.
بعد اسبوع اخر ! قتلني فيه القلق و التفكير
وصلت لفكرة و اتصلت على غدير
سهى: خلاص ي غدير انا ابغى حل ما عاد فيني اتحمل
و قررت ابدأ في روان
غدير: و شلون
سهى: مدري فكري لي بحل انا عقلي ما يعرف يخطط
غدير بتفكير: لازم روان تعرف بعلاقتكم
سهى بصدمه: انتي صاحيه
غدير: عاد هذا الي طلع معي لو تبين تركي لك
سهى بحيرة: شلووون.. لاتقولين ارسل لها محادثات وصور وكذا
غدير: لا طبعآ..راح تقابليها
سهى طلعت عيونها: من جدك
غدير: هي محاوله ي تنجح ي تخيب
سهى: ما اقدر.. ما اقدر والله. لا لا ي غدير
غدير: خلاص لا تصجينا بنشوف حل
سهى: و كيف نوصل لها
غدير: ما عليك هاذي عندي راح اخلي موظف من شركة ابوي يحيب لنا كل معلومات عنها.. سهى فرحت
بعد يومين وصل اتصال غريب
لروان ردت بهدؤ: الو
جاها الصوت البنت: مرحبا معي روان
روان: ايوه حياك.. اي خدمه؟
البنت: بصراحه انا مو عارفه من وين ابدأ
بس الموضوع ضروري و يخصك
روان بإستغراب: يخصني.. ايش هو
البنت: ما اقدر اقوله بالجوال لازم. اقابلك
روان: اسفه ي قلبي ما اقدر اقابل وحده ما اعرفها
البنت: ليه..احنا راح نتقابل بمكان عام
وموضوع لمصلحتك ويخصك ويخص خطيبك تركي
روان تفكر يخص تركي و بتردد: طيب وين
البنت: في كوفي ال.. الساعه 5العصر
قفلوا من بعض
قفلت غدير وهي ميته ضحك
و صرخت سهى بوناسه :ييييس
غدير رمت لسهى جوالها وغمزت: بكره خليك جاهزه
سهى بخوف: ضروري اروح معاك
غدير : ايه ي غبيه لازم تكوني معي
ولا تبي بس اسوي كل شي بدالك
اليوم الثاني
صحيت وانا متوتره وخايفه
لكن راح سوي الي براسي
بسوي كل شي عشان يكون تركي لي
واول خطوه لازم ازيح روان من طريقي
جاء العصر.. واستئذنت من امي اني بروح مع غدير
عشان ابي من سوق اشياء ضروريه
والعاده امي مو دايم توافق نطلع لمكان
بس غدير طلعت وحاولت في امي
مع وجه بريئ وكم كلمة تكسر الخاطر حتى وافقت امي
هالغدير ذكيه و لعينه وتعرف تمشي امورها
طلعنا متحمسين
وركبنا مع سواقهم
ورحنا للكوفي
طبعا انا فتحت محادثه تركي و صفيت
وحذفت كل مسج منه فيه اسم روان
وبعض السوالف وركزت ان تبقى
السوالف الغزليه ورمنسيه
وصلنا
وارسلت من جوالي رقم الطاوله لروان
وجلسنا بعيد ننتظر قدومها
جات بنت وصوت كعبها يضرب بالارض
و كاشفه وجهها وعرفتها وقلت لغدير: هذيك هي شوفيها الي معها شنطه رمادي
وانتبهت انه معها وحده لابسه نقاب دققت فيها عرفتها من عيونها و طلعت اكثر انسانه ما اطيقها ريهام..بس لحظه لحظه.. طلعت عيوني..ومسكت يد غدير اهزها واسحبها تمشي وبخوف:خلاص غدير هونت ريهام اخت تركي معها
غدير: بس ي بنت اهدئ
.
.
تقدمت روان و ريهام لطاوله المحدده وجلسوا
اما انا وغدير طلعنا من المكان
غدير بنفاذ صبر: ي سهى بس خوف من راح يعرفك..وانا الي راح اقابلها و اوريها المحادثات من جوالك..وما راح اخلي شي عندها.وراح اقولها اني عرفته بالمستشفى.واخته ما راح اتكلم قدامها.حتى لو بعدين حكت لاخته وتكلموا من راح يصدقهم..واذا فسخت الخطبه نعمه من الله.
وساعتها فرصتك تعترفي لتركي
سهى متوتره
غدير اخذت جوالها
ومشت لعندهم
اما سهى وقفت برا تطالعهم
وصلت غدير: السلام عليكم
ردوا السلام
بستغباء سألت: من فيكم روان
روان الجالسه بغرور و رجل ع رجل: هلا انتي الي كلمتيني بجوال
غدير: ايوه وبنظره لريهام: ممكن اكلمك على انفراد
روان: ريهام ممكن شوي.. وقفت ريهام وهي تتفحص غدير وتجلس على طاولة اخرى قريبه منهم .
جلست غدير بكذب: تمنيت نعرف بعض بظروف احسن من كذا
روان بإختصار: لو سمحتي ادخلي بالموضوع
غدير: قبل اتكلم ابيك تشوفي شي
وطلعت الجوال و فتحت على محادثه تركي:اقري
روان بتعجب نزلت نظرها للجوال: لا تضيعي وقتي واعطيني من الاخر
غدير وهي تقلب عيونها من غرور روان: من الاخر انا و تركي نحب بعض وهذا الاثبات قدامك اقري وشوفي الي بينا ووجودك بحياة تركي اكبر عائق لحبنا
روان بمحاولة عدم تصديق: وش يثبت لي ان هذا تركي
غدير: الرقم قدامك ولا تبغي تأكيد اكثر
روان: ياريت
غدير بتسرع دقت اتصال على رقم تركي وحطته سبيكر
ورن رنتين تركي استغرب ولأول مرة يجيه اتصال ع جواله بأسمها ورد بفرح: هلا والله بالحب
غدير قفلت الاتصال وثم قفلت الجوال بهدوء: هذا رقم قدامك و هذا سمعتي بنفسك
روان تملكتها صدمه تركي الي الكل يشهد باخلاقه و الانسان الواعي و الناجح يطلع راعي بنات وسوالف!
