هئحم .. عندي ليكم مفاجأة في هذا البارت 😍🙈
ــــــــــــــــــــــــــــــــــــــــــــــــــــــــــــــــــــــــــــــــ
#عيلتنا
.
.
.
.
فتحلنا البلستيشن و قعد يعلم فينا كيف نلعبوا و فجأة طق الباب..
وسام : دانا بري أفتحي.
ميس : تو نمشي انا .
وسام : براحتك .
ميس 'وقفت و مشت'
وسام : شني هلال ما تبي تلعبي؟
انا "ببرود" : لا.
وسام : غريبة.
انا 'إبتسمت من غير نيه'
وسام 'رفع حاجبه بإستغراب' : ربي يشفي.
انا "بعصبية" : انا مش مريضه حتى تدعيلي بالشفاء.
وسام 'ضحك' : أعصابك .
انا 'قلدت ضحكته' : يحساب دمه خفيف .
وسام 'عقد حواجبه' : صوتك يا بنت ما يعلى عليا.
انا 'شفتله بإستهزاء' : من تكون حضرتك يعني .
وسام 'وقف جنبي و نزل راسه' : هلال ما تختبري صبري فاهمه .
انا 'سكتت و قعدت نشوف للبلستيشن'
وسام 'تلفت لمرام' : وين ميس؟
مرام : مشت تفتح الباب.
:يا وســام.
وسام 'تلفت و مشى'
دانا : مني ؟
انا : مندري تعالي نشوفوا.
دانا : هي
' طلعنا و أول شيء شفته هو ميس مغمى عليها '
انا 'مشيتلها بسرعة' : ميس يا ميس.'رفعت رأسي و شهقت'.. سالم؟؟
دانا 'حضناته بالقوة و قعدت تبكي'.
سالم 'مشى يده على شعرها' : خلاص يا دانا..بالشوية عليا.. 'باعدها من حضنه و حط يده تحت قلبه'
وسام 'نحى يد سالم و تحسس المكان.. شاف لسالم' : مصاب!
سالم : أيه .' حط يده على كتف وسام' .. بالله وصّلني للدار.
وسام : تمام هي 'مشوا'
ملك : تي قيمو البنت شن تستنوا .
انا : به هيا 'قمناها و حطيناها على الكنبة'
دانا 'قعدت تبكي'
حسناء : دنونه حبيبتي علاش تبكي.
دانا : دموع الفرح هاذوا ... مش قادرة نوصف فرحي الا بالدموع.
ملك 'إبتسمت' : الحمدلله على سلامته .
دانا : سلمك.
وسام 'طلع من الدار' : دانا كلمتى محمود؟
دانا : لالا.
وسام :غريــبه .. باهي تكلميه ولا نكلمه؟
دانا : تو نكلمه انــا.
وسام :به ... انا في داري كان تبو حاجة.'مشى'
دانا :به.'طلعت تليفونها و إتصلت بمحمود' .. ايوا محمود ... في حوشنا ..'ضحكت' لا لا مزال ... هئحم .. غر إسمعني توا .. عندي خبر يهبــل... لا... سالم جى .. 'ضحكت' والله جى توا ... اي حي امالا ميت؟ ... به .. باي 'سكرت'
ملك "بخبث" : خيرك تضحكي!
انا: لا خلاص. عيب توا .
ملك : امم .. هي وحدة منكم ترتبط نبي نقصقص.
حسناء 'ضحكت' : عليك بميس.
ملك : لـــاـ لا ... هاذوا كان نسمعلهم مرة وحدة يجيني جفاف عاطفي فوتيهم.
'ضحكنا'
حسناء : امالا إرتبطي.
دانا : مني هذا اللي بيحبها؟ بالذات بعنادها من أول يوم ينفصلوا .
انا 'ضحكت' : محمــد ومن غيره!
ملك 'دق قلبها بالقوة' : مصحك.
حسناء : حــي خدودها حمر.
انا 'ضحكت' : عجبها .
ملك : تافهين .. بننزل انا 'مشت'
حسناء : هي ننزلوا ؟
انا : علاش!
حسناء : أكيد بيهدرزوا مع خوهم .
دانا : سلمها الفاهمة.
انا : به هيا ... حي مرات انتي اهنا!
مرام 'ضحكت'
حسناء : هادية مش زي أختك .
