⚠S L I G H T⚠
----------------------------------------------
VERENA'S POV
Bumalik kami sa loob habang tumutulo pa ang tubig galing sa damit namin.
Pagkabukas ko ng pinto ay bumungad samin dalawa ni Theron ang mga taong nakatayo mismo sa harapan namin.
Nakaakay ako sa taong walang malay at nakangiti pa kahit nakapikit na ang kanyang mga mata.
Tabi-tabi sila Ina, Ama, Ate Gia, at ang may pinakamasamang awra sa kanilang lahat ay si Kuya Earl, may hawak pa siyang flashlight na nakatutok mismo samin.
"Susmaryahosep! Saan ba kayo nagpupupunta anak! Kanina pa namin kayo hinahanap?" tanong ni Ina sabay abot samin ng dalawang tuwalya.
Tinulungan naman ako ni Ama na akayin papasok si Theron sa kanyang kwarto.
Pabagsak namin itong hiniga dahil mukhang wala na siyang kamalay-malay kahit ilang beses na siyang nahulog sa tubig kanina, at ang masama pa dun ay dinadamay niya pa ako sa kabaliwan niya.
Patawarin nawa ako ng panginoon, boyfriend ko ba talaga ito?! Mukhang adik sa kanto eh!
"Anak, maligo kana dun para mapalitan na yang damit mo." sabi ni Ina na ngayon ay hinahalungkat ang bag ni Theron para kumuha ng damit.
"Sige po." sagot ko saka lumabas ng kwarto.
Halos atakihin naman ako sa puso ng makita ko si Kuya na nakasandal sa may pader habang nakatingin sakin.
"Eh? Kuya, anong ginagawa mo diyan?" tanong ko habang nakatingin sa kanya.
"Nakatayo." pamimilosopo niya kaya napairap naman ako at tuluyang umakyat sa taas.
Dumiretso ako sa kwarto ko saka kumuha ng damit na pampalit ko pagkatapos kong maligo.
Natipuhan kong suotin yung nag-iisang puting bestida ko na nailigtas ko sa kamay ni Theron.
Hindi ko na alam kung saan napunta ang mga ganung damit ko, hanggang sa natagpuan ko nalang na suot-suot na nung kapitbahay namin.
Yun pala pinamigay na nung lalaking yon nang hindi ko man lang nalalaman.
Mabuti pa nga at di siya pinagalitan nila Ina at Kuya.
Pagpasok ko sa banyo ay kaagad ko namang ginawa ang ilang ritwal ko na ginagawa tuwing naliligo.
Pagkatapos ay lumabas ako ng nakapulupot pa ang tuwalya sa aking ulo.
Natagpuan ko sila Ina na nasa kusina habang nagkwekwentuhan kasama sina Kuya, hindi ko nakita si Theron, siguro ay tulog na siya.
Umakyat muna ako sa taas para magpatuyo ng buhok, at masuklay ito ng maayos.
Nang makita kong ayos na ang itsura ko ay bumaba ulit ako para makakain na.
"Anak, ano bang nangyari kay Theron? Bakit amoy alak ang batang iyon?" tanong ni Ama pagka-upo ko sa tabi niya.
"Hindi ko nga po alam Ama kung saan siya nakakuha ng alak, di ko nga rin po agad nahalata na nakainom pala siya." sagot ko saka sumandok ng kanin.
"Eh diba magkasama kayo kanina sa labas? Nagkahiwalay ba kayo?" tanong naman ni Ina.
Natahimik naman ako sa tinanong ni Ina sakin, bigla nalang kasing pumasok sa loob si Theron kanina kaya naiwan ako sa labas.
"Ah---" sasagot sana ako kaso inunahan na ako ni Ate Gia.
"Nagpicture po kasi kami ni Aira, Tita sa may---" naputol naman ang sasabihin ni Ate nang magsalita si Kuya.
"Gia, hindi ba't tinawag ko kayo kanina. Nauna tayong pumasok kesa sa kanila, kaya malaki ang tiyansang nagkasama sila bago nalasing si---"
"Tama na, nasa harap kayo ng pagkain." wika ni Ama na nakapagpatigil kay Kuya.
