💞 Part - 38 💞
~~~~~~~~~~~~
"ငါ့သမီးလေးတောင် အရွယ်ရောက်နေပြီပဲ"
ဖေဖေ့စကားကြောင့် အားလုံးပြုံးစိစိဖြစ်သွားကြပြီး မေမေကတော့ ပခုံးတွေလှုပ်ခတ်သည်အထိ ကြိတ်ရယ်နေ၏။
သမီးကိုအလွန်ချစ်တတ်သည့်အဖေတိုင်း ဒါမျိုးလားတော့မသိဘဲ ဖေဖေကတော့ မျက်နှာသိပ်မကောင်းသလို ကိုင်းကိုပဲ တကြည့်ကြည့်ဖြစ်နေသည်။
ကိုင်းတို့ဘက်က ဦးမြဲနဲ့ အန်တီအိမ်မက်တို့ပါပြီး ဦးဘက်က တခြားလူကြီးတွေပါလာကာ ထိုသူတွေက ဦးရဲ့ဆွေမျိုးတွေဖြစ်သည်တဲ့။
ဦးက တစ်ဦးတည်းသောသားဖြစ်သည့်အပြင် ဦးရဲ့အဖေတို့ကလည်း ကလေးမရတော့တာမို့ ပြင်ဦးလွင်ကခြံတွေကို ကိုင်းနာမည်နှင့်စာချုပ်ပေးသည်။
လက်ရှိ ဦးလုပ်နေသော လုပ်ငန်းတွေကအစ ဦးနဲ့ကိုင်းအတွက် လက်ဖွဲ့မည်ဆို၏။
"မင်းကိုပိုင်ပြီနော်"
လူကြီးတွေစကားပြောနေတုန်း တိုးတိုးလေးကပ်ပြောလာ၍ ကိုင်းပခုံးလေးတွန့်ပြကာ ဦးလက်ကိုမသိမသာဆွဲဆိတ်ပစ်လိုက်သည်။
ရှပ်လက်ရှည်အဖြူနှင့် ပိုးပုဆိုးဝတ်ထားသည့်ဦးက ခါတိုင်းထက်ပိုပြီးကြည့်ကောင်းနေကာ စတွေ့ခဲ့စဥ်ကလို ခမ်းနားထည်ဝါနေ၏။
ထိုအချိန်ကတည်းက Crushခဲ့ရသည့်ဒီလူကြီးကို တစ်သက်လုံးပေါင်းသွားရတော့မှာမို့ ပျော်လည်းပျော်မိသလို ရှက်လည်းရှက်နေမိသည်။
"ချာတိတ်အဖေက သဘောတူလို့တော်သေးတယ်နော် ကိုယ်ဆွဲအထိုးခံရပြီမှတ်နေတာ"
"ဖေဖေက ကိုင်းကိုချစ်လို့ပါ ပြီးတော့ ဦးကလည်း ကိုင်းကိုအသည်းခွဲသွားတာလေ"
"Aww ဟုတ်လား"
"အင်းလေ အဲ့ဒါကြောင့်မို့ကိုင်းလက်ခံလိုက်တာ မူပြီးငြင်းလိုက်ရင် နောက်ထပ်စေ့စပ်နေမှာစိုးလို့"
"မင်းနော် နာတော့မယ်"
"ဟုတ်တယ်လေ ကိုင်းဆိုနောက်တစ်ယောက်ပြောင်းဖို့ လွယ်မှမလွယ်တာ ဦးကမှ"
"ကဲ.. ဟုတ်ပါပြီ အဲ့ဒီအပြစ်ကြီးအတွက် တစ်သက်လုံး ခင်ဗျားလေးကို ပြုစုယုယသွားပါ့မယ် ကျေနပ်ပြီလား"
YOU ARE READING
သူမ မှ တစ်ပါး
Romanceတစ်ခါတစ်လေ Exတွေပြန်လာတယ်ဆိုတာ ကိုယ့်ရဲ့နံရိုးပိုင်ရှင်ဖြစ်လို့မဟုတ်ဘဲ ကံကြမ္မာက နင်အရင်လိုကျပ်မပြည့်တုန်းပဲလားလို့ စမ်းသပ်တာလည်းဖြစ်နိုင်တာပဲ ဒီFicကိုဖတ်မယ်ဆို Dreamerနဲ့ မ,ရယ် ကျွန်တော်ရယ် အိမ်မက်တွေရယ် အရင်ဖတ်ဖို့လိုပါတယ် Season 2လိုဖြစ်နေလို့ပါ...
