VERENA'S POV
Nagising ako dahil sa ingay na nanggagaling sa labas.
Hindi ko na alam kung anong oras pero parang hapon na.
Bumangon ako ng dahan-dahan kasabay nun ang pagsakit ng ulo ko.
Napahawak pa ako sa noo ko at nakapa ko na naman ang benda na nakapulupot pala sa buong ulo ko.
dO__Ob
Bigla kong naalala ang nangyari kanina sa burol, nanguha ako ng mangga tapos...tapos...tapos...
"NAHULOG AKO?!" sigaw ko.
Bigla namang bumukas ng malakas ang pinto at niluwa nito si Ina kasama si Kuya.
"Anak? Bakit ka sumigaw? May masakit ba?" nag aalalang tanong ni Ina pero umiling lang ako.
Napansin ko si Kuya na basang basa ang damit at gulo gulo ang buhok niya.
"Kuya? Ano nangyare sayo?" takang tanong ko habang pinapasadahan ng tingin ang katawan niya.
"Kasalanan ito nung lalaking yun eh!" nakangusong sigaw niya.
Habang si Ina naman ay nagpipigil ng tawa sa tabi ko.
Nanlaki ang mga mata ko nang may marinig akong isang tahol ng aso.
"Aso," mahinang bulong ko at napatingin sa pinto.
"Arf arf arf!" sunud-sunod na tahol nung isang asong chihuahua na kulay puti.
"Waaahhhhh!!!" napatili ako at sinalubong ang asong pumatong sa kama ko.
"Ang cuutteeeee!" gigil na sabi ko at hinaplos haplos ang katawan nito.
Napanganga naman ako ng may pumasok pang isang aso at kulay itim naman ito.
Kaso...bakit may kagat kagat siyang tela sa kanyang bunganga?
"Arf arf!" tahol niya at pumatong din sa kama ko.
Binitbit ko yung dalawa at tumingin kay Kuya na ngayon ay nakangiti sakin.
"Kuya, ikaw bumili nito?" tanong ko sabay yakap sa dalawa.
"Pinabili ko kina Ama at Ina kanina, diba nagtanong kapa nga kung nasaan sila kanina? Yan! Yan yung binili nila, para sayo." sagot niya sabay hinubad ang suot niyang T-shirt dahil basa na nga ito.
Napangiti nalang ako saka pinang-gigilan ang dalawang aso na ngayon ay nasa harapan ko na.
Matagal ko nang pangarap na magkaroon ng aso, lagi ko itong sinasabi kay Kuya nung bata palang kami.
Kapag nakakita ako ng aso, kahit saan ay hinahawakan ko.
Kahit asong gala nga eh.
"Anak, nagugutom kana ba? May ulam na dun. Kain na tayo." saad ni Ina.
"Sige po, susunod nalang ako sa hapag kainan." sagot ko naman.
"Baka mamaya di kana kumain dahil sa aso mo hah," natatawang sabi ni Kuya.
"Hindi noh. Nga pala, salamat Kuya." sabi ko saka tumayo at niyakap siya.
"Welcome bunso, sumunod kana dun hah." sabi niya saka lumabas sa kwarto ko.
Napalingon ako sa kama ko pero wala na yung dalawang aso.
Hala! Nasaan na yun?
Halos mapatalon ako sa gulat ng may marinig akong sumigaw sa labas.
"Aaaahhhh! Stay away from me!" dali dali naman akong lumabas at napatakip ako sa bibig ko sa nakita ko.
"Hahahahahahahahaha!!!" tawa ko sabay hawak sa tiyan.
Nakita ko kasi si Theron na nakapatong na sa lamesa at pilit na pinapaalis yung dalawa kong asong nakaabang na sa kanya.
Pansin ko pang punit ang short na suot niya, siguro yung itim na aso yung may gawa nun.
"Shut up! Huwag mo akong tawa---damn you fucking dog!" sumalubong naman ang kilay ko dahil sa pagmumura niya sa walang kamuwang-muwang na aso ko.
"Hoy lalake! Wag mo ngang murahin yung aso ko!" sita ko sa kanya sabay buhat dun sa dalawa.
"Ilayo mo sakin yan! Kundi, baka masaktan ko pa ang aso mo!" galit na sabi niya pero halatang natatakot parin siya sa aso ko.
"Sige, subukan mo. Ipapakagat ulit kita." pagbabanta ni Kuya na ngayon ay nagpipigil na ng tawa.
Nilayo ko yung dalawa kay Theron at nilapag sa may botaka namin.
Napahawak naman ako sa baba ko habang nag-iisip ng ipapangalan sa kanila.
Hhmmm, ano kaya pwede?
"Kuya?" tawag ko sa kanya.
"Bakit?"
"Saan yung babae diyan at lalaki?" tanong ko.
"Yung puti, yan yung babae. Samantalang yung lalaki naman yung itim." sagot niya kaya napatango naman ako.
Aha! Alam ko na!
Umupo ako sa sahig sa may tapat nila, at binuhat silang dalawa.
"Ikaw, ang ipapangalan ko sayo ay Nai." sabi ko habang tinuturo ang puting aso.
"Ikaw naman, ay si Nik!" yung itim na aso naman ang kinausap ko.
"What? Nik? Don't tell me pinangalan mo sakin yang asong yan?!" inis na tanong ni Theron na ngayon ay nasa likuran ko na pala.
"Ano bang pake mo?" mataray na tanong ko.
"Oh, mamaya na yan. Kumain na muna tayo at mag-gagabi na." sabi ni Ama kaya nagtungo na ako sa kusina kasama ang dalawang aso.
Binitawan ko sila at nanigas naman si Theron sa kinatatayuan niya ng lumapit sa kanya yung dalawa.