Napayuko naman ako saka pasimpleng pinagpatuloy ang pagkain.
Hindi ko naman pwedeng sabihin na naiwan ako sa labas kanina, kaya di ko na alam kung saan napunta si Theron.
Pinagpatuloy ko ang pagkain hanggang sa matapos na kaming lahat at ako ang naghugas ng pinagkainan.
Mukhang di na natuloy ang pagkain namin sa may tabing dagat dahil sa nangyare, siguro ay mas pinili nilang maghanap samin kesa sa mag-ayos ng kakainan sa labas.
Makaraan ang ilang minuto ay natapos ko na din ang hugasin ko.
Sandali akong nagpunas ng kamay saka lumabas ng resort, narinig ko kasi kanina na lalabas si Kuya kasama si Ate Gia.
Sila Ama naman ay paniguradong nasa kwarto na at nagpapahinga, ang haba kasi ng biyahe kaya paniguradong napagod din sila.
Bigla kong naalala ang aso ko nang makarinig ako ng tahol, patakbo akong bumalik sa loob at umakyat sa taas para tignan kung saan nailagay yung dalawa kong aso.
Wala akong nakita kaya inisa-isa ko yung kwarto nila sa taas, ngunit kahit buntot ng aso ko ay wala akong natagpuan.
Saan yun nailagay?
Nanlaki naman ang mga mata ko ng may marinig akong iba sa tahol nung aso kanina sa labas.
Dahan-dahan akong bumaba ng hagdan, yung tipong walang maririnig na yabag ko.
Nakarating ako sa baba at mas lalong naging malinaw saken kung nasaan yung aso ko.
"Sa kwarto ni Theron." sabi ko saka kumatok sa pinto niyo pero walang sumasagot.
Siguro naman ay hindi ito kinandado nila Ina kaya malaya akong makakapasok dito.
Pinihit ko ang busol at halos lumuwa ang mga mata ko sa nakita ko.
Aabot pa kaya ako ng bagong taon sa nakikita ko ngayon? Arrgghhh!
Napakagat ako sa ibabang labi ko at pumikit ng mariin, halos makalas naman ang mga buto ko sa panginginig ko.
Natagpuan ko kasing nakasuot nalang ng boxer si Theron, wala pang suot pang-itaas.
Saktong-sakto sa kanya yun at halos bumakat na yung hindi dapat makita ng mga mata ko.
Ang hirap talaga pag inosente ka.
d>_<b
Huminga ako ng malalim saka nilibot ang paningin ko para sana hanapin yung dalawa kong aso.
Pero parang hinihila pabalik yung mata ko sa katawan niya, at hindi ko yun mapigilan.
Ngayon ko lang natitigan ng ganito katagal ang katawan niya. Ramdam ko naman na pinagpawisan ako kaya nasapo ko naman ang sarili kong noo.
"Tama na---"
"V-verena?" parang malulusaw naman ang katawan ko ng marinig ko ang boses na iyon.
Kumabog ng malakas ang dibdib ko. Napayuko nalang ako sa hiyang nararamdaman ko ngayon.
Para na siguro akong nawalan ng dugo ng bumangon siya sa higaan.
"Hindi mo naman sinabing nandyan ka." nakangising sabi niya saka inilahad ang mga kamay niya saken.
"Come here...I punish you." biglang nangatog ang binti ko sa sinabi niya.
"A-ano? A-anong punish?" utal kong tanong.
Nakanguso siya habang nakatitig sa suot kong damit.
Alam mo na Verena, tumakbo kana kung lalapain kana ng tigre. Mas mabuti ng handa, kesa sa malapa.
"Wag mong antayin na magbilang ako, Verena. Wag mo ding hayaan na mahawakan ko iyang damit mo, mawawarak talaga yan saken." seryosong sabi niya na nakapagpaawang ng labi ko.
"Eh? Bakit ba kasi?!" inis kong tanong saka pasimpleng humahakbang palabas ng kwarto niya.
"One,"
"Ano bang problema mo sa damit ko?!"
