VERENA'S POV
Nagising ako ng may maramdaman akong humahaplos sa pisngi ko, pagdilat ko ay bumungad sakin ang puting kisame.
Nagbaba ako ng tingin at nakita ko si Kuya na halatang nagulat sa akin, umayos siya agad ng upo at binitawan ang pisngi ko.
"Gising kana pala, Naira." nakangiting sabi niya kaya nilibot ko naman ang paningin ko.
Hindi ko namalayang nakatulog na pala ako sa Hospital dahil sa pagod.
"May masakit ba sayo?" tanong niya pero umiling lang ako.
Binalot kami ng katahimikan, hindi ko naman alam ang dahilan kung bakit parang naiilang sakin si Kuya ngayon.
"Kuya, ayos kalang? Bakit parang naiilang ka sakin?" tanong ko, nakita ko naman ang ilang beses na paglunok niya.
Napansin ko pa ang kanyang laptop na nakalapag sa sofa.
Para saan yun?
"Uhm, Naira, m-may...gusto lang sana akong ipakilala sayo." alanganing sabi niya kaya napakunot naman ang noo ko.
Tumayo siya at lumapit sa may sofa saka dinampot yung laptop.
Umusog ako ng kaunti kasi umupo siya sa may tabi ko, pinatong niya yung laptop sa kanyang kandungan at nagsimulang pumindot doon.
Pinanood ko lang kung ano ang gagawin niya hanggang sa lumabas sa screen nung laptop ang mukha ng isang babae.
dO___Ob
Ang ganda niya! Sino kaya ito?
"Gia, good evening." bati ni Kuya dun sa babae.
"Good evening din babe." nanlaki ang mga mata ko sa tinawag nung babae kay Kuya.
B-babe? Siya ba yung babaeng katawagan ni Kuya kanina?
"Ahm, gising na yung kapatid ko. Diba gusto mo na siyang makausap?" napatingin si Kuya sakin, naningkit naman ang mga mata ko.
"Magpaliwanag ka sakin mamaya Kuya." mahinang sabi ko kaya natawa naman siya.
"Oo! Gusto ko ng makilala kapatid mo, I'm sure na magugustuhan niya ako." dinig kong sabi nung babae.
Napabuga nalang ako ng hangin at sumandal sa may ulunan ng kama.
Nilipat sakin ni Kuya yung laptop niya sa kandungan ko at ako naman ngayon ang kaharap nung babae.
"Oww, Hi little girl. Ano pangalan mo?" tanong sakin nung babae, napanguso naman ako dahil hindi man lang ako pinakilala ni Kuya sa kanya.
"Verena Naira," sagot ko kaya napangiti naman siya.
"Ang ganda ng pangalan mo! Pwede ba kitang tawaging Aira?" naitikom ko naman ang bibig ko dahil sa sinabi niya.
Aira? Ang ganda naman ng palayaw ko sa kanya. Hehehe!
"Uh, pwede naman." napapalakpak naman siya sa sagot ko.
"Good! Ako naman ngayon magpapakilala sayo, I'm Gia Alonzo, girlfriend ng Kuya mo." kaagad na nawala ang ngiti sa labi ko.
Tinignan ko si Kuya na ngayon ay nagkakamot ng kanyang batok.
"Sabi ng Kuya mo sakin, pupunta kana dito next year sa Manila kasi gagraduate kana ng 2nd year college. Tama ba ako?" sabi niya kaya napatingin ako ulit sa screen nung laptop.
"Opo."
"Excited na akong mameet ka in person Aira. And by the way, diyan pala ako magcecelebrate ng Christmas and New Year."
"ANO?!" gulat kong sabi kaya natigilan naman si Ate Gia.
"Naira, bakit kaba sumigaw diyan? Nakakahiya." mahinang sabi ni Kuya kaya kinurot ko naman siya sa tagiliran.
Napatayo siya at nagtatatalon dahil sa sakit nung kurot ko sa kanya.
"Ayaw mo ba?"
"H-hindi naman, nagulat lang ako...Ate Gia." ngumiti naman siya sakin.
"I like it when you call me Ate, feeling ko may kapatid akong babae."
Magsasalita pa sana ako ng biglang bumukas ang pinto at pumasok si Theron, may bitbit na paperbag.
Nilapag niya yun sa maliit na mesa na nasa tabi ko at tinignan niya yung binti kong may benda.
"Are you alright now?" tanong niya kaya sinamaan ko naman siya ng tingin.
"Ikaw kaya tuklawin ng ahas!" inis kong sabi kaya napatawa naman siya.
"Uhm, sino yang kausap mo Aira?" bigla kong naalala na may kausap pa pala akong isa.
"Ah, si Theron---"
"Feauture boyfriend niya." biglang singit ni Theron na ngayon ay nasa tabi ko na.
"Anong sabi mo?!" halos umusok na yung ilong ko sa galit sa kanya.
Tumingin naman siya sakin at kinurot ang ilong kong nananahimik.
"Aray! Wag mo nga akong kurutin! Kuyyaaaa!!!" naiiyak kong sabi kaya agad naman siyang hinila ni Kuya palayo sakin.
Maluha-luha kong hinaplos ang ilong ko, ramdam kong namumula na yun dahil sa kurot niya.
"Aww, ang cute niyong dalawa."
"Humanda ka sakin Theron, ibabalibag kita!" sigaw ko pero nakalabas na siya ng kwarto.
Lumapit sakin si Kuya at binuhat ang laptop palayo sakin.
"Sandali Kuya! Hindi pa ako nagpapaalam kay Ate Gia!" nakangusong sabi ko kaya agad na tinapat sakin ni Kuya yung laptop.
"Paalam Ate, gusto na rin kitang makita sa personal." nakangiting sabi ko saka kumaway.
