါင်းလေးငုံ့ကာပြောလိုက်တော့ အားလုံးရဲ့အကြည့်တွေ ကိုင်းဆီရောက်လာကြသည်။
တကယ်လည်း partyလုပ်ဖို့ စပြီးစည်းရုံးခဲ့တာက ကိုင်းပဲမဟုတ်လား…
"ကိုင်းကြောင့်ပါ"
ကိုင်းရဲ့ဝန်ခံစကားကြောင့် ဖေဖေက ဒေါသဖြစ်သွားဟန်ဖြင့် အရင်ထရပ်လိုက်ပြီး ကိုင်းအနားကိုရောက်လာသည်။
ဖြန်းခနဲအသံနှင့်အတူ ပါးတစ်ဖက်လုံးထူပူသွားကာ ဒီလောက်အထိထင်မထား၍ ကိုင်းဆိုဖာပေါ်ကို ထိုင်လျက်ကလေးပြန်ကျသွားသည်။
နာကျင်သွားသည့် ပါးလေးတစ်ဖက်ကိုအုပ်ကိုင်ရင်း ဖေဖေ့ကိုမော့ကြည့်မိတာ အလန့်တကြား…
"ဖေဖေ"
"သူငယ်ချင်း အချင်းချင်း၊ မောင်နှမအချင်းချင်း ကူည်ိစောင့်ရှောက်မှုမရှိဘဲနဲ့ ဒီလောက်ထိ မိုက်မဲတဲ့မိန်းကလေး"
"မောင် တော်ပြီ ကလေးကိုလက်မပါနဲ့"
"မ သမီးကိုက အချိုးမပြေတာ ဟိုကောင်Sea ထစမ်း
မင်းကရော မင်းယောကျာ်းမဟုတ်ဘူးလား မိန်းကလေးတစ်ယောက်အပေါ် အသားယူရတာ မင်းတော်တော်ကျေနပ်နေတာလား"
YOU ARE READING
သူမ မှ တစ်ပါး
Romanceတစ်ခါတစ်လေ Exတွေပြန်လာတယ်ဆိုတာ ကိုယ့်ရဲ့နံရိုးပိုင်ရှင်ဖြစ်လို့မဟုတ်ဘဲ ကံကြမ္မာက နင်အရင်လိုကျပ်မပြည့်တုန်းပဲလားလို့ စမ်းသပ်တာလည်းဖြစ်နိုင်တာပဲ ဒီFicကိုဖတ်မယ်ဆို Dreamerနဲ့ မ,ရယ် ကျွန်တော်ရယ် အိမ်မက်တွေရယ် အရင်ဖတ်ဖို့လိုပါတယ် Season 2လိုဖြစ်နေလို့ပါ...