"Two," nakataas pa ang dalawa niyang daliri habang nagbibilang.
"Lasing kana."
"Three, paabutin mo ng lima, susunugin ko na yang damit mo." banta niya na mas lalong nakapag-pairita sakin.
"Ano bang gagawin ko?!"
"Hubarin mo yan, ayaw kong nakikita kang nagsusuot ng ganyan. Hindi mo ba naaalala?"
"Theron naman---"
"Four,"
"Oh ayan na! Magbibihis na!" pasigaw kong sagot at akmang tatalikod ng may binato siya sa pinto dahilan para sumara ito.
Napalunok ako sa ginawa niya at hindi ko magawang lumingon, dahil pakiramdam ko sa oras na lumingon ako, mawawala na ako sa sarili.
Nagsitayuan lahat ng balahibo ko ng marinig ko ang pagsinghot niya sa buhok ko.
"Bagong ligo ang girlfriend ko, nice." bulong niya saking tenga.
Naiyukom ko ang mga kamao ko dahil di ko na talaga alam kung saan ko mailalabas ang kabang nararamdaman ko.
Maya-maya pa ay may binato siya ulit sa harap, sanhi ng pagkamatay ng ilaw.
Heto na po tayo.
Marahan niya akong hinawakan sa braso at pinaharap sa kanya. Medyo nasisilayan ko pa naman ang mukha niya kasi may lampshade na nakabukas dito.
Hinaplos niya ako sa pisngi pababa ulit saking braso at inaamin ko, kinikilabutan na ako sa ginagawa niya.
"I want to leave a mark in every inch of you, just to remember them that I own you." sabi niya habang namamagaw ang kanyang boses.
Nanunuyo na ang labi at lalamunan ko, parang hindi na ako makapagsalita sa ginagawa niya.
"Theron, wag." sabi ko nang sa isang iglap ay naibaba na niya ang suot kong bestida.
Mabuti nalang at may suot pa akong cycling kaya walang makikita saken.
"I love you." bulong niya sabay halik sa noo ko.
"Mahal din kita, pero sana wag---"
"Ssshhh, just a moment." sabi niya saka ako sinunggaban ng kanyang mainit na halik.
Binuhat niya ako kaya naipulupot ko naman ang binti ko sa bewang niya, hanggang sa unti-unti ko nalang naramdaman ang paghiga ko sa kama.
Tumigil siya sa paghalik saken at matagal akong tinitigan sa mukha.
Hinila ko naman pataas yung makapal na kumot pero pinigilan niya ako.
"Stop. Baka mapilitan akong tanggalin ang natitirang saplot mo sa katawan." nag-init naman ang pisngi ko sa sinabi niya.
Lumapit siya ulit saken at muli niya akong hinalikan sa labi, mas malalim kumpara kanina.
Hinahaplos niya ang buhok ko, pagkatapos ay pinaglalaro niya ang kanyang daliri saking tenga.
"T-theron," gusto ko ng pasakan ng papel ang bunganga ko matapos kong marinig ang kakaibang boses na nanggaling saken.
Bumaba siya sa paghalik saking leeg, hindi ko naman maiwasang mapakapit ng mahigpit sa kanya.
Tinotoo niya nga yung sinabi niya na mag-iiwan siya ng marka saken.
Kinabahan naman ako ng maramdaman kong bumababa na ang halik niya saking dibdib na hindi pa natatanggalan ng bra.
d~ ~b
"Theron---" bago ko pa man masabi ang sasabihin ko ay napasigaw na siya sa sakit.
"Aarrrgghhh! Fuck shit! Ang saket!" sigaw niya at umayos ng upo.
Ganun din ang ginawa ko saka binalot ang katawan ko ng kumot.
"Damn!" napamura siya ng sunud-sunod habang tinitignan ang daliri niya sa paa.
"A-anong nangyare?"
"Kinagat ako sa paa nung aso!" sigaw niya na nakapagpangisi saken.
Buti nga yan sayo! Kung di kapa kinagat ng aso, baka kung saan na mapupunta yang halik mo!