: تركي ماراح يتزوج غيري.. وبتشوفين!!
ريهام هنا تقدمت وشدت شعري و هي تقول: تخسين ي وجه الفقر
المهم تدخلت بينا البنت الي صدمت تركي تبعدنا عن بعض وانا لقيتها فرصه من القهر اضرب في ذي وذيك وانحاااش و رحت ودخلت الحمام ورتبت شكلي وطلعت متنرفزه وجلست بعيد اهدي حالي!
جات سهام تمشي مستعجله و تسأل بخوف: وش مسويه انتي عجوز النار تلعلع وتدعي عليك وريهام عندها تصيح و امي متوهقه معاهم وتبيك اللحين
دق قلبي وانا عارفه نهاية هالسالفه فوق راسي
ياربي ريهام لا تفضحني بين الجماعه
قمت وقفت وانا افكر كيف احل هالورطه
دخلت مكان ما هم موجودين وذيك العجوز جالسه تهذر بكلام كثير منه الي ما يحترم اصحاب المكان مالهم مكان هنا .. والي مو متربي احنا نربيه!!
تقدمت ووصلت عندهم وحبيت راس الجده غصب عني من باب الأحترام..
والي دفتني عنها معصبه وانحرجت من حركتها لكن تكلمت رد ع كلامها : الحمدالله احنا بنات منصور متربيات لكن البلاء في اصحاب المكان الي يغلطوا علينا
ريهام وقفت بعصبيه: والله انك انسانه وقحه وانتي الي بديتي و رفعتي يدك عليه ووجهت نظرها لوحده وقالت: صح ي روان
ناظرت في ذي روان مين؟وطاحت عيني بالبنت ذيك و ي كرهي لها .. كرهتها من قبل اعرفها
و تكلمت هي بهدؤء ورزانه: بصراحه انا ما اعرف وش صار بينكم انا بس تدخلت وقت شفت الموضوع تطور لضرب لكن رجاء لا تدخلوني بمشاكلكم
ياربي حتى شخصيتها احسن من شخصيتي الدفشه لكن يمكن للعمر يلعب دور باين ان عمرها 25او 26 لحظه يعني بنفس عمر تركي اوووف حتى بالعمر فيه بينهم تكافئ انقهرررت حدي
المهم حسيت انها الجلسه الوداعيه اساسآ واضح من كلام العجيز كل شوي تكرر ما بغينا جيتكم لو ما ولدي محمد اصر وولد سلوى ما نبيه بينا يكفي ابو محمد مات وهو غضبان عليه
عاد هنا انا كبيت العفش كله: يعني احنا الي ميتين عليكم ولا على جمعتكم ناس قلوبها مليانه حقد وغيره يعني عشان جدي تزوج عليك وحده احسن منك واصغر منك ي عجوز قريح كل كلمة و ثانيه ما نبيكم ما نبيكم ترا ما درينا عنكم والله يغنينا عن اشكالكم و ربوا بناتكم على الادب والاحترام ثم تكلموا في تربيتنا
ام تركي طنقرت و منحرجه من ناس برا لا يسمعوا الهوشه ووجهت كلامها لأم سهى: رحمه خذي بناتك واطلعوا مو ناقصه مشاكل هالليله
الجده: جعلك ي بنت ابليس بهوايه و لاويه تلوي فمك يلي ما تتستحين
.
لااا عاد ام الحب عصبت مني وضاعت احلااامي
لكن خلاص هي خاربه خاربه ورديت ع العجيز وسط صدمه البنات: اللي ما تستحي هي عجوز ما تحترم ضيوف ولدها وحاقده على حرمه بقبرها
سحبتني امي من يدي وانا احاول افك يدها باقي فيني كلام وطلعنا وطبعآ جوالي كان مع سهام ودقت على ابوي من زمان
و ركبنا السيارة
خواتي مبسوطين مني وانا متحسفه على فلوسي الي جمعتها شهور وخسرتها عشان هالجيه وفوق ذا شفت الي احبه قريب من غيري.. وش ذا الحظ!! المهم كنا ساكتين و امي خايفه عليه
من ردت فعل ابوي لو عرف
وابوي يسأل ليه طلعنا بدري قبل العشى
و امي تصرف انها تعبت فجاءه هناك
وصلنا البيت و رحنا انا وخواتي لغرفتنا
وجلسنا نضحك على الي صار
وكل وحده غيرت لبسها و انسدحت
ع سريرها وانا طبعآ فتحت جوالي و لقيت تركي منزل كم صوره اما لحاله او مع ابوه او مع اخوياه واقاربه في كل برنامج
ارسلت له رسائل اعجاب ومدح وغزل وبعدين كم سبه مدري وش جاني اليوم منفعله على الأمه
_ مبروووك والله يديم افراحك
_احبك والله.. رد عليه لو مره
-انت روحي ما اقدر اعيش من دونك
- ابتسامتك تفرح قلبي
- متى ي غبي تفهمني
_ حس فيني انت مخلوق من جماد ولا ايش
_ والله انا احبك قولي كلمه
_، ي خي انت حمار؟
_ اوووف منك جاملني ع الاقل
_ احترم مشاعري وحبي لك
في اليوم الثاني صحيت صباح
شفت جوالي مافيه رد واخذت شور وصليت ورحت اسوي لي فطور خبز وحبن وجلست كرسي الخشبي وانا اكل وافكر في روان وتركي وكلام ريهام انا لازم اكمل دراسه حرام تضيع سنوات عمري عشان ابوي خايف من كلام الناس