تركي الي كل بنات العايله يحسدوها انه خطبها
تركي الي فرحت ان كان من نصيبها واحد في كل الصفات الي تتمنها اي بنت.
هي متاكده ان تركي لو يبي هالبنت خطبها لأنها تعرفه انسان واضح وهذا مو طريقه
بس صدمها.
رفعت نظرها لغدير: ومن متى العلاقه بينكم
غدير بكذب:من شهور تعرفت عليه بالمستشفى كان دكتوري
روان: طيب ما سألتي نفسك ليه تركي ما اختارك وليه ما خطبك انتي؟
غدير: لأنه مجبور من أهله
ضحكت روان ساخره من غدير وتفكيرها وبثقه: اخر واحد بدنيا ينجبر تركي وعلى فكرة تركي اختارني وبنفسه.ف لا تحاولي.لانك بالنسبه له تسليه
غدير بغيض من روان وثقتها: لو كان لك شي بقلبه ما راح لغيرك على العموم انا انصحك تتركيه لأنه ما راح يحبك وبتكوني مجرد زوجه والحب لغيرك
روان تقدمت وهي تسند يديها ع طاول وبنظرة قويه بعيون غدير: مشكوره وفري نصايحك لنفسك
غدير وقفت متنرفزه واخذت الجوال ومشت من عندها منقهرة
و باين ان سهى فشلت..!
وراح تفشل كثير اذا ندها روان
وصلت عند سهى و مشوا لسيارة و ركبوا
سهى بعدم صبر: غدير تكلمي شفيك ساكته
غدير: والله ي سهى البنت عقلها اكبر مني ومنك
سهى: شلون يعني
غدير بتوضيح: يعني ما مشت عليها هالحركه.. حاولي بطريقه ثانيه ولا خلاص اعترفي له.. ساعتها يمكن يكرهك يمكن ويحقد عليك بس اهم شي وصلتي له احساسك
سهى بلعت ريقها بخوف: والله خايفه
غدير اعطتها جوالها: اجل خلي خوفك ينفعك.. وترا دقيت عليه قدام روان عشان تصدق
سهى: ي مجنونه وش سويتي.. وش اقوله اللحين
غدير: عادي قولي له بالغلط
سهى: يارببي
رجعوا وسهى فتحت جوالها وارسلت له
تعتذر عن الاتصال انه كان بالغلط
.
.
عند روان بعد ما راحت غدير
جات لها ريهام مستعجله: من هاذي
روان بكذب:وحدة تبيني واسطه عند ابوي حتى يوظف اخوها
ريهام بستغراب: غريبه مو باين عليها محتاجه؟
سكتت روان ما عندها تبريرات و تفكر
هي عارفه سالفه خطبتها من ريهام
وانه تركي اختارها بنفسه
حتى بعد ما خيره ابوه بينها وبين بنت عمه
ورضي يختارها و يطلع من البيت
جلست صامته تفكر وتفكر
ثم قالت: ريهام وش كان رد تركي يوم قلتي له عن تاجيل الملكه
ريهام: بصراحه عصب وقال الملكه ما راح تاثر على دراسه وخاصه تركي هالايام يأثث شقتكم و يحتاج تكوني معاه
روان: طيب ريهام انا فكرت وقررت خلاص انا موافقه تكون الملكه متى ما يبي
ريهام بفرحه: جدددد
روان هزت راسها وقفت و مشوا
في نفس اليوم بالليل
الساعه 9.08
بعد تفكير طويل كتبت سهى مسج طويل
اعترفت فيه بكل شي عنها وعن حبها و مشاعرها
و كذباتها و احتيالها واعتذارها عن كل شي!
.
وصل تركي الي دخل بيتهم وسلم على ابوه و امه و جدته اما ريهام غير موجوده وجلس معاهم يسولف
طلع جواله من جيبه وهو يرا اشعار
مسج بأسمها
ضغط باصبعه يفتح المسج لكن رفع راسه على صوت ريهام العالي ودخولها وجلوسها بجانبه بفرح: تركي وينك من اليوم عندي لك بشارة
تركي ضغط زر قفل شاشه قبل ان ترا ريهام و بستغراب: وش عندك عساه بشارة خير مو زي وجهك
ريهام بحماس: ابشرك روان وافقت على الملكه ومتى ما تبي
تركي اعتدل بجلسته وابتسم بعدم تصديق: احلفي
الجدة: يا زينها من بشارة.. اجل خير البر عاجله
تركي بتأيد: وهو كذلك وانا ابي الملكه بكرة
ام تركي: لا وين شفيك مستعجل
تركي: هي حاليآ ملكه عائليه بسيطه
وبعدين باقي الامور و الشكليات
ام تركي: شرايك ابو تركي
ابو تركي: الله يقدم لهم الي فيه الخير.
واكلم ابوها ونشوف رايهم اول
تركي ابتسم بسعاده مفرطه
واخذ جواله وطلع اكيد كانت
مرسله تخبره..لكن تفاجئ !
.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
ودمتم بخير