Love How You Hate Me (Castel #1)

Chapter 43: Date Night

ALLISON

"Hi, Gorgeous." Nakangiting bati ni Axe nang bumaba ito ng sasakyan sa harap ng plaza. Kanina ko pa ito inaantay dahil nangako itong may pupuntahan kami ngayong gabi.

"Sorry I'm late. Kanina pa ba tapos ang klase ng mga bata?" Alalang tanong nito. Umiling ako. Kahit na tirik pa ang araw ng matapos ito, At madilim na ngayon.

"Good. Get in." Binuksan ni Axe ang pintuan ng sasakyan. Pumasok ako dito at hinintay si Axe.

"Saan ba tayo pupunta?" Tanong ko.

"Secret." Ngumiti ito at sinimulan ang makina ng kotse.

"Axe,"

"Po?" Malambing na tanong nito. Tumingin ako sa aking mga paa at umiling.

Maawa ka naman, Axe. Wala na akong pera. Sana naman hindi magastos itong balak mo.

Kumunot ang noo ko nang lumiko ang sasakyan sa lugar na hindi pamilyar sa akin. Kahit kailan hindi pa ako nakakapunta sa lugar ito, Hindi ko pa nadadaanan ang mga kalsadang ito.

"Axe, Saan tayo pupunta?" Tinaasan ko ito ng kilay.

"Lis, You're acting like I'm gonna abduct you." Mahina akong tumawa.

"Tarantado," Pinanood kong umakyat ang sasakyan sa daanan.

"Saan nga?"

"Secret nga. Hindi na sikreto iyon kung sasabihin ko sa iyo." Natatawang saad nito.

"Close you eyes." Sarkastiko ko itong tinignan.

"Bilis na! Close them!" Parang batang sabi nito. Tumaas ang tono ng boses nito na para bang sabik na sabik sa inihanda.

"Sige na nga." Sumunod na lamang ako sa kagustuhan nito at sinara ang mga mata ko. Paano ko naman hihindian kung tuwang tuwa ito. Nakakakonsensya naman.

Naramdaman kong dahan dahan na tumigil ang sasakyan.

"Stay there. 'Wag ka muna didilat." Natawa ako nang marinig kong dali dali itong lumabas ng sasakyan.

Narinig kong bumukas ang pintuan sa tabi ko. Naramdaman ko ang malambot na palad ni Axe na tumakip sa mga mata ko.

"Dahan dahan..." Malambing na bulong ni Axe habang ginagabayan ako palabas ng sasakyan. Gusto ko sanang pakiramdaman ang sahig pero masyadong makapal ang mga sapatos ko.

"Wait lang..." Bulong nito sa tenga ko habang ginagabayan ang bawat hakbang.

"Surprise..." Nanlaki ang mga mata ko nang pakawalan niya ang mga ito.

"Axe..." Umawang ang mga labi ko habang pinagmamasdan ang maliwanag na ilaw ng syudad sa kalagitnaan ng madilim na gabi.

"Nasaan tayo?" Tanong ko.

"Highest point of the city." Ilang beses akong kumurap.

"Ang ganda," Muntikan ko nang hindi mapansin ang nakahandang kumot sa sahig. Mayroong basket na nakapatong dito, Mga maliliit at babasaging baso at kubyertos.

"Happy sixth monthsary Babe."

"Happy," Bumuga ako ng hangin habang tinititigan ang mga gusali at kalsadamg puno ng ilaw.

"Happy monthsary..." Hindi ko maipaliwanag ang ganda ng lugar na ito.

"Have a seat, My lady." Nakangiting sambit ni Axe.

Dahan dahan akong umupo sa kumot na nakalahad sa sahig, Hindi parin tinatanggal ang tingin ko sa syudad.

"Ang ganda ng view 'no?" Tanong nito. Nagtama ang nga mata namin.

"Sobra."

Nilagyan ni Axe ang mga baso ng sorbetes at inabot sa akin ang isa.