"Nik! Nai! Layuan niyo yan, baka masakal kayo." pagbibiro ko kaya agad naman silang sumunod.
Sinamaan lang ako ng tingin ni Theron kaya napangiwi nalang ako.
Akmang uupo siya sa tabi ko pero pinigilan siya ni Kuya at tinuro ang katapat niyang upuan.
Napabuga nalang siya ng hangin saka pilit na umupo sa katapat nitong upuan.
Bago kami kumain ay ako na ang nanguna sa pagdadasal.
Pagkatapos nun ay nagsimula na kaming kumain, ulam namin ay paksiw na bangus.
Habang kumakain ay di ko maiwasang tumingin kay Theron.
Namumutla at halatang takot parin sa aso.
"Naira, bukas ay may pupuntahan tayo kaya maaga kang gumising hah." sabi ni Kuya dahilan para mapatingin ako sa kanya.
"Saan Kuya?"
"Bibilhan natin ng mga gamit yung aso mo, hindi ko kasi nasabi kina Ina kanina. Kaya tayo nalang." sagot niya kaya tumango nalang ako.
Pagkatapos kumain ay ako ang naghugas ng pinagkainan habang nakapatong yung dalawa sa lababo.
"Ayaw mo talagang malayo ang aso mo sayo noh?" napairap nalang ako ng may magkomento sa likuran ko.
"Baka kasi kainin ng tigre." sagot ko.
Binilisan ko na yung paghuhugas at nagtungo sa kwarto ko.
Nilaro ko si Nai at Nik nang mag-isa sa kwarto.
Nakarinig ako bigla nang pag-aaway sa labas ng kwarto ko.
"Hindi nga pwede sabi eh!" boses ni Kuya.
Hindi ko alam kung sino kausap niya pero sigurado akong si Theron na naman yun.
"But, why?"
"Kasi bawal. Dun ka sa kwarto ko."
Napatigil lang ako ng biglang pumasok si Kuya bitbit ang unan at kumot niya.
d0_0b
Diba may kwarto siya? Bakit nandito siya ngayon?
"Kuya? Anong ginagawa mo dito?" tanong ko.
"Dito ako matutulog, yung lalaki dun sa kwarto ko." simpleng sagot niya sabay naglatag ng banig sa baba ng kama ko.
Napakibit balikat nalang ako saka bumalik ulit sa paglalaro ng aso.
"Ikulong mo na yan Naira. Maaga tayo bukas." napanguso naman ako saka binitbit ang mga aso papuntang labas.
Dadaanan ko pa ang kwarto ni Kuya bago ko marating ang pinaglagyan niya ng kulungan.
Kinulong ko na sila at kinandado ang pinto nito, para siguradong di sila makakawala.
Uminom muna ako ng tubig sa kusina bago nagtungo sa kwarto.
Bago ko pa marating ang pinakamamahal kong kwarto ay may nagtakip na ng panyo sa mata ko.
Hindi na ako nakasigaw dahil tinakpan na niya ang bibig ko.
Nanlamig ako ng marinig kong nagsara ang pinto.
Tinulak niya ako kaya napaupo ako sa kama, naramdaman kong malambot ito kaya alam kong kay Kuyang kwarto toh.
"T-theron?" mahinang sabi ko.
Malakas talaga ang kutob ko na si Theron ang nagpasok sakin dito kasi siya lang naman ang alam kong pinapasok dito.
"Gusto ko dito ka matulog." dinig kong sabi niya.
"Nababaliw kana naman ba? Pwede ba Theron, tigilan mo nga---" napasinghap ako ng maramdaman kong hinalikan niya ako sa pisngi.
"Daldal mo, matulog kana lang."
"Ayoko! Ayoko! Ayo---"
"Bakit ayaw mong matulog? Gusto mo bang may gawin pa ako sayo bago ka matulog?" napalunok ako dahil sa sinabi niya.
Aba'y siraulo pala eh! Gusto mo bang ikaw unang patulugin ko.
Tinanggal ko yung panyong nakalagay sa mata ko, nanlaki naman ang mga mata ko ng makita kong panyo ko ito.
"Saan mo ito nakuha?" tanong ko pero nagkibit balikat lang siya.
"Sasagot ka o sasapakin kita diyan?" pagbabanta ko.
"Easy, I just want to sleep with you. Ayaw kong matulog mag-isa." nakangusong sabi niya kaya napapikit naman ako.
Kamukha siya nung aso ko.
Tumayo nalang ako saka nagtungo sa pintuan.
"Bawal." sagot ko kaya bumagsak naman ang balikat niya.
"But---" hindi ko na tinapos ang sasabihin niya dahil sinarado ko na ang pinto.
Huminga ako ng malalim bago pumasok sa kwarto ko.
Bumungad sakin si Kuya na nakasandal sa pader kung saan kadikit lang nito ang kwarto niya.
"Paano ka nakapasok doon?" seryosong tanong niya saka pinagkrus ang kanyang braso.
"Eh, kasi---ano Kuya, ahhmmm---"
"Sumagot ka Verena." napatingin naman ako sa kanya.
Halatang galit na si Kuya dahil sa itsura niya ngayon.
"Kuya, tinakpan niya kasi ng panyo ang mata ko saka niya ako pinasok---"
"ANO?! ANONG PINASOK NIYA?!" nanlaki ang mga mata ko sa tanong niya.
Nilapitan ko siya saka binatukan.
"Baliw ka Kuya! Patapusin mo kase ako!" sigaw ko sa kanya. "Pinasok niya ako sa kwarto mo!" dagdag ko pa saka nagtungo sa kama ko at humiga.
Siraulo na talaga sila.