دانا : ايــح مرااام هادية ... هاذي يمشي معاها مثل. تحت السكوتي موتي.
'ضحكنا'
حسناء : زعما!
دانا : نبصملك بالعشرة.
مرام : شني مريشاتك انا؟
انا : اووو ... معناها كلام دانا حق.
+طق الباب+
انا 'فتحت الباب' : اوو محمود ... مولي طرف.
محمود 'ضحك' : قوليلها.
دانا : مصح وجهكم.
انا&محمود: مني؟
دانا : انتوا.
انا 'ضحكت' : غيورة .. زعلت مرتك
محمود : عادي عادي نعرف كيف نرضيها.
مرام 'ضحكت' : يا خطير.
دانا 'مشت لدارها'
انا : زعلت بالحق هاذي.
محمود : تو نتصرف معاها.
حسناء : ربي يعقد عسلكم و هيا انتي وياها .
انا & مرات: هيا 'نزلنا .
ــــــــــــــــــــــــــــــــــــــــــــــــــــــــــــــــــــــــــــــــ
وسام ﴾﴾﴿﴿
مشيت لداري و انا مغمور بالفرحة لدرجة إني مشعارف شن إندير .. طلعت تليفوني و إتصلت بـبسام .
انا : الو.
بسام : ها ويسو.
انا : كان نقولك شن صاار توا.
بسام : شن في إن شاء الله خير.
انا : خيــر خير.
بسام : شني ؟؟
انا : سالم حـــي.
بسام : شني ! جديات ؟
انا : تي اي اي ... أقسم بـربي اللي خلقني .
بسام : كيف و من قالك؟
انا : تي جى توا .
بسام : الحمدلله ... انا جاي هي 'سكر'
انا "براحة" : الله ... نكلم محمد ... والله لما يطير من الفرحة 'إتصلت بيه'
.. ها محمد.
محمد : نعم !
انا : تعالى نبيك بسرعة بسرعــة.
محمد : خير شن في؟
انا : غر تعالى بسرعة .
محمد : باهي به .
انا 'سكرت التليفون و مشيت لسالم أول ما فتحت الباب شفت محمود مقعمز ع الكنبة ويهدرز معاه'.
ان 'قعمزت على يد الكنبه ' : اووو طيري.
محمود : شن جوك؟
انا : تمام ... باهي لتفكرتني.
محمود 'ضحك' : ديما في البال يا نصي.
انا : صدقتك ... خديت أختى و نسيتني.
محمود 'ضحك' : غاير ولا شني؟
انا : اي فيها حاجة.
محمود : لا لا.
سالم : بتنفخوهم انتوا.
انا 'ضحكت' : نصفوا في الحسابات .
سالم : مبارك يا محمود.
محمود : الله يبارك فيك.
بسام 'فتح الباب و مشى حضن سالم' : ياربي مش مصدق .
سالم "بألم" : بسـ..ـام .. جنبي.
انا : هي هي. مصاب را.
بسام 'باعد من عليه و قعمز جنب محمود': الحمدلله على سلامتك .
سالم 'إبتسم' : سلمك ..'شاف لمحمود'.. اي صار تجوزت.
محمود 'هز حواجبه'
سالم: رد بالك عليها ... نقتلك كان زعلت .
انا 'ضحكت' : غر يفكر بس. وقتها يكون في العناية .
بسام : ايواا. رد بالك را في وراها رجاله.
محمود 'رفع حواجبه' : إجتمعوا الخوت عليا توا.
محمد 'فتح الباب وشافلي' : شن في ؟؟
محمود : اهو جى خويا حتى انا ... مش انتم بس عندكم خوت را.
محمد 'تلفت للسرير و فتح عيونه بصدمة'
سالم 'وقف و فتح يديه' : نصي.
محمد 'مشى و حضن سالم بالقوة'
سالم 'عض شاربه و كتم الوجع': إشتقتلك يا بلى.
محمد : تي والله من لما سمعت الخبر حسيت الدنيا سوااد و ما فيها طعم.
بسام : باهي خوي مصاب حول .
محمد 'باعد من عليه'
سالم 'شاف لبسام' : إنت شن واجعك؟
انا : هى هى. شني احنا تباعد فينا وهو عادي.
سالم 'حط يده على كتف محمد' : توأمي هذا.
