Binuhat ni Joe si Steffi pabalik sa kwarto. Nakasunod lang si Anika. Nakatitig sa likod ni Joe. Parang hypnotized.
Ang gwapo pati ng likod nya. Ang sarap yakapin.
Parang may gravity si Joe sa likod. Automatic napapalapit si Anika. Dahan-dahan…
Agaw eksena uli ang asungot.
“Anuba…wag dyan, may kiliti ako dyan…ZzzZz” nananaginip pa din si Steffi. Maharot kahit tulog.
Napaisip si Anika about Joe.
Kahit weirdo. Gentleman naman pala.
Okay na sana lahat. Nang muling nagbago ang ihip ng hangin. Umastang weird na naman si Joe.
Habang buhat niya si Steffi, dahan-dahang tinaas nito si Steffi. Nagtaka si Anika. Kinabahan.
Anong nangyayari sa kanya? Anong ginagawa nya sa kapatid ko?
Biglang humarap sa kanya ni Joe. Natakot si Anika. Pula na ang mga mata ni Joe! Tinubuan ng mga pangil! Sabay tawa ng malakas, “BWAHA!-HA!-HA!-HA!”
Dracula?
Nangingig sa takot si Anika, “Sabi ko na, may sa demonyo ka!” sabay sign of the cross.
Nag-alala si Anika para sa kapatid, “Ibaba mo ang kapatid ko! Ibaba mo siya!” sigaw nya.
Umiling lang si Joe. Binuka ang bibig. Ang talim ng mga pangil. “GGRRRRR”
“No… please… Huwag si Steffi! Ako na lang!” pakiusap ni Anika. “Gusto pang sumikat ng kapatid ko!”
Parang lalong lumakas ang tawa ni Joe.
“Maniwala ka sakin! Sisikat pa siya!”
“BWAHA-HA-HA! BWAHA-HA-HA”
Taranta si Anika. Hindi alam ang gagawin. Dehado siya. Wala siyang laban.
Wala siyang hawak na kawali. Naiwan pa nya ang tablet sa sofa! Paano na yan?
Nilakasan na lang ni Anika ang loob. She decided to save Steffi.
Bahala na si Batman. Nagpaka-Darna siya. Nagpaka-Bayani
Sinugod ni Anika si Joe.
***
“Bitawan mo siya!” Sigaw ni Anika.
Nagulat ang mga tao sa paligid niya… To reveal, nasa loob ng isang classroom si Anika. Sa gitna ng klase. Nagsasalita habang tulog. Lahi na yata nila ang may sleep disorder. Kung hindi somnambulism or sleepwalking. Sleeptalking.
Sa likuran ng classroom nakapuwesto si Anika. Hindi na sana mahahalata na natutulog siya sa klase—kung hindi lang siya nagsalita.
Napatigil ang teacher sa paglelecture… Si Miss Doris R. Acuna. Or D.R.Acuna for short. Pero ang codename nilang magkakaklase, Binibining Dracula. Sobrang puti kasi ng mukha ni Acuna, parang hindi naaarawan. Pero ang totoo -- nasobrahan lang sa Gluta!
Dahil sa pagsigaw ni Anika, nalaman ni Bb Dracula, at ng buong klase, na natutulog siya. Bad trip si Mam! It’s bad enough na tinutulugan ng student ang Chemistry class niya, nag-iingay pa!
Lalapitan ni Bb Dracula si Anika, naka-kunot na ang noo.
“Anika Andres!” Paninita ni Mam.
“Demonyo ka!” Sagot ni Anika.
Pero tulog pa rin ito. Lalong nagalit ang teacher. Ang mga kaklase ni Anika, nagpigil tumawa. Ang iba, humahagikhik na. Galit na si Mam! Namumula ang dating maputlang mukha. Nanlilisik na ang mata.
“Anikaaaaaaaaaaaaaaaa!” Tili ni Mam.
Naalimpungatan si Anika. Pero tulog pa ang diwa niya. Akala niya nasa bahay siya. “Last five minutes, Steffi!” Pakiusap niya.
Lalong nagalit si Mam!
“Doon ka matulog sa bahay nyo… huwag sa klase ko!!!” Malakas na sigaw ni Bb. Dracula. Saka lang tuluyang nagising si Anika… natauhan.
Biglang tumayo si Anika, sabay punas ng natuyong laway sa gilid ng bibig.
“Sorry po, Maam!”
Nakakatakot ang itsura ni Mam! Sa isip ni Anika, mukha talaga siyang Dracula.
Ginala ni Anika ang mga mata. Buong klase, sa kanya nakatingin.
Mukha ni classmate 1, nakanganga sa ginawa nya. Mukha ni classmate 2, napapailing sa kanya. Mukha ni classmates 3 to 21, pinipigilang tumawa. At ang mukha ni seatmate…si Melvin, ang crush nya, nakangiti lang sa kanya. Tuwang-tuwa sa itsura nya. Tuwang-tuwa o tawang-tawa? Magkaiba yun!