"Goodbye Aira, kapag nagkita tayo, we will have a girl's bonding." sabi niya kaya tumango naman ako.
"Sige na babe, pagpapahingahin ko lang itong kapatid ko." sabi ni Kuya.
"Sige, ikaw rin Babe. I love you, hope to meet you soon."
"I love you too." sabay flying kiss dun kay Ate Gia.
Napangiwi nalang ako dahil sa kalandian ng Kuya ko, ngayon ko lang nalaman na may tinatagong karisma pala itong Kuya ko.
Nang mapatay na niya yung tawag ay agad na tumabi sakin si Kuya at niyakap ako.
"Salamat Naira, dahil hindi ka nagalit sakin. Kasi di ko agad sinabi sayong may girlfriend na ang Kuya mo." sabi niya sabay kumalas sa pagkakayakap ko.
"Tago-tago pa, malalaman din naman."
Ginulo niya lang ang buhok ko saka tumayo at binuksan ang pinto.
"Pasok!" dinig kong sabi ni Kuya at patakbong pumasok si Theron saka umupo sa sofa.
Nagpalitan lang sila ng masamang tingin saka tumabi ulit sakin si Kuya.
"Masakit paba yung sugat mo?" tanong niya saka tinanggal ang kumot na nakabalot hanggang bewang ko.
"Hindi na---Aray!" napadaing ako nang walang alinlangang kinapa yun ni Kuya.
"Hindi na nga." sarkastikong sabi niya saka tumayo at binitbit ang isang kahon, kung saan naglalaman yun ng mga pampalit na benda.
"Don't hurt her." sabat nung lalaking nakaupo kaya binato naman siya ni Kuya ng bulak.
"Manahimik ka diyan, kundi itatali na kita patiwarik." mariing sabi ni Kuya saka nagsimulang palitan ang benda ko.
"Kuya, asan nga pala sila Ina?" tanong ko.
"Nasa labas, binabayaran lang yung bills mo para makalabas kana maya-maya." sagot niya.
Umayos nalang ako ng higa at hinayaan si Kuya sa kanyang ginagawa.
Nang matapos ng palitan ni Kuya ang benda ng binti ko ay bigla naman akong may naalala.
"Kuya, may cocktail party nga palang magaganap sa susunod na linggo sa eskwelahan namin. Para daw may konting kasiyahan ang magaganap bago man lang daw kami magbakasyon." nakangiting sabi ko.
"Mabuti naman, para maranasan mong makapunta sa ganung okasyon." napanguso naman ako sa sinabi niya.
Lagi nalang niya kasi akong pinagbabawalan pumunta sa mga ganung okasyon mula pa nung High School ako, kaya wala akong nagiging kaibigan eh.
"Earl, halika't samahan mo muna kami ng iyong Ama sa labas. Madami kasing sinasabi ang doktor, baka ito'y makalimutan ko agad." sabi ni Ina pagpasok niya ng kwarto.
"Sige po." sagot naman ni Kuya saka dali-daling sumunod palabas.
Huminga nalang ako ng malalim at pinikit ang mga mata ko.
"Kumain ka muna, sayang naman yung binili kong pagkain para sayo." napadilat agad ako ng marinig ko ang sinabi niya.
Andyan pa pala siya.
Bumangon ako saka kinuha yung paperbag na nilapag niya kanina sa lamesita.
Pagkabukas ko ay nakita kong puro prutas ang nasa loob nito.
"Bakit puro prutas?"
"May sugat ka, kaya kailangan mong maibalik ang mga nutrients na nawala sayo." napangiwi nalang ako dahil ramdam kong seryoso ang sagot niya sakin.
Binalatan ko nalang yung saging saka nagsimulang kainin ito.
Hindi ko naman maiwasang mailang dahil bawat pagsubo ko ay nakatitig si Theron sakin.
"Wag mo nga akong tignan ng ganyan, baka ipalamon ko sayo itong kinakain ko." biro ko pero natigilan ako ng tumayo siya at lumapit sakin.
Dumiretso sa lalamunan ko ang halos kalahating saging na kinagat ko dahil sa gulat ng nilapit niya ang mukha niya sakin.
"Why not?" nakangising sabi niya kaya hindi ko naman inaasahang mabibitawan ko ang hawak ko.
Binalot ng kaba ang dibdib ko nang maamoy ko na ang hininga niya, dinig na dinig ko na din ang mabilis na tibok ng puso ko.
"Oyy, l-lumayo ka nga." sabi ko at binaling sa ibang direksyon ang mukha ko.
"You're blushing, Verena." sabi niya saka hinawakan ako sa magkabilang pisngi at pilit na pinatingin sa mata niya.
Napakagat ako sa labi ko at pilit na tinatago ang kabang nararamdaman ko.
Binitawan niya ang pisngi ko, akala ko doon na nagtatapos iyon, pero nagkamali ako.
Gamit ang hinlalaki niya ay hinaplos niya ang aking labi.
Nagdulot ng kakaibang pakiramdam ang pagdampi ng mainit na daliri niya sa labi ko.
"Nanunuyo na naman ang labi mo, kailangan na nating gamutin." sabi niya sabay dahan-dahang binaba ang kanyang kamay patungo sa batok ko.
"Theron," mahinang tawag ko sa kanya. Napayuko nalang ako dahil sa hiyang nararamdaman ko.
Hinawakan niya ako sa baba at inangat ang ulo ko.
"Let me...taste your lips." yun nalang ang narinig kong sabi niya.
Hanggang sa naramdaman ko na ang malambot niyang labi na dumampi sa labi ko.
Ito ang unang pagkakataon na, hinalikan ako sa labi.
Hindi ko pa aakalain na sa taong hindi ko pa inaasahan...ang makakakuha nito.