انا 'مشيت و نحيت يد سالم و حاوطت رقبته بيدي وشفت لمحمد' : خوي هوا را .
محمد : عارفه.
انا : قصدي رد بالك ....نغار انا .
محمد 'ضحك' : شن بنديرلك به؟
بسام : حي عليك هذا كان غار يحرق الدنيا .
محمد : عارفه ... الذئب.'غمزلي'
انا 'ضحكت' : من قالك علي لقبي؟
محمد : كيف عاد ... وسام الذئب او العضنفر و محمود الصقر .
بسام 'ضحك' : ما لقبوهم من فراغ.
سالم : مشردينهم.
انا 'قعمزت و درت رجل على رجل' : والله اللي بيقرب على أملاكي و يدير معاي شيء نكرهه ... بيشوف وجهي الثاني.
محمود :أقــوى ... صفقوله بالله 👏
بسام : تتذكروا لما كانوا وسام و مجاهد و محمود متريسين على الشارع.
سالم : كان إيديروا مافيا ياخذوا الصدارة.
انا : مليح شعور ان الكل يهابك و يحسبلك ألف حساب ... لكن المجتمع محتاج ناس طيبة ... بعدين خطأ إنك تتعامل مع كل الناس و في جميع الأوقات بشخصية مرعبة ... شخص عن شخص تفرق .. اللي ما يوصل فيك عاملة بخير و اللي يوصل فيك ... طلقة وحدة بين عيونه ينتهي.
بسام : طلقة بس متأكد؟
انا : اي.
بسام : يقول فيها كإنها حاجة عادية .
سالم "بإستعباط" : خيرك! هيا عقاب طلقة ..تخش في جسم الشخص تقطع لحمه. مش صعبه را.
انا : به ... ضربة ضيء قوتها 300 ينتهي.
محمد : لا يا راجل ... سهلتها والله.
بسام : يا عيني على الجانب المظلم ... وانا اللي ديما إنقول وسام طيب و عاقل.
سالم : فرقت العقالة.
محمود : خلاص ألا الذئب ايوا .
انا 'ضحكت' : ذكريات .
سالم : إتصلوا بسمعة .
انا : فوته هذاكا من لما تزوج نساااانا. زي ما دارت هلبا ناس .
محمود : سبحان الله ... تي هوا أسبوع واحد.
انا : بــس!
محمد : تو إنشوفوك لما تتزوج كم مرة بتجي.
محمود : في الأعياد بس.
انا : وبارك الله فيا .
سالم 'إتكى على السرير' : نادولي على سمعة يا ولاد.. أخ. الجرح 'حط يده على مكان الرصاصة'
محمد 'تلفتله وشهق' : تنزف راا.
سالم 'رفع إيده وشاف الدم'
انا 'طلعت تليفوني و إتصلت بسمعة' : ايوا ... تعالى توا توا بسرعة ... تي بسرعة امر مهممممم.'سكرت التليفون'
شويا وجى سمعة .. أول ما دخل رجع خطوتين للخلف فتح عيونه بصدمة : سالم؟
انا : اي سالم و بسرعة الولد ينزف .
سمعة ' قرب منه بسرعة قام الـسورية وشاف الجرح ' : تحمل شويا .
سالم : به .
سمعة ' نحى الـشاش و اللزقه فتح عيونه وحاول يخفي ملامح الصدمة ' : لازم نرفعه للمستشفى .
محمد : بنمشي نسخن السيارة .'نزل بسرعة'
سالم : خيرني؟
سمعة 'إبتسم' : شيء شيء غر الجرح يبي تعقيم .. و نغيرلك الشاش .
سالم "بشك" : اها به .
سمعة 'شافلي و أشر عالباب بعيونه وطلع '
انا 'شفت لبسام' : هي ساعده حتى يغير سوريته و احنا نستنوا فيكم لوطا.
بسام : به 'تلفتله' هي نوض.
انا 'طلعت وسكرت الباب' : خيره شن في؟
سمعة : العملية إنفتحت و إلتهبت.
انا 'عقدت حواجبي' : الزفت ... باهي شن بتديرله؟
سمعة : لاازم نرفعوه بسرعة .. مكان الرصاصة خطير. و لو قعدت العملية مفتوحة ممكن يصيبه جفاف .. ح نعقمها و نخيطوها من جديد. لكن.
انا : لكن شني؟
سمعة : #####
انا :####