طلعت امي من غرفتها وهي متوجه للمطبخ تناظر لي بنظرات حاده وعرفت اني راح اخذ تهزيئه محترمه او كفين
لكن خرج بعدها ابوي ومعه الجوال ويسولف واستغربت مع مين يسولف بذا الوقت ساعه 8
وتقرب من عندي وقال: وهاذي هي سهى الي تبي تكلمها
مد ابوي الجوال وهو يقول خذي كلمي عمك محمد يبيك
طاح قلبي في رجولي وحسيت بخوف ورجفه و حراره بالجو
مسكت الجوال وحطيته عند اذني وانا احس اني فقدت النطق وما تكلمت واظن انه هو سمع انفاسي المتسارعه وتكلم: هلا يبه سهى كيفك ي بنيتي
رديت بلعثمه: بخير الحمدالله وكيفك عمي
عمي محمد: الحمدالله يسرك الحال لكن عمك محمد عتبان عليك
انحرجت وما عرفت ارد
كمل عمي يوم ما لقى جواب: ي سهى وانا عمك تدري ان امي كبيرة سن ولا ينوخذ بكلمها و لا نزعلها يرضيك البارح ارتفع ضغطها وتعبت علينا وبنت عمك ي سهى مهما صار بينكم عيب تمدي يدك عليها
قلت بتوتر باعتذار كاذب: والله ي عمي مو قصدي بس ريهام دايم تضايقني بالكلام و جدتي... وقلت جدتي احترام له ولا هي يخب عليها: يرضيك تتكلم في تربيتنا وفي ابوي و في جدتي سلوى الله يرحمها.. بس عشانك لو تبي اجي لبيتكم واعتذر لهم
كنت اتكلم وانا الاحظ ناظرات ابوي المستغربه و تقطيبت حواجبه وملامح الغضب تظهر عليه
عمي: ما يحتاج ي بنيتي وحقك عليه ولو انك قلتي لي كان افضل وانتي تعرفي اني احبكم و اغليكم ولا ارضى عليكم
رديت بحرج: انا اسفه عمي وان شاءالله ماراح تتكرر مرة ثانيه
عمي محمد بلطف: اكيد ما راح تتكرر وانتي سهى العاقله واي شي يصير لك ولا تحتاجي شي ما يردك الا لسانك انتي عندي مثل بنتي ريهام
رغم خوفي من ابوي ما ادري شلون نطقت هالكلام : ايوه ي عمي بقولك شي بس مستحيه
عمي : امري كم عندي سهى
عاد انا هنا تشجعت : ابي اسكن عندكم واكمل الجامعه لان ابوي مو راضي اسكن بسكن الجامعه ولا اروح مع سواقين
شفت ابوي طلعت عيونه بصدمه!! بس خلاص لازم اتحرك عشان مستقبلي
عمي بترحيب: ارحبي والله في عيوني
فرحت اللحين ما عاد لأبوي حجه و بسكن في بيت الحب و اكمل دراسه ضربت عصفورين بحجر واحد
انتهت المكالمه
وبدت استفسارات ابوي عن الي صار امس ثم طلبي من عمي محمد وانا اشوف وجهه متجهم وعرفت اني راح اشوف يوم اسود المهم ابوي راح لزوايه الحوش الي فيها كراكيب حديد وعصيان واخذ عصا وانا عرفت انه ناوي يضربني بديت اركض بالحوش وهو وراي والعصا تخبط كل شوي بمكان بجسمي و انا اصرح وابكي حتى وصلت الحمام ودخلت وقفلت على نفسي وهو يهاوش برا الا اطلع فركت علي يدي و فخذي وانا متوجعه من من الضرب المهم اني جلست ثلاث ساعات حابسه نفسي بالحمام حتى يأس ابوي و طلع من البيت
وبعدها طلعت للغرفة ونمت من الزعل و البكاء
بعدها بأيام هدي الوضع بالبيت ورجعت المياة لمجاريها اللهم ابوي احس براسه شي . .
في بيت ابو تركي
و الي يفكر بكلام سهى الي تبغى تسكن عندهم وتدرس والي هنا مو طايقين سيرتهم! خاصه امه بعد كلام سهى لها ما بقى احد ما اشتكت له
.
اما تركي الي ما يذكر شي عن بيت عمة منصور بعد ما نقلوا لكن اللحين يحس انه منفعل و معصب بعد تعب جدته وارتفاع ضغطها وتشكي من بنت عمه سهى وشلون ما احترمتها و كيف رفعت صوتها عليها و ريهام وضربتها وامه الي زعلانه انهم خربوا الليلة
فهم ان البنت قليلة ادب واحترام لو مو العيب كان سحبها من شعرها لبيتهم تعتذر لهم لأن تركي من النوع الي ما يرضى على اهله ولو بغلط بسيط
لكن حاليآ في شي ثاني شاغل راسه يفكر بزواج والاستقرار ويبغى يتزوج من اختياره مو من اختيار احد ثاني وكل ما يفكر بزواج تخطر على باله ملامح روان بنت خالته هو شاف كثير بنات بس روان ثابته براسه علاوه على كذا متخرجه و تدرس الماجستر ويذكر انها اصغر منه بسنه اي عمرها اللحين 25 يعني مناسبه له جميله ومتعلمه و مثقفه و قريبه اعمارهم!!
قرر يتوكل و يكلمهم يمكن موضوع زواجه يلطف الجو شوي تكلم بهدؤ : انا حاب اكلمكم بموضوع
ام تركي : وش هو ؟
.
.
.
.
.
.
.
.
.
.
.
.
▪️قراءه ممتعه▪️
ولطفاً دعم الروايه
بلايك وتفاعل 📮
ودمتم بخير