Nakakahiya ka, Anika! Ka-Turn off! UGH!
“Nakakahiya ka talaga Miss Andres!” puna ni Bb. Dracula. “Ginawa mong bedroom ang klase ko! Ano naman ang excuse mo ngayon, aber?”
Si Anika, napayuko sa sobrang hiya. Pinapagalitan na naman siya ng ironically favorite nyang teacher. Sa favorite nyang subject.
Hindi ito ang first time na nakatulog siya. Nagsimula lahat, a couple of weeks ago.
***
Noong unang nakatulog si Anika sa klase ni Bb Dracula, may dahilan siya – sinamahan niya si Steffi na mag extra sa isang soap opera.
Inabot sila ng 2 am sa taping! Pero noong pinalabas na sa TV, na edit out ang eksena ni Steffi!
Noong pangalawang beses na nakatulog siya, kasama pa rin niya si Steffi. May audition ang Pinoy Big Brother. Alas kwatro pa lang, gumising na siya para samahan si Steffi na pumila sa labas ng bahay ni Kuya.
At ngayon, si Steffi na naman ang dahilan! Dahil sa malakas na hilik ni Steffi kagabi at dahil sa napurnadang halik ni Joe – hindi tuloy nakatulog si Anika. Ayaw dalawin ng antok. Ngayon lang nagpakita si Antok, sa klase ni BB Dracula!
“Maam Sorry po talaga...” Sabi ni Anika.
KRINNNGGGGG!
Saved by the bell siya. Naglabasan agad ang mga kaklase. Walang pakialam sa kanya.
Bago umalis, may pahabol si Bb. Dracula, “See you in my office …3:30PM”
Si Anika, naiwang mag-isa. Hiyang-hiya sa nangyari.
“Okay lang yan…!” sabi ni Melvin. Binalikan siya.
Dapat siyang kiligin dahil kinausap siya ni Melvin at chineer up. Pero mas hiya ang naramdaman ni Anika. Yuko agad si Anika.
Wala na siyang mukhang maihaharap sa crush nya.
May nabasa si Anika sa upuan, sulat pentel pen. TULOY LAWAY ANG NAKAUPO DITO!
Kainissss!
Sinubukan ni Anika na burahin ang nakasulat gamit ang kamay nya. Tanga. Pentel pen nga eh. Also known as Permanent Marker. Permanent.
Si Melvin, nilapitan si Anika, “Wag mo na isipin yon” sabi ni Melvin. “Ang mahalaga nakatulog ka”
Tama naman si Melvin. Importante ang tulog! Pero huwag sa klase! Sayang ang tuition!
Hindi pa rin makatingin si Anika kay Melvin. Feel nya sobrang turn off na ito sa kanya. Feel nya never na siyang magugustuhan nito. Nang biglang…
Hinawakan ni Melvin ang kamay nya. Nagulat si Anika. Biglang iniwas ang kamay.
“Madumi ang kamay ko” sabi ni Anika.
“Okay lang” sabi ni Melvin. Sabay hawak uli kay Anika.
Agad-agad tumibok ang dibdib nya. Ang bilis. Parang may karera ng kabayo.
Biglang nakalimutan ni Anika ang lahat ng kahihiyang sinapit nya.
Kinikilig siya deep inside.
Eeehhhh…
First time syang mahawakan ni Melvin. Mas mahigpit sa hawak ni Joe kagabi.
Chance ko na to!
Hinigpitan ni Anika ang hawak nya kay Melvin. May nasense siya…
Magaspang. Puro kalyo. Dahil sa kaka-basketball?
Dedma. Napatingin si Anika kay Melvin. Nakatingin din ito sa kanya. Eye to eye sila. Sobrang kinikilig.
Si Melvin, may nasense din sa kanya… “O, may muta ka pa!”
SHET. @%$*%&# :(
Biglang tumalikod si Anika kay Melvin. Tinanggal ni Anika ang mga muta nya.
Ano ba Anika, kanina ka pa. Umayos ka nga!
“Lika, Halo-halo tayo! Libre kita” yaya ni Melvin.
Ililibre nya ko? Parang si Steffi? Ayoko, baka isipin nya. Freeloader kami. Lahi ng mga PG.
“Salamat, pero busog pa ko” tanggi ni Anika.
“Papilit ka pa. Lika na!” sabay hawak ni Melvin sa kamay ni Anika na ginamit na pantanggal ng muta.
Hindi na nakatanggi si Anika. Aarte pa ba? Si Melvin na ito. Kahit anong gawin ni Melvin sa kanya, susunod na lang siya.
“Kahit ikaw pa si Dracula, handa akong magpasispsip ng dugo sa iyo… “ Naisip ni Anika.