"Salamat." Nagtama ang mga mata namin ni Axe. Kumurba ang mga labi nito at umiwas ng tingin.

"Alam mo ba kung bakit dito kita dinala?" Tanong nito. Umiling ako habang dinidilaan ang ice cream sa mga labi ko.

"Bakit?" Natatawa kong tanong.

"I can't show you the world,"

"Not yet." Hinawakan ni Axe ang mga kamay ko at nilaro ang mga daliri ko.

"Kaya dito muna tayo. I'll spoil you after we graduate. When we're making our own money." Ngumiti si Axe.

Ito ang isa sa maraming dahilan kung bakit gusto ko itong lalaking ito.

"Lis, After we graduate," Tinitigan ko ang maamong mata nito.

"Oh?"

"And after you take your bar exam," Natawa kaming dalawa.

"Ano?"

"We'll help together." Lumawak ang ngiti sa mga labi ko.

"Para sa bansa."

"Lagi." Humigpit ang pag-kakahawak nito sa kamay ko.

Nagtaasan ang mga balahibo ko nang malakas na umihip ang malamig na hangin. Nanginig ang katawan ko at yumakap ako sa sarili.

"Are you cold?" Tanong ni Axe. Tinignan ko ito. Wala naman itong suot na iba maliban sa damit at pantalon kaya umiling na lamang ako.

"I didn't bring a jacket..." Mahinang sabi nito habang umuusod papalapit sa akin. Binalot ang ng mga braso nito at ginabayang umupo sumandal sa dibdib niya. Nakatulong naman ang init ng katawan at hininga nito.

"Salamat." Hinawakan ng dalawang kamay ko ang braso niyang nakapulupot sa akin.

Bumalik ang tingin ko sa siyudad na mukha lamang kumikinang na mga bituwin kung nasaan kami ngayon.

"Axe... Ang ganda dito." Tumawa ito.

"When we're ready, We'll build a home in here. We'll have a great life." Mula sa gilid ng aking mga mata nakita kong na sa akin ang titig nito. Ramdam ko ang mabilis na pag-akyat ng dugo sa pisngi ko dahil narin siguro sa hiya at kilig.

"Mahal na mahal kita, Allison." Humigpit ang yakap niya sa akin.

"Maliban sa bansa, Ikaw lang ang nakikita kong future." Bumaling ako sa kabilang dako upang hindi nito makita ang lawak ng aking ngiti at pamumula ng pisngi.

"Sana ganoon rin ako sayo." Mabilis ko itong hinarap. Nanlaki ang mga mata ko nang saluhin ako ng mga labi niya nang hindi ko inaasahan.

Pumulupot ang mga daliri nito sa buhay ko at marahang diniin sa kaniya ang ulo ko.

Bakit ganoon?

Bakit tuwing hahalikan ako ni Axe, Parang ito ang unang beses. Parang ngayon lamang niya ito ginawa at hindi parin ito ma-proseso ng sistema ko.

"Wrong timing..." Mahinang saad ni Axe nang tumunog ang telepono niya. Dahan dahan niyang binitawan ang mukha ko at inabot ang teleponong galing sa bulsa.

"Excuse me." Tumayo ito at tinapat ang telepono sa tenga. Para namang pinlano, Tumunog rin ang telepono ko. Nagkasakubong ang mga kilay ko nang mabasa ang hindi inaasang pangalan sa screen nito.

Seb: I still need your part on the proj. Just hand it over at school.

"Tito?"

"Yes, I'm in town. I'm kind of busy."

"O-Opo." Nauutal na sagot nito. Umangat ang tingin ko kay Axe nang bumagsak ang boses nito.

"Opo, Ihahatid ko lang po si Allison." Napatayo narin ako nang marinig ang kaba at pagka-taranta sa boses nito.

"Sige na, Tito. Aalis na po kami. Salamat." Dali dali nitong binaba ang telepono.

"Bakit? Anong nangyari?" Alalang tanong ko.

"Nag-Flat line daw si dad. We have to go."